Maafîu 10:17 - Yálá laawoo hɛɓɛ (dc)

¹⁷ 'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Yálá laawoo hɛɓɛ

¹⁷ 'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Bible

¹⁷ Kɛ́lɛ, ka kámɛi káa a núu-kpune-ŋa. Kpɛ́ni fêi, da pâi kátɛɛ̂i koyâŋ-ŋa su, dí kálôkwa a ŋánaa Díɣâla-fɛli-kêre-ŋai mu.

Maafîu 10:17 ပူးပေါင်းရင်းမြစ်များ

Mise 7:5

'Ka hvo laa ka kaayɔwɔ ta la, 'ka hvo ka kili lɛɛ ka ɓɛlamun da ɓa, ə mą kɛ nɛ̨ɛ̨nui laani ə́ kəŋə la ɲɛ̨i ɓa ɓə, ə́ hvaa woo yɛlɛ kɛ.

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Maafîu 20:19

Nuąi di hvo Yálá kɔ́lɔn di kaa pai dɛɛi di pɔ, di yɛlɛ kulɔ ɉu, di gɛlɛ a hvaɠa di gbanwo kolɔwa ɓa ə haa. Voló haaɓa yələ, a nwun ə kulɔ haaɓɛlaa lɔwai.»

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Maafîu 26:59

Ɉaláá laa həli nuą nwun nąmįną da tɔ́nvili nąmįną di kɛi lɛɛ mɛ̨nįɠaa kwɛli diɛ bɛlɛ a Jesus laa, ə gɛ, di mąą ɲaba lɔ di baa.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Markə 13:12

Nuą kaa pai kɛi di kaayɔɠaa tɛŋɛ̨n gwɛlɛi, ə gɛ, di di paa. Lon gaa nuą diɛ kpɛli diɛ gɛ tii a di lonni. Lon yɛ muhəɠə gaa mun naa ɓa, baa mɛ̨nį ɓa.

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Gɛlaɠaa 17:14

Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Gɛlaɠaa 22:19

Ŋą́ nwoo ɲąąpənə gɛ́ mą: ‹Ną́mu, di kili kaa ɉu diɛ: ŋį́ kɛli lɔ Yálá hvɛli pɛlɛ́ɠaa mu, nuąi kɛi laa ə́ la, gɛ́ di hon, gɛ́ di kɛlɛ, gɛ́ daɠaa too gaho ŋą.

Gɛlaɠaa 26:11

Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Filipə 3:2

'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.

Timote veelɛ 4:15

Yɛ́ kpɛlimąn, ə́ kpɔwɔ mɛ̨ikaa mąą mɛ̨nį hu, hvo gaai, ə tɔɔ ku la kpɔ a ɲɔ̨nwɔ̨ɔ̨.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;