Maafîu 12:20 - Yálá laawoo hɛɓɛ (dc)

²⁰ Hvo pai hveen gbaɠa yaliɛ kulɔi ŋą. Hva wulɔ nwɔ̨n viikpɛɛ luwun, ə lɛɛ la ɉu, ə yeetɛɛmąą kɛ a tələnmolaa.

Yálá laawoo hɛɓɛ

²⁰ Hvo pai hveen gbaɠa yaliɛ kulɔi ŋą. Hva wulɔ nwɔ̨n viikpɛɛ luwun, ə lɛɛ la ɉu, ə yeetɛɛmąą kɛ a tələnmolaa.

Bible

²⁰ Diai dífii kpɛɛ̂i, vé pâi ǹɛɛ̂i naa dí tóo. Diai kili kɛ-zu fé díyêei, a pâi kili-kɛ-zu tɛɛ̂i dípɔ. A pâi pâi a tenîŋ ƃô-laa núu kélee mɛni ma,

Maafîu 12:20 ပူးပေါင်းရင်းမြစ်များ

Tɔɔɓɛlaa veelɛ 18:21

Yáá ə́ kilitɔɔ hveen gbaɠa ɓa. Nui lɔpee a gilitɔɔ Eziptə lɔi ɓa, ə gɛ a dɔɔ bulu, a mąą nu haɠa ɲee ŋą, ə lɔ ɲee hu. Bələ ɓə Eziptə tɔɔmun a gɛ la a nuąi da di kilitɔɔ mą, di kəlee.

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Levetekɔ 10:20

Mɛ̨nį hutoo pələi tii, ə Moisə lii hon.

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Maafîu 11:7

Yii kɛa Ɉaan nwɔ kalan nɛai di kɛi li, Jesus ə kɛi Ɉaan mąą mɛ̨nį hukulɔ nu kpului tii ɓa, yɛ kɛ diɛ: «Líi ka mo nɔi pun ɉu, lə ɓə ka gaa? Hveen gbaɠa yii hvaŋą a dumo ya ɓə mɔ̨ɔ̨?

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 2:7

Viɛlaɓoɔi ká mąąhvaalɛɛ, ká niilaa, ə gɛ, niiɲą hvo pa nəi nwąną hvo tɛɛ ɲɛ̨n ɉu.

M̀ɛni-lɛɛi 6:2

Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.