Maafîu 19:14 - Yálá laawoo hɛɓɛ (dc)

¹⁴ Jesus ə mo diɛ yɛ diɛ: «'Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuąi di kaa yɛ nɛapəlɛɛ ŋɛ̨i, diɛ ɓə Yálá-taa tɔɔlaa kaa a di pɔɔ.»

Yálá laawoo hɛɓɛ

¹⁴ Jesus ə mo diɛ yɛ diɛ: «'Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuąi di kaa yɛ nɛapəlɛɛ ŋɛ̨i, diɛ ɓə Yálá-taa tɔɔlaa kaa a di pɔɔ.»

Bible

¹⁴ Nya ƃe Zîsɛ è mò, ǹyɛɛi, “Ka ǹîa-pɛlɛɛi lɛ́ɛ naa, káfe díkpera a gɛɛ dí pa ḿbɔ. Núu kɛ̂ɛ-ŋai ŋí ƃe Ŋ̀âla-taa kâloŋ-laai káa dímɛni ma.”

Maafîu 19:14 ပူးပေါင်းရင်းမြစ်များ

Zɛnɛse 21:4

Isaakə hɔlɔɓoɔ, lɔwɔ tɔ̨nɔ̨ tɛɛ pulu, Abrahamə ə ɉee kɛ́nɛ̨ ɓa, yɛ pələi Yálá ə mo la mą.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 18:3

Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Maafîu 19:15

Jesus ə ɲee laa nɛapəlɛɛ tii mɛ̨i, yili pulu ə həɠə laa diɛ li.

Maafîu 5:10

Nwun na nɛ̨ɛ̨ nuą ɓaa nuąi da di ɓɛlɛkpɛɛ diɛ tələnmolaa mąą mɛ̨nį ɓa. Mąąhɔlɔɓo, Yálá-taa tɔɔlaa kaa a di wɔ!

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Markə 10:15

Gáá tɛ̨ą ɓoi kaa, nui a wala ɲee hee Yálá-taa tɔɔlaa mu yɛ lokolo, mąą nu hva pɛli lɔi Yálá-taa tɔɔlaa hu.»

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Nwun mąąɓo 13:7

Ə kɛ lɔ mą́ą́: ‹Ə́ kaa pai koo həɠəi, ə́ lon ɉulɔnu hɔlɔɓo, ə həɠə yiihu ɓa, hvo lɔɔ kpələ, kpələ hɛn ɉuwui lɔpee a nu nwun ɉu tínɛ̨n, hvo da kpələ. Kɔ̨nɔ̨n yii Yálá ə tɔ́n dɔɔ mą, hvo da mįi; mąąhɔlɔɓo, nokoloi tii kaa pai kɛi a nui naakwɛlanmoɔ Yálá ɓa, ə gɔwɔ tɔɔ nee kwəi, ə lɛɛ la ɉu, ɉaa yələ.›»

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 1:22

Kɛlaa, Anə hvo li, mąąhɔlɔɓo, ə mo ɉilɛ ɓa, yɛ mą: «Gu nąą mąąkpɔn, di nokolo laa kulɔ ɲįnį ɓa, nąąlɔwai, kwa yaa kwali di naa həli Yai-Laa ɓa, ə lɛɛ kɛa laa a yələ kəlee.»

Samuɛlə dɔlɔɔ 1:24

Yii kɛa ə naa kulɔ ɲįnį ɓa, ə ɉəɠə ə bɛlɛ kwɛlan ɉaaɓa nįŋɛ̨ hilɛ tɔ̨nɔ̨ ɓa, da lɛɠɛ hunwɔ̨ gəgən ɉu tɔ̨nɔ̨ ɓa, da lɔɔyá ləɠi tɔ̨nɔ̨, ə nokoloi lɔ Yai-Laa hee pɛlɛ́ mu ə kɛ laa a naa tíɓo kɛ mun da.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.