Maafîu 12:28 - Yálá laawoo hɛɓɛ (dc)

²⁸ Kɛlaa, akɛ Yálá nwɔ Kilii nwɔ huwalawala ɓə gáá ɲį́nɛ̨n gbɛi la nuą pulu, Yálá-taa tɔɔlaa aa pa aa həli kaa.

Yálá laawoo hɛɓɛ

²⁸ Kɛlaa, akɛ Yálá-Nįį nwɔ huwalawala ɓə gáá ɲį́nɛ̨n gbɛi la nuą pulu, Yálá-taa tɔɔlaa aa pa aa həli kaa.

Bible

²⁸ Kɛ́lɛ, à kɛ̀ ŋà nyînaŋ nyɔ́mɔɔ-ŋai kpɛ̀ a Ɣâla Ŋɔmɔ̂leŋ, gɛ̀ ní Ɣâla ŋɔkâloŋ-laai a pá kápɔ.

Maafîu 12:28 ပူးပေါင်းရင်းမြစ်များ

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Maafîu 12:18

«Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Kilii tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Maafîu 21:31

Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Markə 1:15

«Yálá nwɔ lɔwai ə vaaɓo aa həli, mąąhɔlɔɓo, Yálá-taa tɔɔlaa mąą aa kpuwɔ; ka kpəla mɛ̨nį ɲɔ̨n ma, ka tinɛ̨n, ka ka túwɔ́ pələ mąąhvalin, əlɛɛ, ka ka yee hee nwɛlɛɛ lɛlɛɛ mu.»

Markə 11:10

Tɔɔlaa yii gaa pai, lúwɔ́ kaa mą. Lúwɔ́ kaa ku nąn Davidə nwɔ tɔɔlaai ɓa. Mąąwiɛ kaa Yálá ɓa yələkɔlɔn ɉu.»

Markə 16:17

Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Lukə 10:11

‹Ka wɔ taai ŋɛ̨i hu muluun ti. Kɛlaa, ka ka kili lɛɛ ɉu, kaa diɛ: Yálá nwɔ tɔɔlaai mąą aa kpuɔ kaa.›

Lukə 11:20

A tɛ̨ą leelee Yálá nwɔ huwalawala ɓə ŋą kɛ ɲį́nɛ̨nŋąa kpɛi la. Yili mukulaa ɓaa a: Yálá-taa tɔɔlaa aa pa kɛa aa həli kaa.

Lukə 16:16

«Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.

Lukə 9:2

Yili pulu, yɛ diɛ: ka li, ka Yálá-taa tɔɔlaa mąą wɛlɛɛ lɛlɛɛ laa həli, ka ɲɔ̨n gɛ nuą kɔ́lɔi pono.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.