Maafîu 15:27 - Yálá laawoo hɛɓɛ (dc)

²⁷ Nɛ̨ɛ̨nui tii yɛ mą: «Ną́mu, tɛ̨ą li. Kɛlaa, yilɛ nąmu aa kɛi kɔ̨nɔ̨n mį́į́, bɛnɛɠaai tii da kɛ tooi, ɲilɛɠaa da yiliɠaai mįi a di kɔ̨nɔ̨n.»

Yálá laawoo hɛɓɛ

²⁷ Nɛ̨ɛ̨nui tii yɛ mą: «Ną́mu, tɛ̨ą li. Kɛlaa, yilɛ nąmu aa kɛi kɔ̨nɔ̨n mį́į́, bɛnɛɠaai tii da kɛ tooi, ɲilɛɠaa da yiliɠaai mįi a di kɔ̨nɔ̨n.»

Bible

²⁷ Nya ƃe nɛnîi è mò, ǹyɛɛ, “Tɔ̃yâ ƃe, Kúnuu-namui. É máŋ kɛ́ tí ŋ̀îla-ŋai da mii-sɛŋ pɛnɛi mîi a kûla dínuu-namui ŋɔteƃelei ma é pui.”

Maafîu 15:27 ပူးပေါင်းရင်းမြစ်များ

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Maafîu 15:26

Jesus ə nwoo ŋąąpənə yɛ mą: «Mąą honɛɛ li, nu hvo lɛapɛlɛɛ kɔ̨nɔ̨n dɛɛ yilɛɠaa pɔ.»

Maafîu 15:28

Jesus yɛ mą: «Nɛ̨ɛ̨nu, ə́ wɔ kilitɔɔ mąą kɛnɛ̨i pələi tii ə́ wɔ laa na laa kaa la. Yii ə́ kaa ə́ kiliŋąhiɛi ma, ə kɛ kpɔlɔɔ tii yɛ́.» Nɛ̨ɛ̨non tii kɔ́lɔi ə pono, ɲį́nɛ̨n tii ə həɠə bulu kpɔlɔɔ nąąlɔwai.

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Maafîu 8:8

Kɛlaa, gɔ́kulaa nwun nąmui tii ə nwoo ɲąąpənə, yɛ mą: «Ną́mu, ɲą́ą́ mą́ą́ hvo nɛ̨ɛ̨li, a nui yá lɔ ɲei bɛlɛ́n. Kɛlaa, woo tɔ̨nɔ̨ ɓo lɔ, nwɔ́ kólo kɛmun kɔ́lɔi a pono.

Markə 7:28

Nɛ̨ɛ̨nu tii yɛ Jesus ɓa: «Tɛ̨ą li Ną́mu. Kɛlaa, lɛapɛlɛɛɠaa daa kɛi kɔ̨nɔ̨n mį́i, yii a kulɔ di yei a tooi, yilɛ pɛlɛɛɠaa da yili mį́i.»

Lukə 16:21

Gɔ̨nɔ̨n gbəliɠaa tii kɛi lɛɛ, ya ɓə Lazarə ə kɛ bɔ yɛ mį́į́. Yili pulu, yilɛɠaa ɓə kɛi nwɔ palai ŋą kɔ́mɔ̨.

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»

Lomaŋ 10:12

Yili ɓa, ɓɛlaɓo hvo Ɉuifəɠaa da huwu takpɛliɠaa di lɔwai. Di kəlee di Nąmu kaa tanɔ̨n, nui a nwoo tɛ bɔ pələ, a mɛ̨inɛ̨ɛ̨ kɛ mąą nu ɓa.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 3:29

Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.