Lukə 9:51 - Yálá laawoo hɛɓɛ (dc)

⁵¹ Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.

Yálá laawoo hɛɓɛ

⁵¹ Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.

Bible

⁵¹ Nya ƃe e kɛ̀ ti, tãi kɛ́ɛ lɛɣɛ̂i a gɛɛ dí dɛ ɣelêi, e gbɛtɛ ǹíi su a gɛɛ e li Zerusâlɛŋ.

Lukə 9:51 ပူးပေါင်းရင်းမြစ်များ

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Lukə 12:50

Mą́ą́ waa mɛ̨nį niihɛlɛn gaa mą́ą́, hvo kɛli naa ə kulɔ.

Lukə 13:22

Jesus kɛɛ lii Ɉerusalɛmə, ə kɛi tɛɛ taa kpɛa-kpɛa da taa pɛlɛɛɠaa hu, yɛ kalan gɛ.

Lukə 17:11

Ɓɛlɔwai Jesus ə kɛi li la Ɉerusalɛmə, ə tɛɛ Galile lɔi da Samari lɔi di lɔwai.

Lukə 18:31

Jesus ə nwɔ nu pow kɔ́w hveelɛ təli, ə di lɛɠɛ mą di tɔ̨nɔ̨ kɛɛnąą, yɛ diɛ: «Ka ka wəli tɔɔ, gu tɛ hiɛ ka ŋɛ̨i Ɉerusalɛmə, ɛlɛɛ, mɛ̨nįi Yálá kwəi mɛ̨nį hukulɔ nuą di mo yɛ hvilɛn na Nu Lon ma, gəlee kaa pai kɛi.

Lukə 19:11

Nuą ŋɛ̨i Jesus woo mɛ̨n, ə hanwon ɉɔɔ diɛ yɛ diɛ pələi mąą kpua kɛ la Ɉerusalɛmə taa ɓa, nuą di kɛi di kiliŋąhiɛ diɛ kɛ diɛ: Yálá-taa tɔɔlaa kaa pai kulɔi kpɔlɔ tii ŋąąɓa di gaa.

Lukə 19:28

Yii kɛa ə kpɛɛ a nwooɠaai tii ɓoɔ, ə tɛɛ di tɔwɔ yɛ tɛ Ɉerusalɛmə pələ.

Lukə 24:51

Ɓɛlɔwai ə kɛi núwɔ́i tii too la diɛ, Yálá ə kɛi muhəɠə yɛ dɛ yələi pələ.

Lukə 9:57

Ɓɛlɔwai di kɛ la bələ ɓa diɛ li, nu ta ə mo Jesus ɓa, yɛ mą: «Gáá bɔ ŋą hvilɛn ə́ pulu, ɓɛi lɔpee ya kɛi li laa, ŋą kɛ ə́ pɔ.»

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 16:28

Ŋą́ həɠə Ną́n bɔ gɛ́ pa yɛnɛ̨ɛ̨, ya ka tii nwɔ̨nɔ̨ gáá həɠəi yɛnɛ̨ɛ̨ gɛ́ li Ną́n bɔ.»

Ɉaan 16:5

«Yiihu kɛa, nui dɔ́ɔ́, gáá lii bɔ, kɛlaa, ka hvo kɛa mą́ą́nin kɛ, kaa kɛ mą́ą́: ‹Mįnɛ̨ ɓə ə́ kaa lii laa?›

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 6:62

Akɛti, yələi ka Nu Lon kaa la, yɛ tɛ yələi ɓɛi ə həɠə laa, kaa gɛ ləi?

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 1:9

Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Ifisiɛŋ 1:20

Ə ŋą huwalawalalaa tii kəlee lɛ Kristə hu, a nwun ə mo haa nuą lɔwai, yɛ ɉee mamįiyee hu pələ yələkɔlɔn ɉu.

Filipə 3:14

Yili ɓa, gáá gilɛ həɠəi, ə gɛ, gu təli ŋɛ̨i Yálá aa mo yələi Jesus Kristə laa hu, ŋį́ dɔ̨nɔ̨ hɔlɔɓo.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 6:20

Nąą ɓə Jesus ə lɔ laa gu tɔwɔ, gu mąą mɛ̨nį ɓa. Yai gaa a ɉaláá laa həli mun gɛnɛ̨mun a yələ kəlee, yɛ Mɛlkisedɛkə.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.