Maafîu 11:21 - Yálá laawoo hɛɓɛ (dc)

²¹ Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Yálá laawoo hɛɓɛ

²¹ Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Bible

²¹ “Kpalo ƃêlai yâ, Koraziŋ! Kpalo ƃélaâi yâ, Bɛsaida! Kpɛ́ni fêi, díi kpaya-kpayai dí gɛ̀ kásui, dîi da kɛ̀ Taya da Sidɔŋ, dîi maloŋ-too-maa seɣe tòo dîa dí luu pú díŋûa dílii pene a tãi su kôya.

Maafîu 11:21 ပူးပေါင်းရင်းမြစ်များ

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Amɔsə 1:9

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Maafîu 11:22

Gáá tɛ̨ą ɓoi kaa, Yálá nwɔ kitii tee lɔwai, Tirə da Sidɔn taa di wɔ gahoi a hviɛlaɓo ə tɛɛ ka wɛi ɓa.

Maafîu 15:21

Yili pulu, Jesus ə li Tirə da Sidɔn di lɔwai taa ta hu.

Maafîu 18:7

Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Markə 3:8

daɠaa di həɠə Ɉerusalɛmə daai, daɠaa di həɠə Idume lɔi hu, da Ɉurdɛn yá pulu lɔi hu taa kpɛa-kpɛaɠaa hu, yɛ pələi Tirə da Sidɔn. Nu kpulu kɛnɛ̨i tii di pa Jesus pɔ, mąąhɔlɔɓo, mɛ̨nįɠaai ə kɛi gɛ di bələ mɛ̨n.

Markə 6:45

Ɲąąɓa, Jesus ə mo nwɔ kalan nɛai diɛ yɛ diɛ: «'Ká tɛ gələn ɉu ka ɲá teen dɔ́wɔ́ Bɛtsaida daa pələ.» Yaa kpinįi tii ə lɛɛ laa yɛ nu kpului tii tɔɔ pɛlɛi.

Markə 7:24

Yili pulu, Jesus ə li taa ta hu Tirə lɔi hu. Ə lɔ pɛlɛ ta mu. Hvo kɛ bɔ nuą di hvo gɔlɔn diɛ mą gaa laa. Kɛlaa, hva pɛli kɛ lɛɛi a nooɔ.

Markə 7:31

Jesus kulaa kɛa Tirə lɔi hu, ə li Sidɔn lɔi hu. Ə Daa Kpɛa-kpɛaa Pow lɔi hu ɓɔ. Ə pa Galile lɔi bowa-ya kwɛlɛ.

Markə 8:22

Jesus da nwɔ kalan nɛai di həliɛ Bɛtsaida daai, di pa a ɲɛ̨ipumun da Jesus pɔ. Di nɛ̨ɛ̨mąą hvə mą, ə gɛ, ə ɲee tunwɔ̨n mą.

Lukə 4:26

Kɛlaa yaamun, Yálá hvo kɛ Eli tɔɔ li galanən nɛ̨ą tii tɔ̨nɔ̨ kpɛli pɔɔli, hvo kɛli lɔ galanən nɛ̨ɛ̨nu tɔ̨nɔ̨ gbən ŋɛ̨i kɛ Sarɛpta daai Sidɔn lɔi hu.

Lukə 6:17

Jesus həɠɛɛ ɲee kpukpu ɓa da nwɔ kalan nɛa pow kɔ́w hveelɛ di yɛɛ nɛ̨ŋɛ̨n hu ɓɛi gala nɛa takpɛliɠaa tamąą di kɛ laa, nu kpulu kɛnɛ̨ ə kɛ laa. Daɠaa di həɠə Ɉude lɔi hu, daɠaa di həɠə Ɉerusalɛmə; ə mą kɛ daa yiiɠaai kɛ Tirə lɔi da Sidɔn lɔi koo ɓa.

Lukə 9:10

Jesus nwɔ nu pow kɔ́w hveelɛ tii ə di tɔɔ, di pənə di pa, yiiɠaa kpɔ di gɛ, di gəlee hukulɔ mą. Ə di həɠə, da diɛni də li Bɛtsaida daa kwɛlɛ, di tɔ̨nɔ̨ kɛɛnąą.

Ɉaan 1:44

Filipə ə kɛ a Bɛtsaida daai mun. Daai tii lɔ ɓə kɛ a Andre da Piɛrə di pɔ taai.

Ɉaan 12:21

Filipə yai a həɠə Bɛtsaida, Galile lɔi hu, di lɛɠɛ mą diɛ mą: «Nąn, ku kaa bɔ ku Jesus kaa.»

Gɛlaɠaa 12:20

Mɛ̨nį ta ə too Herodə da Tirə nuą di lɔwai, ɛlɛɛ, da Sidɔn nuą. Yiliɠaai woo ə laa mą, di pa di həli mą. Di pili tɔɔmun ɉeegwɛlɛ kɛnɛ̨mun Blastusə kɔwɔi, diɛ kɛ, di pɔnnaa kpɛɛ, mąąhɔlɔɓo, di wɔ lɔi ə kɛli gɔnɔ̨n ɉɔlɔɓo tɔɔmun nwɔ lɔi hu.

Gɛlaɠaa 27:3

Mąą yələ laa ɓoɔ, ku tɔɔ wolo ɓo Sidɔn. Ɉuliusə ə kɛli Polə hon a ɲɛ̨imąąwɛli kaa pələ, ə Polə lɛɛ laa, ə li nwɛlikɛmąą nuą pɔ, ə gɛ, ə mąąkpaan gbɛɛ hɛnŋąa hɔlɔɓo di yəi.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.