Maafîu 11:23 - Yálá laawoo hɛɓɛ (dc)

²³ Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Yálá laawoo hɛɓɛ

²³ Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Bible

²³ Kapɔ̂nia ƃia máŋ, da pâi ímaa tɛ̂i í seri Ɣâla-taa? Da pâi liî a yá Dɛ̂ƃele-taa. Kpɛ́ni fêi, díi kpaya-kpayai dí gɛ̀ ísui, dîi da kɛ̀ Sodɔŋ, eêi lɛ̀ɛ naa sâa é seri.

Maafîu 11:23 ပူးပေါင်းရင်းမြစ်များ

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Woolaa 2:1

Ee kə! Yai-Laa liiɲąnwąną pələ ɓa, aa Siɔn halakpɛla mɛ̨i kpįnį, aa Israɛlə mąąɲįnɛ̨n tɛ yələi aa doo nɔi ɓa. Niiholi pələ, hvo kpɛli gili lɛɛ li gɔwɔ tɔɔ kpəlin ɉu.

Izikiɛ 26:20

Gáá pai ə́ yɛɛi kámą hu nuą pɔ, ə́ ɓo yɛ tɔwɔ tɔwɔ taa kpoloon, gɛ́ ə́ hee ɓoloon ɉu nuą pɔ. Yá kɛ kɛa a taa kpoloon tɔɔ hva kɛa kɛ mą, nu kanŋaa di wɔ lɔi mɛ̨i.

Izikiɛ 31:14

Yili ə kɛ tii, ə gɛ, wului lɔpee, ə mą kɛ gaa ya kwɛlɛ, hvo gbɔwɔ ɲąą kɛnɛ̨, nwun və hee tulɔ kpinįn ma; ə gɛ wulu ta lɔpee, ə mą kɛ daa ya pu mą a nɛlɛɛ, hvo nwun dɛ mɛlaa mɛ̨i. Mąąhɔlɔɓo, haa pɛ̨ɛ̨i gəlee nwuɔ̨, lɔi mu pələ lɔiɠaa hu, yɛnɛ̨ɛ̨ nuą lɔwai, a nuąi daa yɛɛ kámą hu.

Izikiɛ 32:18

«Hulɔnu lon, wɔlɔ Eziptə nwɔ nu kpului mɛ̨i, ə́ ɲɛɛ moloon gɛnɛ̨ɛi hu, da nɔiɠaa hu nɛ̨ɛ̨lɛa. Di wɔ mąąwiɛ ə mą kɛ diɛ, di too nɔi mu lɔi hu pələ; da nuąi da yɛɛ lowa hu.

Izikiɛ 32:24

«Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.

Abdiasə 1:4

Ə mą kɛ yaa tɛ yələi, yaa ə́ taa pu laa yɛ kuwɔ, ə mą kpɛli kɛ yaa ə́ taa pu pɛmɛ̨lɛn-gɔwgaa lɔwai, ŋą́ ə́ kulɔ laa, ŋį́ ə́ yɛɛ lɔi ɓa. Ɲą́ą́ Yai-Laa, ɲą́ą́ ɓə yili ɓoi tii.

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Maafîu 17:24

Jesus da nwɔ kalan nɛai dəli Kafarnaumə daai. Di wɔ kalan bɛlɛi mu, nįįhɔ̨nwɔ̨ kulɔ nuą di lɛɠɛ Piɛrə ɓa di mąąni kɛ diɛ mą: «Ka kalamɔ̨ɔ̨ a kɛ nįįhɔ̨nwɔ̨ kulɔi Yálá hee pɛlɛ́ mu?»

Maafîu 4:13

Hvo lɛɛ Nazarɛtə daai; kɛlaa, ə li ə hee Kafarnaumə daai, taa yii kɛ Galile bówa kwɛlɛ. Ɓɛi kɛ a Zabulɔn nu huwu da Nɛftali huwuhu nuą di wɔ lɔi.

Maafîu 8:5

Ɓɛlɔwai Jesus ə kɛi həli la Kafarnaumə daai, holahi nwun nąmu ta ə pa, ə pɛlɛ gɔɠɔ mu, ə mąąnɛ̨ɛ̨ yɛ mą:

Lukə 10:15

Kafarnaumə taa, yaa kpɛli, gaa ə́ kwəi di kaa pai ə́ mąątɛ̨nɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai, ə́ yɛɛ ŋąmua taa.»

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 16:23

Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ.

Lukə 4:23

Jesus ə mo diɛ, yɛ diɛ: «A tɛ̨ą, ka káá pai ɉanwon ŋɛ̨i hɔɔi mą́ą́ mɛ̨nį hu, kaa kɛ mą: ‹Yɔwɔtɔlɔ, ə́ kpɔɔ hali kɛ yɛ́ kpinįi.› Ka káá nwɔ̨nɔ̨ pai kɛi mą́ą́: ‹mɛ̨niɠaai ə́ gɛ Kafarnaumə daai, kwaa yiliɠaai kəlee bələ mɛ̨n, yili ɲɔ̨nwɔ̨mąn gɛ tii ə́ kpɔ-kpɔɔ taa ŋɛ̨i hu ɓɛ.›»

Gɛlaɠaa 2:27

Mąąhɔlɔɓo, hvó pai nɛ́ɛ́i haaɓɛlaa lɔwai, hvó pai ə́ wɔ mąąhəɠə mun nɛɛi laa yɛ luwun kámą hu.

Gɛlaɠaa 2:31

Davidə ə nu nwun mąąɓomun nwun mɛ̨nį haa ɓɛlaa lɔwai lɛɛ kwɛaa la, ə gaa, yɛ kɛ: «‹Nu nwun mąąɓomun Yálá ə naakwɛlanmo, hva pɛli kɛ lɛɛi ɲąmuątaa yee kɔn ma, ɛlɛɛ, gɔlɔ hva pɛli kɛ luwun ɉii kámą hu.›

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.

M̀ɛni-lɛɛi 20:13

Gboloyá ə pa a nwɔ haa nuą. Haa da ɲąmuątaa, di pa a di wɔ haa nuąi, ɛlɛɛ, di gəlee kiti tee yɛ bələi di túwɔ́ la.

M̀ɛni-lɛɛi 6:8

Ɛlɛɛ, ŋą́ ɲɛ̨́i hee, ŋą́ hoo ta kaa dɛɠiɛ mu kwɛlɛɛ. Nui kɛ heeni mɛ̨i, naa ɓaa a: Haa, ɛlɛɛ, ŋąmuątaa ɲɛ̨i kɔw hvilɛn ŋąą bulu. Di mąąlaa tɛɛ di pɔ, yɛnɛ̨ɛ̨ ɓɛlaɓoɔ ɉu nąąn, bələ tɔ̨nɔ̨ mɛ̨i, ə gɛ, di ɉu nuą paa a ɓɔwa kwɛa, a pulu, da lɔi kala ɲɔ̨n, ɛlɛɛ, da lɔwɔ huwɔ huwui lɔpee lɔi mɛ̨i.