Maafîu 18:14 - Yálá laawoo hɛɓɛ (dc)

¹⁴ Pələ kpɔlɔ ɓə gaa la nɛapəlɛɛ ŋɛ̨i mąą mɛ̨nį hu. Ka Ną́n Yálá yai gaa yələkɔlɔn ɉu, hvo bɔ dɔ̨nɔ̨ kpɛli hvo lán.»

Yálá laawoo hɛɓɛ

¹⁴ Pələ kpɔlɔ ɓə gaa la nɛapəlɛɛ ŋɛ̨i mąą mɛ̨nį hu. Ka Ną́n Yálá yai gaa yələkɔlɔn ɉu, hvo bɔ dɔ̨nɔ̨ kpɛli hvo lán.»

Bible

¹⁴ Bere nɔ́ ƃé máŋ Káɣâla-taa Naŋ fé ŋ̀wɛli ni la a gɛɛ ǹîa-pɛlɛɛi ŋí dɔnɔ kpîŋ é sáa.

Maafîu 18:14 ပူးပေါင်းရင်းမြစ်များ

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 18:13

A gaa, gwəi a nɛɛ dɔ̨nɔ̨i tii mąą mɛ̨nį hu ə tɛɛ bow-mɛ̨inąąn-kɔw mɛ̨inąąn tii mąą mɛ̨nį ɓa.

Maafîu 18:15

«Akɛ nu ta a mɛ̨nį ta kɛ a yɛ́, li ə́ mo mą ka nu hveelɛ kɛɛnáá. A ɉɔn gɔlɔn, ə nɛ̨ɛ̨mąą hvə, akɛ tii yáá ə́ ɓɛlan ɉɔlɔɓo.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Maafîu 6:32

Nuąi di hvo Yálá kɔ́lɔn, diɛ ɓə mąąnɛ̨ɛ̨ di yiliɠaai niihɛlɛn ɉee. Ka Ną́n gaa yələi, ə ka kpaan mɛ̨nį kəlee kɔ́lɔn.

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Ɉaan 21:15

Di kpɛɛ kɛa a di kɔ̨nɔ̨n mį́ɛ, Jesus yɛ mą Simɔn Piɛrə ɓa: «Simɔn Ɉaan lon, nwɛ́li kaa yɛ́ ə tɛɛ ə́ ɓɛlaa diɛ?» Ə nwoo pulu pənə yɛ mą: «Ną́mu, ə́ gɔlɔn yɛ́ ə́ wɛli kaa mą́ą́.» Jesus yɛ mą: «Nwɔ́ ɓɛlaa lonnii laahɔnmo.»

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Hebreu 12:13

ɛlɛɛ, 'ká ká hiɛ pələɠaa haŋą, ə gɛ, lɔwnuą di hvo pa kpɛlɛɠɛlɛn, kɛlaa yaamun, di ɓalo.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.