Maafîu 14:6 - Yálá laawoo hɛɓɛ (dc)

⁶ Yələ ta, Herodə ə kɛi gbɔwɔ kaa hvóló mąą kwəinɛ̨ɛ̨ kulɔ; ə mɛlaaɠaa tamąą təli. Herodiadə lon nɛ̨ɛ̨nu ə mąną kpɔ a nəlɛɛ Herodə da mɛlaa di ɲɛ̨i ɓa, mąną pələ ə Herodə liihon.

Yálá laawoo hɛɓɛ

⁶ Yələ ta, Herodə ə kɛi gbɔwɔ kaa hvóló mąą kwəinɛ̨ɛ̨ kulɔ; ə mɛlaaɠaa tamąą təli. Herodiadə lon nɛ̨ɛ̨nu ə mąną kpɔ a nəlɛɛ Herodə da mɛlaa di ɲɛ̨i ɓa, mąną pələ ə Herodə liihon.

Bible

⁶ Kɛ́lɛ, tãi dí kɛ̀ Ɛɛlɔ maa sɔlɔ ƃó-kuui bêle kɛ̂i lai, Ɛɛlôdia ǹóŋ-nɛnîi è mãla kpɔ́ gbɔŋ su é Ɛɛlɔ líi laa.

Maafîu 14:6 ပူးပေါင်းရင်းမြစ်များ

Zɛnɛse 40:20

Hvóló haaɓa tɛɛ pulu, Eziptə tɔɔmun ə kɛi gbɔwɔ kaa kwɛlan mąą kwəinɛ̨ɛ̨ kulɔ, ə kɔ̨nɔ̨n gɛnɛ̨ pɛli nwɔ ɲɛ̨i tɔwɔ nuą diɛ, nuąi tii kəlee ɲɛ̨i ɓa, ə nɔɔ pɛli nuą nwun nąmu kulɔ gaho ŋą, da nui ŋɛ̨i kɛ gɔ̨nɔ̨n mɛ̨nį nwun nai.

Maafîu 14:3

Yaan Herodə aa kɛ mo, yɛ diɛ: Di Ɉaan hon di doo gaho ŋą, Herodə nəɠə Filipə nɛ̨ą Herodiadə mąą mɛ̨nį ɓa.

Maafîu 14:7

Herodə ə nɛ̨ɛ̨mą ə gwɛla, yɛ nɛ̨ɛ̨non ɓa: Yii lɔpee ya vɛli mą́ą́ ŋą dɛɛ ə́ pɔ, ə mą kɛ nwɔ́ tɔɔlaai bələ tɔ̨nɔ̨ ɓə.

Maafîu 22:24

«Mąąkwɛli kɛmun, mɛ̨nį Moisə ə mo ya ka, ‹Akɛ nu ta a nɛ̨ą həɠə, ə nɛ̨ą lɛɛ ə haa, hvo lon gaa li mą, mąąnɛ̨ɛ̨ gaayɔwaa da ə nɛ̨ɛ̨nui tii həɠə a nɛ̨ą, ə gɛ, nui ŋɛ̨i haa, ə ɉuwu kulɔ.›

Markə 6:14

Nąąlɔwai, tɔɔmun Herodə ə Jesus mąą mɛ̨nį bələ mɛ̨n, mąąhɔlɔɓo, mąą tin ə too kɛɛnąą kəlee. Nu taɠaa di kɛli kɛ diɛ: «Ɉaan-Batistə ka tii aa nwun aa kulɔ haa yəi, mɛ̨nį gɛi kpalo mɛ̨nį kɛɛ nwɔ huwalawala kaa la ɲei yaa li.»

Markə 6:17

Pələi Herodə ə Ɉaan nwun dee la ŋą bələ ka: Herodə ə mo yɛ di Ɉaan hon di ɲili di doo gaho ŋą. Herodə ə gɛ tii, mąąhɔlɔɓo, ə nəɠə Filipə nɛ̨ą Herodiadə həɠə a nɛ̨ą.

Markə 6:19

Herodiadə liiholiɛ kɛ Ɉaan pɔ, ə kɛ bɔ ə Ɉaan paa. Kɛlaa, hva pɛli kɛ mą, Herodə mąą mɛ̨nį ɓa.

Markə 8:15

Jesus ə di liɛwoo ɓo yɛ diɛ: «'Ka gɛ a nɛlɛɛ: ka ka kpɔɔ mɛ̨i kaa Farisiɛ̨ɠaa da Herodə ni di wɔ lɛɠɛ tɛ hɛn mąą mɛ̨nį ɓa.»

Lukə 13:31

Nąąlɔwai tii hu, Farisiɛ̨ taɠaa di lɛɠɛ Jesus ɓa, diɛ mą: «'Həɠə ɓɛ, ə́ li pələ takpɛli. Mąąhɔlɔɓo, Herodə yɛ ə́ ə́ paa.»

Lukə 23:11

Herodə da gɔ́kulááɠaa di kɛi yɛlɛ Jesus ɓa, diɛ mɛlɛkpɛɛ ma. Di gbaawi lɛlɛɛ ta too Jesus kwąną, di pənə di dɛɛ diɛ li la Pilatə pɔ.

Lukə 23:7

Yii kɛa ə mɛ̨n diɛ mą: Jesus ə həɠə Herodə nwɔ lɔi hu, volói tii di kɛi mɛ̨nį kɛ la, Herodə ə kɛ Ɉerusalɛmə. Pilatə ə Jesus tɛɛ dəli la Herodə pɔ.

Lukə 3:1

Sesarə Tibɛrə nwɔ tɔɔlaa gwɛlan pow-gɔw-lɔɔli lɔwai, Pɔnsə Pilatə ə kɛ a gbahalanamą Ɉude lɔi hu. Herodə yɛ ɓo a tɔɔmun Galile lɔi hu; nəɠə Filipə yɛ ɓo a tɔɔmun Iture lɔi da Trasonitə lɔi nwun na. Lisiasə yɛ ɓo a tɔɔmun Abilɛnə lɔi hu.

Lukə 3:19

Ɉaan ə haŋą tɔɔmun Herodə ɓa, mąąhɔlɔɓo, aa hvilɛn nəɠə Filipə nɛ̨ą Herodiadə pulu aa ɉəɠə a nɛ̨ą, ə lɛɛ da túwɔ́ pələ ɲɔ̨n da kpɛliɠaa yii əgɛ.

Lukə 8:3

Nɛa tii tɔ̨nɔ̨ ɓaa kɛ a: Ɉanə, yai kɛ a Herodə nwɔ hɛn gɔw mɛ̨i kaa mun gɛnɛ̨ nɛ̨ą, ɉulɔnui tii laa ɓa kɛ a Kuza. Da ɓaa kɛ a Suzanə, da nɛ̨ą takpɛliɠaa, yiiɠaai kɛi di yəi hɛnŋąa tɛɛ Jesus pɔ da nwɔ kalan nɛai, di mąą kpɔnmąą ɓo mɛ̨nį ɓa.

Gɛlaɠaa 12:1

Nąąlɔwai tɔɔmun Herodə ə gɔwɔ tɔɔ yɛ gbɔn ɉu nuą taɠaa mɔ̨nɔ̨ɓo.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.