Maafîu 10:22 - Yálá laawoo hɛɓɛ (dc)

²² Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Yálá laawoo hɛɓɛ

²² Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Bible

²² Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi.

Maafîu 10:22 ပူးပေါင်းရင်းမြစ်များ

Hanwon 29:27

Bələi lɔ nu ɲɔ̨nwɔ̨ɔ̨ wɛli kpɛɛ la tələnmo nuą diɛ, bələ lɔ ɓə tələnmomun nwɛli kpɛɛ la nwąnąlɔ nuą diɛ.

Maafîu 10:39

Nui a nɔw mąą liihɛlɛn ɉee, a hvɛɠɛla. Nui a mą́ą́ mɛ̨nį niihɛlɛn ɉee ə tɛɛ gbɔwɔ nɔw ɓa, a lɛɛ a vulú.»

Maafîu 24:13

Kɛlaa, nui a tɔɔ kpąą ə lɛɛ laa ɉu ɲąą kpɛɛi lɔwai, mąą nui nwun mąą a ɓo.

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Markə 13:13

Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa, kɛlaa, nui a tɔɔ kpaan ə lɛɛ ɉu ŋąąkpɛɛi lɔwai, mąą nui nwun mąą a ɓo.»

Lukə 21:17

Ka wɛli kaa pai kpɛɛi nu kəlee ɓa, náá mąą mɛ̨nį ɓa.

Lukə 21:19

Ka tɔɔ kpaan, ya ɓə a gɛ ka nwun mąą ə ɓo.»

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zɔ̂ŋ Maa-ŋuŋ 3:13

Ną́n nonnii ká kwəi hvo pili káá, a kɛ, yɛnɛ̨ɛ̨ a wɛlikpɛɛmąą laa kulɔ a káá.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:26

«Nui ɲee a tɛɛ mɛ̨nįɠaa tii kəlee ɓa, yai a ɲee kąnąn nwɔ́ kólóɠaai diɛ, ə lɛɛ ɉu ɲąąkpɛɛ yələi, ŋą́ hvaŋą tɛɛ pɔ hįi lɔi kəlee mɛ̨i,

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.