Maafîu 14:33 - Yálá laawoo hɛɓɛ (dc)

³³ Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

Yálá laawoo hɛɓɛ

³³ Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

Bible

³³ Diai kɛ̀ géleŋ sui, dí vɛ̀li, dîyɛɛ mai “Tɔ̃yâ ma, íkaa a Ɣâla Ǹóŋ.”

Maafîu 14:33 ပူးပေါင်းရင်းမြစ်များ

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Danîa 3:25

Tɔɔmun ə pənə yɛ diɛ: «Yaan, nu nąąn mə gáá gaai laa nwɔ̨n ɉu, diɛ hiɛ, di naa ta hvo yili li, nwɔ̨n bɔɔ kpɛli hvo diɛ. Di nąąn gɛɛnąą tii, ɲɛ̨ilaai kaa yɛ alaɠaa lon ɉulɔnu.»

Maafîu 14:32

Jesus da Piɛrə di tɛ gələn ɉu. Yili pulu vaŋą kɔ́lɔ ə haa ma.

Maafîu 15:25

Kɛlaa, nɛ̨ɛ̨nui tii ə pa ə too gɔɠɔ mu yɛ mą: «Nwɔ́ mɛ̨nį Nąmu, ɲɛ̨́i mąą wɛli kaa.»

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Maafîu 26:63

Kɛlaa, Jesus hvo hvaa. Yili pulu, Ɉaláá laa həli nuą nwun nąmu yɛ Jesus ɓa: «Gáá ə́ mąąni kɛi, Yálá ɲɛ̨i ɓa, ku woo ŋąąpənə a tɛ̨ą. Akɛti, Nwun mąąɓomun Yálá ə naakwɛlanmo yii gaa a Yálá Lon, ya ɓaa yɛ́?»

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Maafîu 28:17

Yii kɛa di Jesus kaa, gəlee di kwɛli hvilɛn mą. Kɛlaa, daɠaa di kɛi ɲinɛ̨-ɲinɛ̨n.

Maafîu 28:9

Nɛ̨ąą tii da Jesus ni di kwiɛn, ə nwoo pili diɛ. Di di mąą lɛɠɛ mą, di pɛlɛ gɔwɔ mu di kwɛli hvilɛn mą.

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Markə 1:1

Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Markə 14:61

Jesus ə naa pilɛ, hvo woo pulu pənə lɔpee ta kɛ. Ɉaláá laa həli nuą nwun nąmu kɛnɛ̨ ə pənə ə mąąni kɛ, yɛ mą: «Nwun mąąɓomun Yálá ə naakwɛlanmo, ya ɓaa a yɛ́? Yálá yii a lúwɔ́ nąmu, non mąą yɛ́?»

Markə 15:39

Ɉolahi kudiɠii ŋɛ̨i kɛ Jesus lííla, yii kɛa ə Jesus haa pələ kaa tii, ə mo yɛ diɛ: «Ɉulɔnui ŋɛ̨i ə kɛ kpɔ a Yálá lon gbɔ-kpɔ a tɛ̨ą.»

Lukə 24:52

Yii ɓaa galan nɛa tii di nwɛi, di kwɛli hvilɛn ma, di pənə də li Ɉerusalɛmə kpɔ a kwəinɛ̨ɛ̨.

Lukə 4:41

Ɲįnɛ̨nŋaa di kɛi həɠə ɲɔ̨n gɛ nuą tii taɠaa pulu, diɛ tómą, diɛ kɛ mą: «Ə́ kaa a Yálá Lon!» Kɛlaa, Jesus Kristə ə kɛi haŋą diɛ, yɛ kɛ diɛ: «Ka hvo hvaa!» Mąąhɔlɔɓo, di kɛ gɔlɔn diɛ: Jesus kaa a Nwun mąąɓomun Yálá ə naakwɛlanmo.

Lukə 8:28

Ɓɛlɔwai ɉulɔnui tii ə Jesus kaa la, ə tómą kpɔ kɛnɛ̨, ə too gɔwɔ mu, ə mo kpɔ a nwoo kɛnɛ̨, yɛ mą: «Lə ɓə yɛ ə́ gɛ a ɲą́ą́, Yálá yii gaa yələkɔlɔn ɉu Non? Gáá nɛ̨ɛ̨mąą hvəə yɛ́, hvo náá nɔ̨nwɔ̨ ɓo!»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 11:27

Martə yɛ mą: «Oowei, Ną́mu, náái na gɛ́ diɛ: yɛ́ ɓə ə́ kaa a Nwun mąąɓomun Yálá ə naakwɛlanmo, yɛ́ ɓo a Yálá Lon, yii Yálá ə dɛɛ yɛnɛ̨ɛ̨.»

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Ɉaan 19:7

Ɉuifəɠaa diɛ mą: «Tɔ́n gaa ku yəi, yɛi: mąąnɛ̨ɛ̨ nu taaləi ŋɛ̨i ə haa, mąąhɔlɔɓo, aa gbɔwɔ kɛ a Yálá Lon.»

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.