Maafîu 18:31 - Yálá laawoo hɛɓɛ (dc)

³¹ Yii kɛa mɛlaa di yili naa kaa tii, ə nwąną kpɔ diɛ kɛnɛ̨, dəli di mo di nwun nąmu ɓa.

Yálá laawoo hɛɓɛ

³¹ Yii kɛa mɛlaa di yili naa kaa tii, ə nwąną kpɔ diɛ kɛnɛ̨, dəli di mo di nwun nąmu ɓa.

Bible

³¹ Tãi m̀arâŋ-yee-mu-ƃelai dí m̀ɛnii kɛ̀ kɛ̂i naa kàa lai, malôŋ è tòo dîa a ŋánaa. Nya ƃe dí lì dí gélee ƃo dínuu-namui ma.

Maafîu 18:31 ပူးပေါင်းရင်းမြစ်များ

Zɛnɛse 37:2

Ɉakɔbə lonnii mąą mɛ̨nį hukulaa ka: Ɉosɛfə ə kɛ a hulɔnon, gaa kwɛlan yɛ ɓo pow kɔ́w mɛ̨ihveelɛ, da niɛni di ɓo mɛlaɠaa da moluɠaa pulu lɔi pun ɉu, niɛni tii, di kɛ a nąn nɛ̨ąni veelɛ Bilha da Zilpa di lonnii. Yii kpɔ kɛ niɛni da gɛ a ɲɔ̨nwɔ̨ɔ̨, a pa, ə ɉukulɔ di nąn ma.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 119:158

Ŋą́ hvulunuą kaa, da ɓaɠi lii tɛ a ɲą́ą́, mąąhɔlɔɓo, mɛ̨nįɠaai ə́ mo di hvo bɔ mɛ̨nį kɛi.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Maafîu 14:9

Yili mɛ̨n tɔɔmun ə mo gwəi hvo nɛ̨ɛ̨. Kɛlaa, gwɛla woo mąą mɛ̨nį ɓa, mɛlaa ɲɛ̨i ɓa, ə mo yɛ diɛ: Ka dɛɛ bɔ.

Maafîu 18:28

Ɉulɔn əí tii di mąąhvaalɛɛ, ə kulɔ lɔ ə mɛlan da kaa nwɔ hɛn mɛ̨nį yɛ ɓo yili ɓa, a túwɔ́ yɛa tɔ̨nɔ̨ wali. Ə nɛɛmą ə wolo yili ɓa, ə ɉon a gwaną, yɛ kɛ ə baa; yɛ mą: ‹Nwɔ́ hɛn mɛ̨nį kulɔ ɉu!›

Maafîu 18:30

Kɛlaa, hvo kpɔ gɛ hvo mɛlan mąąhvaalɛɛ. Ə li la ə doo gaho ɲą; yɛ mą: ‹Ə́ kaa lɛɛi ɓe, hvo kɛli ya nwɔ́ kwələi kulɔ.›

Maafîu 18:32

Di nwun nąmu yɛ diɛ: ‹Ka li ka ɉon ka paa la. Də li di Ɉon di paa. Di nwun nąmu yɛ mą: Nu ɲɔ̨nwɔ̨ɔ̨ ɓaa a yɛ. Kəlɛɛi ŋą́ nwɔ́ hɛn mɛ̨nį kɛnɛ̨i lɛɛ yɛ a mɛ̨nį nɛ̨ɛ̨, mąąhɔlɔɓo, ə nɛ̨ɛ̨mąą hvə mą́ą́-e!

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Lukə 14:21

«Góló kɛmun tii ə pənə ə pa nąmu pɔ, ə nwooɠaa tii kəlee hukulɔ mą. Bɛlɛ nąmui tii ə nii ŋąnwąną kpɔ kɛnɛ̨, ə mo nwɔ tímun ma, yɛ mą: ‹'Li gwəli hɛ̨ąiɠaa ɓa, daa pɔ, nui lɔpee yá kwiɛn na, ə́ mo mą; ə kɛ a: yeehvowolomun, ə kɛ kpɛɠiimu, ə kɛ a ɲɛ̨ipumun, mo diɛ di pa ɓɛ.›

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Korɛntə veelɛ 11:21

Ku ɲɛ̨i paa mɛ̨nį kpɔ-kpɔɔ ka ŋɛ̨i gáá moi, ku ku kpɔwɔ lɛ lɔ yɛ hvįikpɛɛ nuą. Gáá hvaai yɛ ɓowomun, mɛ̨nįi da di kpɔwɔ ɲąą kɛnɛ̨ ɉu, ɲą́ą́ gbɛli ŋą́ gbɔ́wɔ́ ɲąą kɛnɛ̨ lɔ ɉu.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.