Maafîu 17:17 - Yálá laawoo hɛɓɛ (dc)

¹⁷ Jesus ə haŋą nuą tii kɛ laa diɛ, yɛ diɛ: «Ka wɔ mɛ̨nį ɲɔ̨nwɔi, laa na laa hvo ka yəi! Akɛti, gáá pai lɛɛ ka mu kpəŋəi hąą, hvo kɛli mįnɛ̨ lɔwai? Yili pulu yɛ diɛ: Ka pa a nokolo kpɔ bɔ́.»

Yálá laawoo hɛɓɛ

¹⁷ Jesus ə haŋą nuą tii kɛ laa diɛ, yɛ diɛ: «Ka wɔ mɛ̨nį ɲɔ̨nwɔi, laa na laa hvo ka yəi! Akɛti, gáá pai lɛɛ ka mu kpəŋəi hąą, hvo kɛli mįnɛ̨ lɔwai? Yili pulu yɛ diɛ: Ka pa a nokolo kpɔ bɔ́.»

Bible

¹⁷ Nya ƃe Zîsɛ è ŋ̀óo su tòo, ǹyɛɛi, “Óo ŋ̀éniɛi ŋí su-ƃelai, laa-la fé káyêei, kálii su fé sãa ni. Fɛ̂ɛ ŋá kɛ́ kákɔlɛ a tãi ɣɛɛlu? Fɛ̂ɛ ŋá ńii kpéle káyêei a tãi ɣɛɛlu? Ka pá la ḿbɔ ƃɛ.”

Maafîu 17:17 ပူးပေါင်းရင်းမြစ်များ

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 16:28

Yai-Laa, yɛ Moisə ɓa: «Ka káá pai lɛɛi ka nwun gulɔi nwɔ́ tɔ́n nwooɠaa da nwɔ́ tiɓoɠaa mu, ə lɛɛ ɉu mįnɛ̨ lɔwai?

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Hanwon 6:9

Ə́ hviɲɛ̨mun ŋɛ̨i, ə́ kaa pai lɛɛi laani ə lɛɛ ɉu mįnɛ̨ lɔwai? Mįnɛ̨ lɔwai ɓə ə́ kaa pai ə́ muhəɠəi la?

Azaya 19:14

Yai-Laa aa nwun ɉu tinɛ̨n ɲɔ̨n bɛlɛ diɛ, diɛ Eziptə tɔɔ lɔ takpa takpa gɛ mɛ̨nįɠaa kəlee hu, yɛ bələi lɔɔ hon a kɛ tɔɔi la, yɛ ɓaɠi.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Lonon mo 14:27

«Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?

Maafîu 13:58

Jesus hvo kɛa kpalo mɛ̨nį tamąą kɛ Nazarɛtə daai, mąąhɔlɔɓo di hvo laa na.

Maafîu 16:8

Yii kɛa Jesus ə di wɔ kiliŋąhiɛ kaa tii, ə di mąąni kɛ yɛ diɛ: «Lə mɛ̨nį ɓa ka káá kɛi ka kee ɓa: Akɛti, nɛɠɛi tii gu hvo ɉəɠə li mąą mɛ̨nį ɓə gaa moi la tii! Éé ka wɔ laa na laa tiikpə ɓə ee!

Maafîu 17:16

Ŋą́ paa la ə́ wɔ kalan nɛai pɔ, kɛlaa, di hvo pɛli gɔlɔi ponoi.»

Maafîu 17:18

Jesus ə haŋą vɛli-hvɛli ɲį́nɛ̨n tii ɓa, ə həɠə nokoloi tii pulu, gɔlɔi ə pono kpɔlɔɔ tii ŋąąɓa.

Maafîu 6:30

Éé kə! Kaai ka wɔ laa na laa hvo kɛnɛ̨ li! Gáá moi kaa, akɛ, Yálá a lɔwɛi wuluɠaa mąąyili tii, diɛi di hva lamu yɛnɛ̨ɛ̨, diɛ di kələn, kaa mun ka hviɛlaɓoɔ, hva ka mąąyili həɠə kɛ ə tɛɛ nwuluɠaai tii diɛ?

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Markə 16:14

Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Markə 9:19

Jesus ə mo nu kpului tii ɓa, yɛ diɛ: «Nu huwu ɲɔ̨nwɔ̨ɔ̨ɠaa ɓaa kaa, laa na laa hvo ka yei. Akɛti, hvo kɛli gwa lɛɛ gu kee ɓa hąą mįnɛ̨ lɔwai, ə gɛ, kaa pɛli mɛ̨nįɠaa ɲɛ̨i kɛi? Akɛti, hvo kɛli ŋą níí kpələ ka mu hąą mįnɛ̨ lɔwai? Ka pa a nokoloi tii bɔ́.»

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Lukə 9:41

Jesus ə haŋą nuą tii kɛ laa diɛ, yɛ diɛ: «Ee ka wɔ laa na laa hvo kɛnɛ̨ li, ka wɔ mɛ̨nį ɲɔ̨nwɔ̨ɔ̨i! Akɛti, gáá pai lɛɛi ka pɔ hvo kɛli mįnɛ̨ lɔwai? Jesus yɛ ɉulɔnui tii ɓa: Pa a ə́ lon tii ɓɛ.»

Ɉaan 20:27

Yili pulu Jesus yɛ Tomasə ɓa: «'Ə́ yeekpiɛ lɛɠɛ ɓɛ, ə́ ɲéé ɲąɠaa kaa, ə́ laa na laa kɛ.»

Gɛlaɠaa 13:18

Kwɛlan bow nąąn ɲee mu, ə di kɔ̨nɔ̨n gɛ nɔi pun ɉu.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Korɛntə veelɛ 11:1

Akɛ ká pɛli ká liikpələi tiikpə, nwɔ́ ɓowo hvaa ɓoɔ mui; yaan, a tɛ̨ą, hvo kɛli ká ká liilaa bɔ́!

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!