Maafîu 14:31 - Yálá laawoo hɛɓɛ (dc)

³¹ Ŋąąɓa Jesus ə Ɉon a ɲee yɛ mą: «Éé kə Piɛrə! Ə́ wɔ laa na laa tiikpəɛ ɓee. Lə mɛ̨nį ɓa ɲį́nɛ̨n-ɲį́nɛ̨n ə too ə́ hu?»

Yálá laawoo hɛɓɛ

³¹ Ŋąąɓa Jesus ə Ɉon a ɲee yɛ mą: «Éé kə Piɛrə! Ə́ wɔ laa na laa tiikpəɛ ɓee. Lə mɛ̨nį ɓa ɲį́nɛ̨n-ɲį́nɛ̨n ə too ə́ hu?»

Bible

³¹ Nya ƃe Zîsɛ è ǹyée sãa kpɔ́ a maa felaa é Pitɛ zoŋ, ǹyɛɛ mai, “Óo ƃiai ílaa-lai kuro-têi, í sìa tòo ílii su le-mɛni ma?”

Maafîu 14:31 ပူးပေါင်းရင်းမြစ်များ

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Maafîu 14:30

Piɛrə ə gwɛlɛ kaa, vaŋą yɛ ɲa kɛ takpa-takpa, ə ɲɔ̨w, yɛ kɛa lɔ ɲa mu. Ə tómą yɛ mą: «Ną́mu, málo!»

Maafîu 14:32

Jesus da Piɛrə di tɛ gələn ɉu. Yili pulu vaŋą kɔ́lɔ ə haa ma.

Maafîu 16:8

Yii kɛa Jesus ə di wɔ kiliŋąhiɛ kaa tii, ə di mąąni kɛ yɛ diɛ: «Lə mɛ̨nį ɓa ka káá kɛi ka kee ɓa: Akɛti, nɛɠɛi tii gu hvo ɉəɠə li mąą mɛ̨nį ɓə gaa moi la tii! Éé ka wɔ laa na laa tiikpə ɓə ee!

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Maafîu 6:30

Éé kə! Kaai ka wɔ laa na laa hvo kɛnɛ̨ li! Gáá moi kaa, akɛ, Yálá a lɔwɛi wuluɠaa mąąyili tii, diɛi di hva lamu yɛnɛ̨ɛ̨, diɛ di kələn, kaa mun ka hviɛlaɓoɔ, hva ka mąąyili həɠə kɛ ə tɛɛ nwuluɠaai tii diɛ?

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Markə 1:31

Ə lɛɠɛ nɛ̨ɛ̨nu tii ɓa ə ɉon a ɲee; ə muhəɠə. Gɔlɔ kələn mąą tii ə kpɛɛ. Nɛ̨ɛ̨nu tii ə muhəɠə, ə di kɔ̨nɔ̨n gɛ.

Markə 1:41

Ɲɛ̨i mąąwɛli ə Jesus hon; ə ɲee pɛlɛ mą; yɛ mą: «Ŋą́ą́ hvaa mą; ə́ kɔ́lɔi ə́ pono, ə́ mąą ə həɠə.»

Markə 11:23

A tɛ̨ą kpɔ-kpɔ gáá moi kaa, akɛ ka ta a kɛ ɲee ɲɛ̨i ɓa: ‹Həɠə ɓɛ ə pili gboloyá hu›, a wala ɲinɛn-ɲinɛn, kɛlaa, naa na yɛ diɛ, mɛ̨nį tii gaa moi gaa pai kɛi tii; a kɛ kpɔlɔɔ tii ɲəi.

Markə 16:7

Kɛlaa, ka li ka mo Piɛrə ɓa, ə mą kɛ galan nɛa yiiɠaai tii diɛ, kaa diɛ: ‹Gaa lii ka mąąkpɔn ɉi Galile lɔi hu, nąą ɓə ka káá lii gáái laa.›»

Markə 4:40

Yili pulu, yɛ diɛ: «Lə mɛ̨nį ɓa ka ɲɔ̨w kpɔ tii kɛnɛ̨? Akɛti, laa na laa hvo ka yəi?»

Markə 5:41

Jesus ə nɛ̨ɛ̨non hon a ɲee, yɛ mą: «Talita kumi!» Yili mukulaa ɓaa: «Nɛ̨ɛ̨non, gáá moi yɛ, gɛ́ ə́ ə́ ɲənąąɓo.»

Lukə 24:34

Di mo nu hveelɛi tii ɓa diɛ diɛ: «Jesus aa muhəɠə kpɔ aa kulɔ haaɓɛlaa lɔwai a tɛ̨ą, Simɔn ə gaa.»

Gɛlaɠaa 4:30

Ə yee haŋą, ə gɛ, kpalo mɛ̨nį da kwəi pilimąą mɛ̨nįɠaa di kɛ ə́ nwɔ tímun Jesus laa hu.»

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.