Maafîu 17:12 - Yálá laawoo hɛɓɛ (dc)

¹² Kɛlaa, gáá moi kaa, Eli aa gbɛa kɛ pa. Nuą di hvo gɔlɔn ni, kɛlaa, di ɉɔn a ɲɔ̨nwɔ̨ɔ̨ yɛ pələi di kɛ la bɔ. Pələ lɔ ɓə di kaa pai Nu Lon hon Ɉii la, di naanɔ̨nwɔ̨ ɓo a di liiɓa pələ.»

Yálá laawoo hɛɓɛ

¹² Kɛlaa, gáá moi kaa, Eli aa gbɛa kɛ pa. Nuą di hvo gɔlɔn ni, kɛlaa, di ɉɔn a ɲɔ̨nwɔ̨ɔ̨ yɛ pələi di kɛ la bɔ. Pələ lɔ ɓə di kaa pai Nu Lon hon Ɉii la, di naanɔ̨nwɔ̨ ɓo a di liiɓa pələ.»

Bible

¹² Ŋá m̀ôi kâa Ilaza a nâa pá, kɛ́lɛ, dífe m̀aa kpɛɛ ni. M̀ɛni ma, m̀ɛnii kélee dí kɛ̀ ŋ̀wɛ̂lii, dí gɛ̀ lai dí gɛ̀ la. Bere nɔ ƃe máŋ núu-kpune Ǹóŋ a pâi mɛni-soli kâai la díyee mu.”

Maafîu 17:12 ပူးပေါင်းရင်းမြစ်များ

Maafîu 11:2

Nąąlɔwai, Ɉaan ə kɛ gaho ŋą, ə Kristə nwɔ kólo kɛɛ mɛ̨i woo mɛ̨n; ə nwɔ kalan nɛai taɠaa tɔɔ diɛ li Jesus mąąni kɛi.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 17:11

Jesus ə di woo ŋąąpənə yɛ diɛ: «Tɛ̨ą li, Eli a gbɛa pa, ə mɛ̨nįɠaa kəlee hee pələ pɛli.

Maafîu 17:13

Galan nɛa di gbaɠala kaa, diɛ, Ɉaan-Batistə ka tii Jesus kaa kɛi ma Eli.

Maafîu 17:22

Ɓɛlɔwai Jesus da nwɔ kalan nɛai kəlee di kɛ la Galile lɔi hu, ə mo diɛ yɛ diɛ: Di kaa pai Nu Lon laakwɛlanmoi nuą diɛ.

Maafîu 17:9

Di kɛɛ kɛa ɲee yɛɛi, Jesus ə mo diɛ yɛ diɛ: «Gɛɛ ŋɛ̨i ka gaa, ka hvo bələ ɓo nui lɔpee ta ɓa ə lɛɛ la ɉu Nu Lon ə nwun ə kulɔ haa ɓɛlaa lɔwai.»

Maafîu 21:32

Mąąhɔlɔɓo, Ɉaan ə pa ə tɛ̨ą hu hiɛ ɓo pələ lɛ kaa, ka hvo laa na. Kɛlaa, niihɔ̨nwɔ̨ kulɔ nuą da wɛli hon nuą di laa na. Ka wɛi, pələi mąn ka mɛ̨nįɠaa tii kaa la, ka hvo ka túwɔ́ pələ ɲɔ̨nwɔ̨ɠaa mąąhvelən ni ka hvo laa na.»

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Lukə 7:33

Yaan, Ɉaan-Batistə pai ə mo, hvo ka wɔ kɔ̨nɔ̨n ta mį́į́, hvo lɔɔ kpələ, kɛlaa, ka mo kaa diɛ: ‹Ɲinɛn gaa bulu!›

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Gɛlaɠaa 4:10

mąąnɛ̨ɛ̨ ka kəlee ka gbaɠala kaa, ə mą kɛ, Israɛlə nuą kəlee, kaa kɛ: Jesus Kristə Nazarɛtə mun ti ka gbanwo kolɔwa ɓa, yai Yálá ə gulɔ haaɓɛlaa lɔwai ə gɛ a vulú, naa hu ɓə ɉulɔnui ŋɛ̨i kaa la tɔɔni ka lííla a gɔlɔi ponoɔ̨.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.