Maafîu 19:27 - Yálá laawoo hɛɓɛ (dc)

²⁷ Nąąlɔwai, Piɛrə ə mo Jesus ɓa yɛ mą: «Akɛti kani, kuɔi ŋɛ̨i kwaa hɛn gəlee lɛɛ laa kwaa hvilɛn ə́ pulu, ku wɛi kaa pai kɛi ləi?»

Yálá laawoo hɛɓɛ

²⁷ Nąąlɔwai, Piɛrə ə mo Jesus ɓa yɛ mą: «Akɛti kani, kuɔi ŋɛ̨i kwaa hɛn gəlee lɛɛ laa kwaa hvilɛn ə́ pulu, ku wɛi kaa pai kɛi ləi?»

Bible

²⁷ Nya ƃe Pitɛ è ŋ̀óo su tòo, ǹyɛɛ mai, “Gáa, kwa kúkɛ mɛni kélee lɛ́ɛ kúkɛ ƃò ípôlu. Gɛ̀ ní, le ƃe kwa pâi zɔlɔ ƃôi?”

Maafîu 19:27 ပူးပေါင်းရင်းမြစ်များ

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Maafîu 9:9

Jesus həɠɛɛ laa yɛ li, gɛɛ tɛɛi, ə hulɔnu ta kaa heeni nįįhɔ̨nwɔ̨ kulɔ taɓali ɓa. Naa ɓa kɛ a Matie. Ə mo mą, yɛ mą: «'Hvilɛn búlú!» Yili ə muhəɠə, ə hvilɛn bulu.

Markə 10:28

Piɛrə yɛ Jesus ɓa: «Akɛti, kuɔi ŋɛ̨i kwaa hɛn gəlee lɛɛ laa kwaa hvilɛn ə́ pului, ku wɛi kaa pai kɛi ləi?»

Markə 2:14

Gɛɛ kɛa tɛɛi, ə Alfe lon ɉulɔnu Levi kaa heeni yɛ nįįhɔ̨nwɔ̨ hon. Jesus yɛ mą: «'Hvilɛn búlú.» Levi ə muhəɠə ə hvilɛn bulu.

Lukə 14:33

Jesus yɛ nwɔ̨nɔ̨ diɛ: «Yili ɓə gaa mą, ka ta hva pɛli kɛi a nwɔ́ kalan non, akɛ hvo lənə li gbɔwɔ ɓa da ɉɔlɔɓo hɛnŋąą kəlee.»

Lukə 15:29

Kɛlaa, non ə nwoo pulu pənə yɛ mą: ‹Ə́ wəli tɔɔ, aa kɛ a kwɛlan damąą, gɛ́ koló kɛ yɛ́, və́ ta ə́ woo pili li. Kɛlaa yaamun, hvo takpɛli ɓolu lon dɛɛ li bɔ́, kwa mɛ́laa ku hvo mį́į́ a kwəinɛ̨ɛ̨.

Lukə 18:28

Piɛrə yɛ mą: «Akɛti, kuɔi ŋɛ̨i kwaa ku yəi hɛnŋąą kəlee lɛɛ laa, kwaa hvilɛn ə́ pulu.»

Lukə 5:11

Di gələnŋąa lɛɛ ɲá kwɛlɛ, di ɉɛnŋąa kəlee lɛɛ laa, di hvilɛn Jesus pulu.

Korɛntə dɔlɔɔ 1:29

Ya ɓə a gɛ, Yálá ŋą pɛli hɛn da hva gbɔwɔ ɲąąkɛnɛ̨ la ti Yálá ɲɛ̨i ɓa.

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Dutɛrɔnome 33:9

Diɛ ɓə ə́ wɛlila kɛ kpɔ ə tɛɛ di kaa nuą diɛ, da di kaayɔwɔɠaa, ə mą kɛ di lonnii diɛ, ɓɛlɔwai di ə́ woo hon na, diɛ ə́ wɔ mįnɛ̨i mąąwiɛ.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,