Maafîu 13:52 - Yálá laawoo hɛɓɛ (dc)

⁵² Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Yálá laawoo hɛɓɛ

⁵² Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Bible

⁵² Nya ƃe è mò dîa, ǹyɛɛi, “Mɛni ma kɔlɔ-pɔ̃yɛ-nuu kélee nyii dí gɛ̀ a Ŋ̀âla-taa kâloŋ-laai su-nuui dai, gáa yɛ̂ɛ pɛ́rɛ-namu nyii a sɛŋ nina da sɛŋ pɔlɔ kùla ŋɔlaai-kɛ-kwaai mai.”

Maafîu 13:52 ပူးပေါင်းရင်းမြစ်များ

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Ɛsdrasə 7:21

Ɲą́ą́ tɔɔmun Artasɛrsɛsə, gáá moi Eufratə ya voló tooi pələ lɔi nwɔ wali pɛlɛ la nuą kəlee diɛ, gɛ́: mɛ̨nįi lɔpee yələkɔlɔn ɉu Yálá nwɔ haláá laa həli mun Ɛsdrasə a vɛli kaa, ka gɛ kpɔlɔ tii.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

Hanwon 15:7

Kilimąą nuą hvaa woo a mɛ̨nį kɔ́lɔn ŋąą ɲąąkwɛlɛ, Kɛlaa, kilikpɛɛgwəi nuą di wɛi, a kɛ a mɛ̨nį takpɛli.

Hanwon 18:4

Nu hvaa woo kpon ɉu kwɛai, yɛ palə. Kili mɛ̨nį kaa yɛ yáton hva kpala.

Wɛli 7:13

Yələ wala piinɛ̨ɛ̨, gu humo viɲə yɛa, gu gaa, akɛ gaa kpuwun ɉii, akɛ bowa aa hee ɉu. Akɛ gaani wuluɠaa kaa powai, Akɛti ŋą́ nwɔ wɛlikɛmąą hu mɛ̨inɛ̨ɛ̨ kɛ yɛ́.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Maafîu 13:51

Jesus ə mo nwɔ kalan nɛai diɛ yɛ diɛ: «Kaa mɛ̨nįɠaa tii kəlee ŋąą ka?» Di nwoo ŋąąpənə diɛ mą: «Kwaa ŋąą kaa!»

Maafîu 13:53

Jesus kpɛɛ kɛa a ɉanwonŋąą tii hɔɔ, ə li Nazarɛtə ɓɛi ə nokolo laa kɛ laai.

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Lukə 11:49

Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Ifisiɛŋ 3:4

Ká kɛli ɉɛɓɛ́i ŋɛ̨i ɓo, bələi ŋą́ Kristə mąą mɛ̨nį loɔ kɔlɔn na, ká pɛli yili kpaɠala kaai.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Kolosə 1:7

yɛ bələi Epafrasə ə ká mąąkwɛli la, yai a gu ɓɛlan, a gu hiɛgee pulu, a Kristə ŋą timun dələnmoɔ,

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Timote dɔlɔɔ 3:6

Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.