Lukə 9:41 - Yálá laawoo hɛɓɛ (dc)

⁴¹ Jesus ə haŋą nuą tii kɛ laa diɛ, yɛ diɛ: «Ee ka wɔ laa na laa hvo kɛnɛ̨ li, ka wɔ mɛ̨nį ɲɔ̨nwɔ̨ɔ̨i! Akɛti, gáá pai lɛɛi ka pɔ hvo kɛli mįnɛ̨ lɔwai? Jesus yɛ ɉulɔnui tii ɓa: Pa a ə́ lon tii ɓɛ.»

Yálá laawoo hɛɓɛ

⁴¹ Jesus ə haŋą nuą tii kɛ laa diɛ, yɛ diɛ: «Ee ka wɔ laa na laa hvo kɛnɛ̨ li, ka wɔ mɛ̨nį ɲɔ̨nwɔ̨ɔ̨i! Akɛti, gáá pai lɛɛi ka pɔ hvo kɛli mįnɛ̨ lɔwai? Jesus yɛ ɉulɔnui tii ɓa: Pa a ə́ lon tii ɓɛ.»

Bible

⁴¹ Zîsɛ e zu tòo, ǹyɛɛi, “Óo ŋ̀éniɛi ŋi su-ƃelai, laa-la fé káyêei, káwôlii kpɔ́lɔɔ̀i, ɣele ɣɛɛlu ƃe fɛ̂ɛ ŋa gɛ kákɔlɛ, ŋ́gɛ ńii kpele nɔ kámɛni ma? Pá ƃɛ a íloŋ-surɔŋ.”

Lukə 9:41 ပူးပေါင်းရင်းမြစ်များ

Tɔɔɓɛlaa veelɛ 5:8

Ɓɛlɔwai Yálá nwɔ nu Elise ə bələ mɛ̨n na, diɛ kɛ Israɛlə tɔɔmun aa mąą həɠə hu ɓɛla a liiholi, ə wɛlɛɛ tɔɔ tɔɔmun pɔɔli, yɛ mą: «Lə mɛ̨nį ɓa ə́ ə́ mąą həɠə hu ɓɛla? Naaman lɛɛ laa ə pa ə həli mą́ą́, gaa pai gɔlɔn ɉii yɛ Yálá kwəi mɛ̨nį hukulɔ mun gaa Israɛlə lɔi hu.»

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 16:28

Yai-Laa, yