Maafîu 2:4 - Yálá laawoo hɛɓɛ (dc)

⁴ Ə ɉaláá laa həli nuą nwun nąmįną da tɔ́n galamɔ̨ɔ̨ɠaa kəlee təli, ə di mąąni kɛ, yɛ diɛ: «Mį ɓə di kɛi pa Kristə kaai laa?»

Yálá laawoo hɛɓɛ

⁴ Ə ɉaláá laa həli nuą nwun nąmįną da tɔ́n galamɔ̨ɔ̨ɠaa kəlee təli, ə di mąąni kɛ, yɛ diɛ: «Mį ɓə di kɛi pa Kristə kaai laa?»

Bible

⁴ Nya ƃe è zâla láa soŋ-ƃela kpaya-kpayai da gɔlɔ-pɔ̃yɛ-ƃelai toli, è dímarê kɛ̀ mí ƃé da pâi Kôrai maa sɔlɔ ƃôi naai.

Maafîu 2:4 ပူးပေါင်းရင်းမြစ်များ

Kɔlɔnikɔ Veerɛi 34:13

di kɛ diɛ̨ həɠə nuą da goló kɛ nuą nwun na. Nu kəlee da gɛ koló. Lévi lonnii lɔwai, nu taɠaa di kɛ a nɔi hɛɓɛ́ kɛ nuą, daɠaa di ɓo a dɔ́n ɉɛɓɛ́ mɛ̨ikaa nuą, awala kɛ tii, bɛlɛ́ laaləi mɛ̨ikaa nuą.

Kɔlɔnikɔ Veerɛi 34:15

Hilkiyahu yɛ ɉɛɓɛ́ kɛmun Safan ɓa: «Ŋą́ą́ dɔ́n ɉɛɓɛ́i kaa Yai-Laa nwɔ pɛlɛ́i mu.» Hilkiyahu ə dɔ́n ɉɛɓɛ́ tɛɛ Safan pɔ.

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Ɛsdrasə 10:5

Ɛsdrasə ə muhəɠə nąąlɔwai, ə mo ɉaláá laa həli nuą nwunąməną diɛ, da Levi huwuhu nuą, da Israɛlə nu huwu kəlee, di di kwɛla; di gɛ yɛ bələi di mo la.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Nehemi 12:7

Salu, Amɔkə, Hilkiya, Yedaya. Yiliɠaa ɓə kɛ a ɉaláá laa həli nuą nwun nąmįną, da di kaayɔwɔɠaa, Ɉosue nwɔ lɔwai hu.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Ɉeremi 8:8

Ka tɔɔi ɓaa mį, kaa kɛ diɛ: mɛ̨nį kɔ́lɔn gili kaa ku yəi, mąąhɔlɔɓo, Yai-Laa nwɔ tɔ́n kaa ku yəi? Ya pa, ka dɔ́n ɉɛɓɛ́ mąą pənə a lɛɛ woo; dɔ́n ɉɛɓɛ́ kɛ nuą di wɔ kpɔn kɛ mɛ̨nį li.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Maafîu 2:3

Ɓɛlɔwai tɔɔmun Herodə ə nwoo tii mɛ̨n na, ɉu ə pu mą kpɔ kɛnɛ̨, ə mą kɛ Ɉerusalɛmə nuą kəlee.

Maafîu 2:5

Di nwoo pulu pənə diɛ mą: «Gaa pai hɔlɔɓoi Bɛtleɛmə daai Ɉude lɔi hu. Mąąhɔlɔɓo pələ ɓə Yálá kwəi mɛ̨nį hukulɔ mun ə bɛ̨ɛ̨ la, yɛ mą:

Maafîu 21:15

Mɛ̨nįɠaa tii Jesus ə gɛ Yálá hee pɛlɛ́ mu da tomąi tii nɛapəlɛɛɠaa di kɛi mo, diɛ kɛ mą: «Mąąwiɛ kaa Davidə Lon ma!» Yili ə nwąną ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ.

