Maafîu 18:27 - Yálá laawoo hɛɓɛ (dc)

²⁷ Gwələ nąmu ə Ɉɛn mɛ̨nį kɛnɛ̨i tii kəlee lɛɛ ma a ɉɔɔ, yɛ mą: Li! Ə́ mąą mɛ̨nį nɛ̨ɛ̨li.

Yálá laawoo hɛɓɛ

²⁷ Gwələ nąmu ə Ɉɛn mɛ̨nį kɛnɛ̨i tii kəlee lɛɛ ma a ɉɔɔ, yɛ mą: Li! Ə́ mąą mɛ̨nį nɛ̨ɛ̨li.

Bible

²⁷ Nya ƃe ǹyée mu-nuui tí ŋɔnuu-namui è m̀alôŋ kàa é tée ma é gbâi lɛ́ɛ m̀a.

Maafîu 18:27 ပူးပေါင်းရင်းမြစ်များ

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Mąątɛ̨nɛ̨ 145:8

Yai-Laa kili lɛlɛɛ gwəi, Níi nɛ̨ɛ̨ gwəi, hva nii holi ɉá, wɛlikɛmąą kili lɔ ɓə gwəi.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Maafîu 18:28

Ɉulɔn əí tii di mąąhvaalɛɛ, ə kulɔ lɔ ə mɛlan da kaa nwɔ hɛn mɛ̨nį yɛ ɓo yili ɓa, a túwɔ́ yɛa tɔ̨nɔ̨ wali. Ə nɛɛmą ə wolo yili ɓa, ə ɉon a gwaną, yɛ kɛ ə baa; yɛ mą: ‹Nwɔ́ hɛn mɛ̨nį kulɔ ɉu!›

Maafîu 18:32

Di nwun nąmu yɛ diɛ: ‹Ka li ka ɉon ka paa la. Də li di Ɉon di paa. Di nwun nąmu yɛ mą: Nu ɲɔ̨nwɔ̨ɔ̨ ɓaa a yɛ. Kəlɛɛi ŋą́ nwɔ́ hɛn mɛ̨nį kɛnɛ̨i lɛɛ yɛ a mɛ̨nį nɛ̨ɛ̨, mąąhɔlɔɓo, ə nɛ̨ɛ̨mąą hvə mą́ą́-e!

Lukə 7:42

Yii kɛa di nu hveelɛi di ta hvo nwali kwələ kulɔ hɔlɔɓo, gwələ nąmu ə nɛɛ diɛ a mɛ̨inɛ̨ɛ̨. Akɛti, nu hveelɛi tii, nɛlɛ ɓə a ɉulɔnui tii wɛli la kɛ kɛnɛ̨?»

Lukə 7:43

Simɔn ə nwoo pulu pənə yɛ mą: «Nwɔ́ kwəi, nui ŋɛ̨i di ɉɛn mɛ̨nį kɛnɛ̨ lɛɛ ma, a mɛ̨inɛ̨ɛ̨, ya ɓə.» Jesus yɛ Simɔn ɓa: «Yaa tɛ̨ą ɓo.»

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.