Maafîu 18:28 - Yálá laawoo hɛɓɛ (dc)

²⁸ Ɉulɔn əí tii di mąąhvaalɛɛ, ə kulɔ lɔ ə mɛlan da kaa nwɔ hɛn mɛ̨nį yɛ ɓo yili ɓa, a túwɔ́ yɛa tɔ̨nɔ̨ wali. Ə nɛɛmą ə wolo yili ɓa, ə ɉon a gwaną, yɛ kɛ ə baa; yɛ mą: ‹Nwɔ́ hɛn mɛ̨nį kulɔ ɉu!›

Yálá laawoo hɛɓɛ

²⁸ Ɉulɔn əí tii di mąąhvaalɛɛ, ə kulɔ lɔ ə mɛlan da kaa nwɔ hɛn mɛ̨nį yɛ ɓo yili ɓa, a túwɔ́ yɛa tɔ̨nɔ̨ wali. Ə nɛɛmą ə wolo yili ɓa, ə ɉon a gwaną, yɛ kɛ ə baa; yɛ mą: ‹Nwɔ́ hɛn mɛ̨nį kulɔ ɉu!›

Bible

²⁸ “Kɛ́lɛ, ǹyée-mu-nuui tí è lì é m̀arâŋ-yee-mu-nuui kaa nyii ŋɔsêleŋ ŋuŋ tɔnɔ (100) è kɛ̀ mai. Nya ƃe è zòŋ a gwana, ǹyɛɛ mai, ‘Ŋákpâi gáa yâi gbɛ̀ɛ.’

Maafîu 18:28 ပူးပေါင်းရင်းမြစ်များ

Nehemi 10:31

Yii gaa tii ku hvo kɛa pai ku lonnii nɛ̨ą tɛɛi nɔi hu nuą pɔ, ə lɛɛ, ku hvo pai di lonnii nɛ̨ąą həɠəi a ku lon ɉinąą di nɛ̨ąni.

Nehemi 5:7

Ŋą́ gaa, gɛ́ diɛ, mą nɛɛ ŋį́ haŋą kalanɉonŋąą da ɲɛ̨itɔwɔ nuą diɛ. Yili ɓə gɛ, ŋį́ mo diɛ, gɛ́ diɛ: «Tiɲɛ̨ wiaa ka ŋɛ̨i ka káá ɉeei ka kee nwuɔ̨.» Yili pulu, ŋį́ di kəlee di təli ŋąąkpɔn kɛnɛ̨ ɓa.

Hanwon 28:3

Ɲąąwooɓo kɛmun hɛn və ɲəi, ɛlɛɛ, yɛ ɲee pɛ̨nɛ̨ mąąwɛli nuą hu, gaa yɛ kɛɛ kala tulɔi hva kɔ̨nɔ̨n nɛɛ bulu.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Izikiɛ 45:9

Mɛ̨nį kəlee ŋą Hééɓomun Yálá woo ka, yɛ: «Aa tɛɛ ɲɛ̨n ɉu, Israɛlə ɲɛ̨itɔwɔ nuą, 'ká kpəla wea da toomɛ̨i kɛɛ ɓa; ka túwɔ a tɛ̨ą da tələnmolaa. Ka hvo kɛa hee nwɔ́ lɔi lonnii mɛ̨i, Mɛ̨nį kəlee ŋą Hééɓomun Yálái woo li.

Maafîu 18:27

Gwələ nąmu ə Ɉɛn mɛ̨nį kɛnɛ̨i tii kəlee lɛɛ ma a ɉɔɔ, yɛ mą: Li! Ə́ mąą mɛ̨nį nɛ̨ɛ̨li.

Maafîu 18:29

Mɛlan tii yaa kpɛli ə too gɔwɔ mu, yɛ mą: ‹Gɛ Ə́ mąąhvaalɛɛ, əí liilaa, gaa pai ə wɔ kwələi kulɔi.›

Maafîu 20:2

Ɲələ walai tii hu, ə nuą hɔlɔɓo da diɛ ni di pɛli ɉu, yɛ diɛ: Gáá hvóló tɔ̨nɔ̨ wali tɛɛi ka pɔ a wali kwələ tɔ̨nɔ̨ nu tɔ̨nɔ̨. Ə di tɛɛ ɲei ɉihɛn ɲɛa.

Markə 14:5

Ə mą kɛ nu aa kwɛlan dɔ̨nɔ̨ kóló kɛ, nwali hva pɛli həli nwulɔi ŋɛ̨i ɉɔnwɔ hu, mąąnɛ̨ɛ̨ kɛ gu nwulɔi ŋɛ̨i lɔwɔ́tɔɔ gu nwali tɛɛ yeehowolo nuą pɔ.» Pələ kpɔlɔɔ ɓə di kɛi mo la nɛ̨ɛ̨nu tii laa a di nwąnąi.

Markə 6:37

Kɛlaa, Jesus ə di woo pulu pənə yɛ diɛ: «Kaa kpinįi ka di kɔ̨nɔ̨n gɛ.» Galan nɛa di mąąni kɛ diɛ mą: «Ə kaa bɔ gwə li ku wali kwələ nwun veelɛ lɛɠɛ ya, ku gɛ a di kɔ̨nɔ̨n?»

Lukə 10:35

Mąą yələ laa ɓoɔ, ə túwɔ́ yɛa hveelɛ wali həɠə ə dɛɛ nwea laa pɛlɛ nwun nąmu pɔ, yɛ yili ɓa: ‹Nui ŋɛ̨i, ə́ ɲɛ̨i kɛ mą a nɛlɛɛ. Ɓɛlɔwai ŋą həɠə la ɉiɛ ɓa ŋą pai, wali yii ə́ kaa pai gwɛlɛi mąą mɛ̨nį hu, a kɛnɛ̨ a tɛɛ yii ŋɛ̨i ŋį́ dɛɛ ə́ pɔ mai, ŋą bɔi tɛɛ ə́ pɔ.›»

Lukə 7:41

Jesus yɛ mą: «Nu hveelɛ ə kɛ laa, hulɔnu tɔ̨nɔ̨ nwɔ kwələ yɛ ɓo diɛ. Dɔ̨nɔ̨ nwɛi yɛ ɓo a: wali kwələ nwun nɔɔli, dɔ̨nɔ̨ nwɛi yɛ ɓo a: wali kwələ yee lɔɔli.

Ɉaan 6:7

Filipə ə Jesus woo pulu pənə, yɛ mą: «Ə mą kɛ gwaa waa nwun hveelɛ lɛɠɛ ya, gu ɉu tee a bɛlɛɛ-pɛlɛɛ, nuą ŋɛ̨i kəlee di hva kpɛli ɉɔlɔɓo.»

Dutɛrɔnome 15:2

Gwələ lɛɛ mɛ̨nį nuą diɛ a kpɛli, gɛ pələ ka: Nui a kwələ tɔɔ mɛlan mun ma, a gwələ lɛɛ mą a kpɛli. Da gwələ lɛɛ mɛ̨nį a kpɛli loloɓo Yai-Laa laa hu. Mąą nu hva pɛli mɛlan, awala kɛ tii nąn non ganąn ɉii.