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Maafîu 26:3

Nąąlɔwai, ɉaláá laa həli nuą kpɛa-kpɛaɠaa, da Ɉuifə hulɔgoloɠaa di di ɲąąkpɔn Kaifə nwɔ tɔɔ kwəlii hu, ə gɛ, di Jesus hon mɛ̨nį mąą nwun dɔɔ kɛ.

Maafîu 26:47

Jesus ə lɛɛ lɔ moi tii, nwɔ kalan nɛai dɔ̨nɔ̨ yii da kɛ mą Ɉudasə, dɔɔ nuą ɲɛ̨itɔwɔ diɛ pa. Nu kpului tii kɛ bulu, gbɔn ə kɛ daɠaa yəi, ɓɔwa kwɛaa yɛ ɓo daɠaa yəi. Ɉaláá laa həli nuą kpɛa-kpɛaɠaa da Ɉuifə kalaɉɔnŋąa ɓə nuą tii tɔɔ.

Maafîu 27:1

Yələ wala pɔ, ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą di di ŋąąkpɔn, ə gɛ, di Jesus paa.

Maafîu 7:29

Mąąhɔlɔɓo, bələ hvəə di wɔ tɔ́n galamɔ̨ɔ̨ɠaa da di kalan na. Jesus ə kɛi di kalan a heeɓo laa.

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Lukə 20:19

Dɔ́n galamɔ̨ɔ̨ɠaa da ɉalaa laa həli nuą kpɛa-kpɛaɠaa, di gɔlɔn, diɛ kɛ, diɛ ka tii Jesus ə di mąą hanwɔ̨n ɉɔɔ, kɛlaa, di kɛi ɲɔw nuą diɛ.

Lukə 23:10

Ɉaláá laa həli nuą kpɛa-kpɛaa da dɔ́n galamɔ̨ɔ̨ɠaa di kɛi lɛɛ tamąą pɛlɛ a Jesus laa.

Ɉaan 18:3

Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

Ɉaan 3:10

Jesus ə nwoo pulu pənə yɛ mą: «Israɛlə lɔi hu ɓɛ, yɛ́ ɓə a mąąkwɛli kɛmun kɛnɛ̨, ya ɓə hvo yili kpaɠala kɔ́lɔn?

Ɉaan 7:32

Nuą tii lɛɛ Jesus laa ɓoi a loo mɛ̨nį di kee lɔwai, Farisiɛ̨ɠaa di mɛ̨n. Haláá laa həli nuą kpɛa-kpɛa da Farisiɛ̨ɠaa di holahiɠaa tɔɔ, ɉon.

Ɉaan 8:3

Dɔ́n galamɔ̨ɔ̨ɠaa da Farisiɛ̨ɠaa di pa a nɛ̨ɛ̨nu ta bɔ, yii di gulɔ wɛli pɛlɛ mu. Di paa la Jesus pɔ, di ɉee nu kpulu lɔwai.

Gɛlaɠaa 23:9

Nąą woo ɲąą ə nwąną kpɔ kɛnɛ̨ dɔ́n galamɔ̨ɔ̨ taɠaa, da Farisiɛ̨ɠaa di tɔɔ, di həɠə di tɔɔ, di lənə di ɓɛlaa woo ɓa a di nwąnąi, diɛ mą: «Ku hvo mɛ̨nį ɲɔ̨n nɔpee ta kɛi ɉulɔnui ŋɛ̨i ɓa, gbəli hu kiɛ, malaka ta, awala kɛ ti, ɲinɛ̨n da ka ti mɛ̨nį ɓoi mą.»

Gɛlaɠaa 4:5

Mąą yələ laa ɓoɔ, Ɉuifə nwun nąmįną da galanɉonŋąa, ə mą kɛ dɔ́n galamɔ̨ɔ̨ɠaa, di di ɲąąkpɔn Ɉerusalɛmə.

Gɛlaɠaa 6:12

Bələ ɓə di lɔ la nuą hu, da galanɉonŋąa ə mą kɛ tɔ́n galamɔ̨ɔ̨ɠaa. Di Etiɛnə hon də li la tɔ́n vili nąmįną lííla.