Maafîu 10:23 - Yálá laawoo hɛɓɛ (dc)

²³ Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Yálá laawoo hɛɓɛ

²³ Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Bible

²³ A kɛ̀ da kákpɔ̀ara taa kɛ́tɛi tɔnɔ su, ká kula naa ká lí da kpɛni su. Ŋa tɔ̃yâ ƃôi kâa, káfe pâi serîi Eezuɛ-taa-ŋai kélee su é lɛ́ɛ la zu Núu-kpune Ǹóŋ é pá.

Maafîu 10:23 ပူးပေါင်းရင်းမြစ်များ

Ɉeremi 26:21

Tɔɔmun Yoyakimə da nwɔ kɔ́kulááɠaai da galanɉonŋaai di nwooɠaai tii mɛ̨n. Tɔɔmun yɛ nui tii paa pələ kwɛli. Uriahu kili ə pu ɉu, ə ɲɔw, ə pu, ə li Eziptə lɔi hu.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Maafîu 23:36

Gáá moi kaa a tɛ̨ą, nuąɠaa tii ɲąmą wulu kaa pai lɛɛi háákələi nuą nwuɔ̨.»

Maafîu 24:27

Nu lon kaa pai pai, yɛ pələi mąlą-mąlą a gɛ la yələi, nən ə taɠa kɛɛnąą kəlee, di gaa.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Maafîu 24:34

Gáá moi kaa a tɛ̨ą, háá kəlee, nuą taɠaa ka ɓɛ di kaa lɛɛi a di húlú ə lɛɛ la ɉu di mɛ̨nįɠaai tii kaa.

Maafîu 24:48

Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›

Maafîu 25:13

Jesus yɛ nwɔ kalan nɛai diɛ: «Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo Ną́mu pa yələ kɔ́lɔn, ka hvo bai lɔwai kɔ́lɔn.»

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Maafîu 4:12

Ɓɛlɔwai Jesus ə Ɉaan nwɔ gahvo mɛ̨nį bələ mɛ̨n na, ə li Galile lɔi hu.

Markə 13:26

Nąąlɔwai, nuą da Nu Lon kaa kɛa ɉiɛ tulɔ kpiliɠilin mɛ̨i huwalawala kɛnɛ̨ da mąąwiɛ kɛnɛ̨ hu.

Lukə 18:8

Gáá moi kaa, a di mąą mɛ̨nį ta ɓo kpɔlɔɔ tii ɉa. Kɛlaa, Nu Lon a pənə a pa lɔi mɛ̨i, gaa pai laa na laa kaai nuą yəi?»

Lukə 21:27

Yili pulu ɓa ɓə, da Nu Lon kaa la, ɉeɛ tulɔ kpiliɠilin mɛ̨i yɛ pa a huwalawala da mąąwiɛ kɛnɛ̨ɛ.

Ɉaan 7:1

Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Gɛlaɠaa 17:14

Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Gɛlaɠaa 20:1

Yii kɛa di nu kpulu ɲąąyɛɛ, Polə ə galan nɛa təli, ə di hvaŋąlɔ, ə yələ wala too diɛ, yɛ li Masedoanə lɔi hu pələ.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.