Maafîu 16:3 - Yálá laawoo hɛɓɛ (dc)

³ Yələ wala pɔ, yələ a kɛ a ɲɛɛ, kaa mą: ‹Tulɔ kaa pai bui háákələi.› Ka wəlɛɛi yələi mɛ̨nįɠaa hukulɔ, kɛlaa, mɛ̨nį yii yələ ɓɔɔ tɛitɛi kəlee da nɛ, ka hvo gɔlɔn.

Yálá laawoo hɛɓɛ

³ Yələ wala pɔ, yələ a kɛ a ɲɛɛ, kaa mą: ‹Tulɔ kaa pai bui háákələi.› Ka wəlɛɛi yələi mɛ̨nįɠaa hukulɔ, kɛlaa, mɛ̨nį yii yələ ɓɔɔ tɛitɛi kəlee da nɛ, ka hvo gɔlɔn.

Bible

³ À kɛ̀ a ɣele-wala, ka mò kâa, ‘Fãa a pâi sâa tɛɛ̂i, kpɛ́ni fêi, ŋele-kɔlɔŋ a kpɔlûi, ŋelei su kɛ́ yeŋ.’ Ka ŋele-kɔlɔŋ kɛ́-perei maa-mɛni su-kulâi kɔ́lɔŋ, kɛ́lɛ, káfa pɔ̂ri tãi ŋí su ŋɛi-kɛ-maa-ŋai kɔ́lɔnîi.

Maafîu 16:3 ပူးပေါင်းရင်းမြစ်များ

Kɔlɔnikɔ Maa-ŋuŋ 12:32

Manase huwu bələ tɔ̨nɔ̨, nu waa pow kɔ́w mɛ̨ihaaɓa; diɛ ɓə di di tɔɔ a Manase laa, diɛ pa Davidə heei gbəlin ɉu.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 15:7

Ka tɛ ɲɛ̨i mɛ̨nį kɛ nuąi ŋɛ̨i, kaa kpɔ ɓə Yálá ə kɛi ka mąą mɛ̨nį gwəi mɛ̨nį hukulɔ mun Esai laaləi yɛ kɛ mą:

Maafîu 22:18

Kɛlaa, Jesus ə di wɔ gbanalaa tii kaa, ə mo diɛ, yɛ diɛ: «Ka tɛ ɲɛ̨i mɛ̨nį kɛ nuą ŋɛ̨i, lə mɛ̨nį ɓa ka káá gɛi a ɉáátɛ pələ?

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 7:5

Lɛɛmun! Gbɛa ni ə́ wɔ wulukpiɛn kulɔ ə́ ɲɛ̨i. Yili pulu, yá pɛli kɛa ə́ ɓɛlan nwɔ kalai mąą kpɛɛi ə́ gulɔ a nɛlɛɛ.

Lukə 11:44

Kpalo ɓɛlaai kaa! Ka káá yɛ kámą yii gɔlɔn ɉɛn vo mą, yii nuą da tɛ mɛ̨i di hva gbaɠala kaa!»

Lukə 12:56

Ka hu hveelɛ nuą ŋɛ̨i, ka pɛli ka yələ kwəi mɛ̨nįɠaa da lɔi mɛ̨i mɛ̨nįɠaa kaa, ka gɔlɔn. Lə mɛ̨nį ɓa, ka hva pɛli nɔwai ŋɛ̨i hu mɛ̨nįɠaa kpaɠala kaai?»

Lukə 13:15

Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.