Maafîu 16:11 - Yálá laawoo hɛɓɛ (dc)

¹¹ Akɛti, lə mɛ̨nį ɓa ka hvo gbaɠala kaa li kaa kɛ diɛ: Lɛɠɛ yii gaa a kɔ̨nɔ̨n, mąą mɛ̨nį hvəə gáá yili ɓoi la kaa. Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Yálá laawoo hɛɓɛ

¹¹ Akɛti, lə mɛ̨nį ɓa ka hvo gbaɠala kaa li kaa kɛ diɛ: Lɛɠɛ yii gaa a kɔ̨nɔ̨n, mąą mɛ̨nį hvəə gáá yili ɓoi la kaa. Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Bible

¹¹ Gɛ́ɛ̂i ŋaŋ leŋ káfe ŋá kâai a gɛɛ fé lono ní kápɔ é pîlaŋ kpólo mai? Kɛ́lɛ, ka kámɛi káa a Faresii-ŋai da Sâdusii-ŋai díkpolo-tɛ-sɛŋ.”

Maafîu 16:11 ပူးပေါင်းရင်းမြစ်များ

Maafîu 16:1

Farisiɛ̨ɠaa da Sadusiɛ̨ɠaa di pa ə gɛ, di Jesus hon nwoo hu. Di mo mą diɛ mą: «Mɛ̨nį ta kɛ, yii kwa gaa kuɔ ə́ wɔ huwalawalai ə həɠə Yálá pɔ.»

Maafîu 16:12

Yili pulu di gɔlɔn kɛa diɛ, lɛɠɛ tɛ hɛn vəi Jesus ə kɛ mą. Kɛlaa, Farisiɛ̨ɠaa da Sadusiɛ̨ɠaa di wɔ kalan gɛ pələ ɓə ə kɛ mą.

Maafîu 16:6

Jesus ə mo diɛ yɛ diɛ: «'Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Markə 4:40

Yili pulu, yɛ diɛ: «Lə mɛ̨nį ɓa ka ɲɔ̨w kpɔ tii kɛnɛ̨? Akɛti, laa na laa hvo ka yəi?»

Markə 8:15

Jesus ə di liɛwoo ɓo yɛ diɛ: «'Ka gɛ a nɛlɛɛ: ka ka kpɔɔ mɛ̨i kaa Farisiɛ̨ɠaa da Herodə ni di wɔ lɛɠɛ tɛ hɛn mąą mɛ̨nį ɓa.»

Markə 8:21

Jesus yɛ diɛ: «Akɛti, ka hvo ni mɛ̨nį tii kpaɠala kaa li?»

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Lukə 12:56

Ka hu hveelɛ nuą ŋɛ̨i, ka pɛli ka yələ kwəi mɛ̨nįɠaa da lɔi mɛ̨i mɛ̨nįɠaa kaa, ka gɔlɔn. Lə mɛ̨nį ɓa, ka hva pɛli nɔwai ŋɛ̨i hu mɛ̨nįɠaa kpaɠala kaai?»

Ɉaan 8:43

Lə mɛ̨nį ɓa ka hvo nwóó ŋąą kai? Mąąhɔlɔɓo, ka hva pɛli ɉu gbɛɛ ɓoi.