Maafîu 12:41 - Yálá laawoo hɛɓɛ (dc)

⁴¹ Yálá nwɔ kiti teei lɔwai, Ninivə nuą da di muhəɠə, nu huwui ŋɛ̨i pɔ, di gití kala diɛ. Mąąhɔlɔɓo, Ɉonasə ə Yálá nwɔ liiɲąnwąną mɛ̨nį laa həli la diɛ, di di túwɔ́ pələ ɲɔ̨n mąąhvalin. Yaan, nui ka káá gaai, gɛnɛ̨i dɛɛ Ɉonasə ɓa!

Yálá laawoo hɛɓɛ

⁴¹ Yálá nwɔ kiti teei lɔwai, Ninivə nuą da di muhəɠə, nu huwui ŋɛ̨i pɔ, di gití kala diɛ. Mąąhɔlɔɓo, Ɉonasə ə Yálá nwɔ liiɲąnwąną mɛ̨nį laa həli la diɛ, di di túwɔ́ pələ ɲɔ̨n mąąhvalin. Yaan, nui ka káá gaai, gɛnɛ̨i dɛɛ Ɉonasə ɓa!

Bible

⁴¹ Ninivɛ-ƃelai da ŋ̀éniɛi ŋí su-ƃela da pâi dímu siɣêi m̀ɛni-ŋa-teɛɛi su. Ninivɛ-ƃelai dí tɔ̂ŋ pu dîa, kpɛ́ni fêi, dí dílii pène Zôna Ŋɔɣâla-woo-ƃóɔi su, ǹyaŋ, ka gáa, sɛŋ da káa ƃɛ gɛ́tɛ̂i é tɛ́ɛ Zôna ma.

Maafîu 12:41 ပူးပေါင်းရင်းမြစ်များ

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Ɉeremi 3:11

Yai-Laa yɛ nwɔ̨nɔ̨ diɛ: Akɛ, da Ɉuda ŋɛ̨i nwoo hvo na, ɉiɛ pələ kɔ́ɔn Israɛlə ŋɛ̨i aa nɛ́ɛ́ ɉiɛ pələ ɓa; Israɛlə hiɛ pələ ta wolo hviɛla a ɓo Ɉuda nwɛi ɓa.

Zôna 1:2

«Ɉonasə! Ə́ muhəɠə ə́ li Ninivə daa lee kɛnɛ̨i tii hu. 'Li, ə́ haŋą diɛ, yɛ diɛ: ‹Di kɛ mɛ̨nį ɲɔ̨n gun aa həli mą́ą́.›»

Zôna 3:4

Ɉonasə ə hvóló tɔ̨nɔ̨ hiɛ kɛ daai, yɛ kɛ diɛ: «Aa lɛɛ pulu a hvóló pow-nąąn, Ninivə taa ŋɛ̨i yɛ wolo.»

Maafîu 12:39

Jesus ə di woo ŋąąpənə, yɛ diɛ: «Háákələi nuą túwɔ́ pələ ɲɔ̨nwɔ̨ɔ̨ ŋɛ̨i, di hva Yálá woo hon, diɛ ŋį́ kpalo mɛ̨nį ta kɛ, diɛ di gaa. Kpalo mɛ̨nį ta lɔpee hvo laa, yii ŋą pɛli gɛi di ɲɛ̨i ɓa, akɛ Yálá kwəi mɛ̨nį hukulɔ mun Ɉonasə mąą mɛ̨nį hvəə.

Maafîu 12:42

Yálá nwɔ kiti teei lɔwai, dɔɔnɛ̨ɛ̨nu ŋɛ̨i həɠə voló tooi pələ, a muhəɠə, ə tɔɔ, da háákələi nuą, əlɛɛ, ə gití kala diɛ. Mąąhɔlɔɓo, nɛ̨ɛ̨nui tii ə həɠə kpɔ lɔi kpɛlai, yɛ pa Salomɔn nwɔ kilimąą wooɠaai mɛ̨n ɉii. Yaan, nui ka káá gaai, gɛnɛ̨i dɛɛ Salomɔn ɓa!»

Maafîu 12:45

Yili pulu, a li, ə mɛlaa ɲį́nɛ̨n mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ yee tɛɛi nwɛi ɓa, di pa nwɔ̨nɔ̨ di hvilɛn bulu. Ŋąąkpɛɛi, nui tii túwɔ́ pələ a ɲɔ̨n ə tɛɛ dɔlɔɔ ɓa. Bələ kpɔlɔɔ ɓə háákələi nuą ŋɛ̨i kaa la.»

Maafîu 12:6

Yaan, gáá moi kaa, yii ka káá gaai, gɛnɛ̨i dɛɛ Yálá hee pɛlɛ́ ɓa.

Maafîu 16:4

Háákəlee nuą ŋɛ̨i di hva tələnmo túwɔ́ ɓo Yálá ɲɛ̨i ɓa, diɛ ŋą mɛ̨nį ta kɛ di gaa. Kɛlaa, mɛ̨nį takpɛi hva pɛli lɛi diɛ, akɛ Ɉonasə mąą mɛ̨nį hvəə.» Yili pulu, ə di lɛɛ laa ə həɠə laa.

Maafîu 17:17

Jesus ə haŋą nuą tii kɛ laa diɛ, yɛ diɛ: «Ka wɔ mɛ̨nį ɲɔ̨nwɔi, laa na laa hvo ka yəi! Akɛti, gáá pai lɛɛ ka mu kpəŋəi hąą, hvo kɛli mįnɛ̨ lɔwai? Yili pulu yɛ diɛ: Ka pa a nokolo kpɔ bɔ́.»

Maafîu 23:36

Gáá moi kaa a tɛ̨ą, nuąɠaa tii ɲąmą wulu kaa pai lɛɛi háákələi nuą nwuɔ̨.»

Lukə 11:32

Gití tee lɔwai, Ninivə nuą da di muhəɠə, di gití kala yiihu nuą diɛ. Hvó gaai, ɓɛlɔwai Ɉonasə ə Yálá laawoo laa həli la Ninivə nuą diɛ, di di túwɔ́ pələ ɲɔ̨n mąąhvalin. Ya pa, nui ka káá gaai, gɛnɛ̨i Ɉonasə ɓa.»

Ɉaan 3:31

Nui həɠə yələkɔlɔn ɉu ə pa, ya ɓə gaa hɛn gəlee nwun mɛ̨i. Nui gaa lɔi mɛ̨i, lɔi mɛ̨i mun ni lɔi mɛ̨i mɛ̨nį ɓə, a mo. Nui həɠə yələkɔlɔn ɉu, ya ɓə gaa hɛn gəlee nwun mɛ̨i.

Ɉaan 4:12

Ku kalaɓɔlɔ Ɉakɔbə ɓə ɲá lɔwai ŋɛ̨i tɛɛ ku pɔ. Yaa kpinįi ə da kpələ, nonni, ə mą kɛ ɲəi taatɛlɛɛɠaa diɛ kpɛli di da kpələ. Gaa ə́ kwəi ə́ hviɛlaɓoɔi ə́ tɛɛ Ɉakɔbəi tii ɓa?»

Lomaŋ 2:27

Nui gɛ́nɛ hvo kɛ li kɔ́lɔ ɓa pələ, a dɔ́n nwoo pɔ mɛ̨nį kɛ, yɛ́i dɔn gaa ə́ yəi, yɛ́ gala, mąą nu a pɛli ə kiti teei.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.