Maafîu 15:28 - Yálá laawoo hɛɓɛ (dc)

²⁸ Jesus yɛ mą: «Nɛ̨ɛ̨nu, ə́ wɔ kilitɔɔ mąą kɛnɛ̨i pələi tii ə́ wɔ laa na laa kaa la. Yii ə́ kaa ə́ kiliŋąhiɛi ma, ə kɛ kpɔlɔɔ tii yɛ́.» Nɛ̨ɛ̨non tii kɔ́lɔi ə pono, ɲį́nɛ̨n tii ə həɠə bulu kpɔlɔɔ nąąlɔwai.

Yálá laawoo hɛɓɛ

²⁸ Jesus yɛ mą: «Nɛ̨ɛ̨nu, ə́ wɔ kilitɔɔ mąą kɛnɛ̨i pələi tii ə́ wɔ laa na laa kaa la. Yii ə́ kaa ə́ kiliŋąhiɛi ma, ə kɛ kpɔlɔɔ tii yɛ́.» Nɛ̨ɛ̨non tii kɔ́lɔi ə pono, ɲį́nɛ̨n tii ə həɠə bulu kpɔlɔɔ nąąlɔwai.

Bible

²⁸ Nya ƃe Zîsɛ è ŋ̀óo su tòo, ǹyɛɛ mai, “Óo nɛnîi, ílaa-lai kɛ́tɛ̂i! Tɔɔ mɛnii ya ŋ̀wɛ̂lii é kɛ́ ímɛni ma.” Ǹyaŋ ŋɔlóŋ-nɛnîi è ƃàlo kpɔ́ nɔ a maa-aƃai ti.

Maafîu 15:28 ပူးပေါင်းရင်းမြစ်များ

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Maafîu 14:31

Ŋąąɓa Jesus ə Ɉon a ɲee yɛ mą: «Éé kə Piɛrə! Ə́ wɔ laa na laa tiikpəɛ ɓee. Lə mɛ̨nį ɓa ɲį́nɛ̨n-ɲį́nɛ̨n ə too ə́ hu?»

Maafîu 15:27

Nɛ̨ɛ̨nui tii yɛ mą: «Ną́mu, tɛ̨ą li. Kɛlaa, yilɛ nąmu aa kɛi kɔ̨nɔ̨n mį́į́, bɛnɛɠaai tii da kɛ tooi, ɲilɛɠaa da yiliɠaai mįi a di kɔ̨nɔ̨n.»

Maafîu 8:10

Yii kɛa Jesus ə nwoo tii mɛ̨n, yili ə nii hon gbɔ kpąą. Nuą ŋɛ̨i kɛ bulu, ə mo diɛ, yɛ diɛ: «Gáá tɛ̨ą ɓoi kaa, və́ ni naa na laa huwui ŋɛ̨i ta kaa li Israɛlə lonnii lɔwai.

Maafîu 8:13

Yili pulu ɓə Jesus ə kɛ la gɔ́kulaa nwun nąmui tii ɓa: «'Li! Bələi tii ə́ laa la na, ə kɛ tii a yɛ́.» Nąąlɔwai kpɔlɔɔ ɓə, nwɔ kólo kɛmun kɔ́lɔi ə pono la.

Maafîu 9:22

Kɛlaa, Jesus ə tinɛ̨n ə gaa. Yɛ mą: «Nón nɛ̨ɛ̨nu, ə́ wɔ laa na laa a ə́ ɓalo.» Nɛ̨ɛ̨nu tii kɔ́lɔi ə pono kpɔlɔ tii ŋąąɓa.

Markə 5:34

Kɛlaa, Jesus ə mo mą, yɛ mą: «Nón nɛ̨ɛ̨nu, ə́ wɔ laa na laa aa ə́ ɓalo, li liilaa hu, ə́ wɔ ɲɔ̨n gbɛɛ li yɛ́.»

Lukə 17:5

Jesus nwɔ kɛlaɠaa tii di mo Ną́mu Jesus ɓa, diɛ mą: «Kuɔ laa na laa ta pɛlɛ mą.»

Lukə 7:50

Kɛlaa, Jesus ə mo nɛ̨ɛ̨nui tii ɓa, yɛ mą: «Ə́ wɔ laa na laa aa ə nwun mąąɓo, li liilaa hu.»

Lukə 7:9

Ɓɛlɔwai Jesus ə nwooɠaa tii mɛ̨n na, gwəi ə pili mą. Jesus ə tinɛ̨n, nuą tii kɛ bulu, ə mo diɛ yɛ: «Gáá moi kaa, və́ nii nąą na laa ŋɛ̨i ɲɔ̨nwɔ̨mąn gaa li, Israɛlə nu huwu lɔwai.»

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.