Maafîu 18:7 - Yálá laawoo hɛɓɛ (dc)

⁷ Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Yálá laawoo hɛɓɛ

⁷ Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Bible

⁷ Kpalo ƃélaâi ŋ̀éniɛi su-ƃelai dîa yee-laa-maa mɛni ma! Gáa a sɛŋ fɛ̂ɛ yee-laa-maa é pá, kɛ́lɛ, kpalo ƃélaâi ǹúui ma a pâ a nyee-laa-maai!

Maafîu 18:7 ပူးပေါင်းရင်းမြစ်များ

Zɛnɛse 13:7

Hvóló ta, hvaa ə too Abramə nwɔ taatɛlɛɛ mɛ̨i kaa nuąi da Lɔtə nwɛiɠaai di lɔwai. Gɛɛnąą tɔ̨nɔ̨i tii di kɛ laa, Kanaan nuą da Perizi nuą di kɛ lɔ gɛɛnąą tɔ̨nɔ̨i tii.

Samia Veerɛi 12:14

Kɛlaa, gɛ mɛ̨nį yaa Yai-Laa ɓɛlɛkpɛɛ ma a dúwɔ́ ŋɛ̨i ə́ moi, non ɉulɔnui tii hɔlɔɓo, gaa pai haai.»

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Markə 13:7

Ɓɛlɔwai ka káá pai kɛi kɔ́ mɛ̨i wooɠaa mɛ̨n ɉi la yii a kɛ kwɛala da yii a kɛ a nɛɠɛɛ kaa, ka hvo ɲɔ̨w. Mąąhɔlɔɓo, hvo kɛli mɛ̨nįɠaa tii da gbɛa kɛ. Kɛlaa, yili hva nii kɛ a yɛnɛ̨ɛ̨ ŋąąkpɛɛi lɔwai.

Lukə 17:1

Jesus ə mo nwɔ kalan nɛai diɛ, yɛ diɛ: «Nuą too mɛ̨nį nɛ̨ŋɛ̨n ɉu, yili hva ɉəɠə mą; kɛlaa, nui a mɛlan doo nɛ̨ŋɛ̨n ɉu, nɛ̨ŋɛ̨n naa ɓə.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Gɛlaɠaa 1:16

«Ną́n nonnii, mɛ̨nįi Kili-Mąąhəɠɛɛ ə mo ɉɛɓɛ́ mąąhəɠɛɛ hu, hvo kɛli kɛ bɔ mɛ̨nį ə kɛ, yai ə bu Davidə la yɛ hvilɛn na Ɉudasə ɓa, yaai tɔɔ nuą tɔwɔ diɛ pa Jesus hon ɉii.

Korɛntə dɔlɔɔ 11:19

Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Timote dɔlɔɔ 6:1

Nuąi kpɔ di kaa luwɔlaa ŋą kpono hu, di mąąnɛ̨ɛ̨i di di nąmįną mąąwiɛ, yili ɓə a gɛ, Yálá laa hva kala, ɛlɛɛ, da kalan mɛ̨nį.

Taitɔ 2:5

Di kɛ a tɛ̨ą kɔ́lɔn nuą mąąhəɠə laa hu, diɛ pɛlɛ́n góló kɛ a nɛlɛɛ, di ɲɛ̨i ponoɔ di yəi bɛlɛ́n, di liinɛ̨ɛ̨ di kwəi, diɛ ɓo di hilɛni woo mu; əgɛ, ɓɛlɛ hvo pa kpɛɛ Yálá laa woo ɓa.

Taitɔ 2:8

ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.