Maafîu 16:13 - Yálá laawoo hɛɓɛ (dc)

¹³ Jesus da nwɔ kalan nɛai də li Sesare Filipə taa. Jesus di mąąni kɛ yɛ diɛ: «Ɲą́ą́ ŋɛ́i a Nu Lon, nuą da kɛ kɛi lə mą́ą́ mɛ̨nį hu?»

Yálá laawoo hɛɓɛ

¹³ Jesus da nwɔ kalan nɛai də li Sesare Filipə taa. Jesus di mąąni kɛ yɛ diɛ: «Ɲą́ą́ ŋɛ́i a Nu Lon, nuą da kɛ kɛi lə mą́ą́ mɛ̨nį hu?»

Bible

¹³ Tãi nâa Zîsɛ è pà la Sɛsɛria Felepâ-kpiniŋ sui, è ŋɔpôlu-ƃelai marê kɛ̀, ǹyɛɛ diai, “Ǹûai da núu-kpune Ǹóŋ tòli a gbɛ̂ɛ?”

Maafîu 16:13 ပူးပေါင်းရင်းမြစ်များ

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Maafîu 12:8

Mąąhɔlɔɓo, Nu Lon mə gaa a hvįįtɔɔ yələ nąmu.»

Maafîu 13:37

Jesus di woo ŋąąpənə yɛ diɛ: «Ɉihɛn ɉuwu lɛlɛɛ pili mun ɓaa Nu Lon.

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Maafîu 15:21

Yili pulu, Jesus ə li Tirə da Sidɔn di lɔwai taa ta hu.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Maafîu 9:6

Gáá bɔ ka gɔlɔn kaa, heeɓolaa kaa Nu Lon ɲəi ɲɛnɛ̨ɛ̨ ŋɛ̨i hu, ə nɛ̨ŋɛ̨n mąąhvaalɛɛ.» Yili pulu, ə mo gbɛlɛɠɛlɛ ɲɔ̨n gɛmun tii ɓa, yɛ mą: «'Ə́ muhəɠə, əí laa lii həɠə, ə́ li ə́ yəi bɛlɛ́ laaləi.»

Markə 10:45

Mąąhɔlɔɓo, Nu Lon hvo kɛ pa li, əgɛ, nuą di tí mą. Kɛlaa, ə pa ə kɛ nuą di wɔ luwɔ, əlɛɛ, ə haa nu tamąą mąą mɛ̨nį ɓa.»

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Ɉaan 1:51

Jesus ə pənə ə mo yɛ mą: «A tɛ̨ą kpɔ-kpɔ gáá moi kaa, ka káá pai kɛi yələkɔlɔn gaai naa ɓoɔ, Yálá nwɔ malakaɠaa diɛ tɛ diɛ yɛɛ Nu Lon mɛ̨i.»

Ɉaan 12:34

Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Ɉaan 3:14

Pələi tii Moisə ə kaalə pɛli la a ɓala kwɛli, ə ɉɛlɛn wulu ɓa ɲɛa lɔi hui, hvo kɛ li lɔ di Nu Lon gɛ tii.

Ɉaan 5:27

Ə kiti teɛ mąąlaa tɛɛ bɔ, mąąhɔlɔɓo, Nu Lon ni.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 7:56

yɛ diɛ: «'Ka ɓɛ kaa, gáá yələkɔlɔn gaai naa ɓoɔ, Nu Lon ə ɓo tɔɔni Yálá yee lɛlɛɛ mɛ̨i pələ.»