Maafîu 16:23 - Yálá laawoo hɛɓɛ (dc)

²³ Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Yálá laawoo hɛɓɛ

²³ Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Bible

²³ Nya ƃe è tìnaŋ Pitɛ pɔ-pere, ǹyɛɛ mai, “Sêtɔŋ, síɣe ŋ́gɔlɛ! Íkaa ḿbilîi ƃáre ŋá. Kpɛ́ni fêi, Ɣâla ŋɔmɛni fé íkili ŋá, fɛ̂ɛ núu ŋɔmɛni.”

Maafîu 16:23 ပူးပေါင်းရင်းမြစ်များ

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Samia Veerɛi 19:22

Seruya lon Avisai ə nwoo pulu pənə, yɛ tɔɔmun ma: «Akɛtii, yili mɛ̨nį ɓə mɔ̨ɔ̨ di hva Simei paa la! Nui Yai-Laa aa mąątí a tɔɔ wulɔ, kɛlɛi Simei ɓə nɛ̨ŋɛ̨n nąąn ee?»

Kɔlɔnikɔ Maa-ŋuŋ 21:1

Ɓilihi ə pɛlɛ Israɛlə ɓa, ə Davidə ɲąątɛ, yili ə Israɛlə nuą lonon.

Azaya 8:14

Gaa a pɛlɛ mąąhəɠɛɛ Kɛlaa gaa a kwɛnii da kalin mą; gaa a nuą kɔ́wɔ tuwɔ kwɛni kpuɠulu Israsrɛlə nwɔ pɛ́lɛ́i, da Ɉuda nwɔ pɛ́lɛ́i diɛ, ə ɓo a tumɔ̨ da ɓaalə Ɉerusalɛmə nuą diɛ.

Maafîu 16:22

Yili pulu Piɛrə ə Jesus təli di nu hveelɛi kɛɛnąą, yɛ niɛwoo kɛ, yɛ kɛ mą: «Yálá ə ə́ mɛ̨i kaa, yili hvo pai həli yɛ́.»

Maafîu 18:7

Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Markə 8:33

Jesus ə tinɛ̨n, ə bulu hvə Piɛrə ɓa, ə haŋą mą; yɛ mą: «'Həɠə búlú ɓilihi. Mąąhɔlɔɓo, ə́ wɔ kiliŋąhiɛ hvo yɛ Yálá nwɔ kiliŋąhiɛ, kɛlaa, nu kiliŋąhiɛ ɓə gaa yɛ́.»

Lukə 4:8

Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Lomaŋ 14:13

Ka gu kpəla gu kee ni la ɓoɔ ɓa. Kəlee yaamun, yii mąąnɛ̨ɛ̨ gu gu kiliŋąhiɛ mą ya ɓa: Mąą hvo nɛ̨ɛ̨li gu túwɔ́ pələ hvo nu ta həɠə Yálá pələ mɛ̨i.

Lomaŋ 14:21

Yii nɛlɛɛ ya ɓaa: Nu hvó huwɔ mįi, hvo lɔɔ kpɛlɛ, ɛlɛɛ, da hɛn nɔpee a nu həɠə Yálá pələ mɛ̨i.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Kolosə 3:2

Ká wɔɔ yɛnɛ̨ɛ̨ kaa yələi pələ, hvo ɓɛ lɔi mɛ̨i.