Maafîu 13:55 - Yálá laawoo hɛɓɛ (dc)

⁵⁵ Kɛlɛi nwulu haɠa mun non məi? Nee hvaa a Mari? Kɛlɛi, nəɠəni ɓaa a Ɉakə, Ɉosɛfə, Simɔn, da Ɉudə?

Yálá laawoo hɛɓɛ

⁵⁵ Kɛlɛi nwulu haɠa mun non məi? Nee hvaa a Mari? Kɛlɛi, nəɠəni ɓaa a Ɉakə, Ɉosɛfə, Simɔn, da Ɉudə?

Bible

⁵⁵ Ŋ̀úru-saa-naloŋ ǹóŋ fei ŋi? Ǹee láa fa Mere? Ǹêɣe-ni láa fa Zĩi da Zosɛ, da Samaŋ é pɛ́lɛ Zudasi ma?

Maafîu 13:55 ပူးပေါင်းရင်းမြစ်များ

Mąątɛ̨nɛ̨ 22:6

Di kɛi tómą ə́ pɔ pələ, yɛ́ di ɓalo! Da di kilitɔɔ kɛ yɛ́, hvó kɛi di ɲɛ̨i lɛɛ pələi!

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Maafîu 27:56

Nɛ̨ąąɠaa tii lɔwai Mari ŋɛ̨i kɛ a Magdala mun ə kɛ laa, ə mą kɛ, Ɉakə da Ɉosɛfə di lee Mari, da Zebede lonnii hinąą hveelɛi di lee, diɛ ɓə kɛ laa.

Markə 15:40

Nɛ̨áá taɠaa di kɛ tɔɔ ni kwɛa la, diɛ nąą kaa. Nɛ̨ąąɠaa tii lɔwai, Mari Magdala mun da Mari ŋɛ̨i kɛ a Ɉakə logolo da Ɉose, əlɛɛ, da Salome ni di lee di kɛ di pɔ.

Markə 15:47

Mari Magdala mun da Ɉose nee Mari di kɛ laa, di Jesus powa loo di ɲɛ̨i ɓa.

Markə 6:3

Akɛti, Mari lon ŋɛ̨i a nwulu haɠa mun ya hvə li mɔ̨ɔ̨? Kɛlɛi nəɠəni ɓaa a: Ɉakə, Ɉosɛsə, Ɉudə da Simɔn? Akɛti, mąąhalani di hvo mɔ̨ɔ̨ ɓɛ ka gu lɔwai?» Di wɔ kiliŋąhiɛɠaa kɛ pələi tii ɓə gɛ di hvo laa na.

Lukə 1:27

Ə dɔɔ Nɛ̨ɛ̨non da pɔɔli, yii hvo ni kɛ hulɔnu mɛ̨nį hukɔlɔn, diɛ kɛ nąą ɓaa: Mari, nwɔ wɛlii laa ɓa kɛ a Ɉosɛfə, yai kɛ a Davidə huwuhu mun da lon.

Lukə 24:10

Nɛa tii ɓa kɛ a: Mari Magdala mun, Ɉanə, da Ɉakə nee Mari. Nɛa yiiɠaa tii kɛ di pɔ di mɛ̨nįi tii hukulɔ Jesus nwɔ kɛlaɠaa diɛ.

Lukə 3:23

Jesus kaa kwɛlan ə kɛ pu-haaɓa ɓɛlɔwai ə nwɔ kolói kɔ́wɔ tɔɔ la. Yɛ bələi nuą di wɔ kiliŋąhiɛ ə kɛ la, diɛ kɛ mą: nąn ma kɛ a Ɉosɛfə, Ɉosɛfə yaa nąn ma kɛ a Heli.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Lukə 8:20

Nu ta ə mo Jesus ɓa yɛ mą: «Ə́ lee da ə́ lee lonnii di kaa tɔɔni ɲɛnɛ̨ɛ̨, diɛ di mɛ̨nį ɓo yɛ.»

Ɉaan 19:25

Jesus nwɔ kolɔwa kwɛlɛ, Jesus nee ə kɛ laa tɔɔni da nee gaayɔwɔ Mari yai kɛ a Klopasə nɛ̨ą, da Mari Magdala mun.

Ɉaan 6:42

Yili pulu diɛ di kee ɓa: kɛlɛi Ɉosɛfə lon məi; gu nee kɔ́lɔn gu nąn gɔlɔn! A həɠə pələ kɛ ləi yɛ kɛ diɛ: «Ŋą́ həɠə Yálá-taa?»

Ɉaan 9:29

Ku kili kaa ɉu kuɔ diɛ, Moisə wɛi, Yálá ɓə dɔɔ; kɛlaa, nui ŋɛ̨i nwɛi, ku hvo ɉəɠəi kɔ́lɔn.»

Galatə 1:19

Və́ kpɛli gɛlaɠaa yiiɠaa ti tanɔ̨n gbɛli kaa, ə kulɔ lɔ, Ɉakə gu Nąmu kaayɔwɔ.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.