Maafîu 1:20 - Yálá laawoo hɛɓɛ (dc)

²⁰ Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Yálá laawoo hɛɓɛ

²⁰ Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Nįį-Mąąhəɠɛɛ kɛ mɛ̨nį li.

Bible

²⁰ Kɛ́lɛ, tãi è kɛ̀ gíli ŋá siâi la é pîlaŋ m̀ɛni-ŋai ŋí diai, Kúnuu-namui ŋɔkélai dɔnɔ è pà bɔ́ nyiî-pere, ǹyɛɛ mai, “Deeƃé ǹóŋ Zosɛ, ífe yào Mere siɣe mɛ̂ni ma, nyii gáa a ínɛnîi, kpɛ́ni fêi, gooi gáa mai, M̀ɔlêŋ Maa Waai ƃé gɛ̀ é kɛ́ mà.

Maafîu 1:20 ပူးပေါင်းရင်းမြစ်များ

Zɛnɛse 31:11

Ɉįį tii hu, Yálá nwɔ malaka yɛ mą́ą́: ‹Ɉakɔbə! Ŋą́ hvaa.›

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Tɔɔɓɛlaa dɔlɔɔ 17:13

Eli yɛ mą: «Ə mą kə tii, hvó ɲɔw, gɛ yɛ bələi tii ŋą́ mo la yɛ́. Kɛlaa, gbɛa nii lɛɠɛ logolo kɛ a nɛɠɛ hunwɔi tii, ə́ paa la bɔ́; yili pulu, ə́ ka ə́ lon ka wɛi yili kɛa.

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Mąątɛ̨nɛ̨ 119:125

Gáá a ə́ wɔ tímun, mɛ̨nį hu kpɛ kili tɛɛ bɔ́, gɛ́ pɛli ə́ hvaa wooɠaa kɔ́lɔn ɉii la.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 94:19

Ɓɛlɔwai kpɔ liihɛlɛn a hee laa mą́ą́ kɛnɛ̨, nąąlɔwai ɓə ə́ wɔ liilaa wooɠaa da gwə́inɛ̨ɛ̨ la.

Hanwon 12:5

Mɛ̨nį lɛlɛɛ lɔ ɓə tələnmomun a giliŋąhiɛ mą, nwąnąlɔ nuą da di kiliŋąhiɛ lɔ nwąnąlɔ mɛ̨nį ɓa.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Azaya 7:2

Di li di nwɛlɛɛ ɓo Davidə yəi bɛlɛ́n nuą diɛ, diɛ mą: «Ɛfraimə nuą daa Aramə nuą heei kulɔ di pɔ lɔi.» Nąąlɔwai, tɔɔmun Akazə da nɔi lonnii di mąą yɛ kpɛlin, yɛ hvaŋą a kɛi wuluɠaa kpɛlin.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Ɉeremi 40:9

Ahikamə lon Gedaliasə yai kɛ a Safan lon, ə gwɛla diɛ, da di yee pɔ nuą, yɛ diɛ: 'Ka ká yee hee Kalde nuą mu, ka hvo ɲɔw, ka lɛɛ nɔi hu, ka lɛɛ Babilonə tɔɔmun woo mu, bulu a nɛ̨ɛ̨ káá.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Maafîu 1:18

Bələi di Jesus Kristə hɔlɔɓo la bələ ka. Nee Mari hilɛtai kɛɛ kɛ Ɉosɛfə ɓa, kɛlaa di hvo nii kɛ lɔ li pɛlɛn. Mari ə koo həɠə a Kili-Mąąhəɠɛɛ kɛ mɛ̨nį.

Maafîu 2:12

Yili pulu, Yálá ə di kilaa pono hįį pələ yɛ diɛ: «Ka hvo pənə ka hvo tɛɛ a tɔɔmun Herodə pɔɔli pələ.» Di tɛɛ a pələ ta kpɛli, diɛ li di wɔ lɔi hu.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 2:22

Kɛlaa, ɓɛlɔwai Ɉosɛfə ə mɛ̨n na, diɛ kɛ mą, Arselausə ɓə hee Ɉude lɔi nwun na a tɔɔmun, a nąn bɔɔi, ə ɲɔw, hvo li laa. Yálá ə niɛwoo ɓo hįį pələ yɛ mą: 'Li Galile lɔi hu.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Lukə 2:4

Ɉosɛfə ə həɠə Nazarɛtə daai Galile lɔi hu, yɛ li Bɛtleɛmə daai Ɉude lɔi hu, Davidə pɔ taai. Mąąhɔlɔɓo, Ɉosɛfə ə kɛ a Davidə yəi bɛlɛ́n mun da, də li, əgɛ, di di lono.

Gɛlaɠaa 5:19

Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

M̀ɛni-lɛɛi 19:7

'Ká gu kwəinɛ̨ɛ̨ kulɔ, gu pili yələi a ɓələn, gu mąąwiɛ laa tɛɛ bɔ, gbala ə tɔɔ, mɛlaa Lon nwɔ hvúlúlɔ yələ aa ɉəli; ŋą nɛ̨ɛ̨nui aa ɉuyili,

Nwun mąąɓo 13:3

Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.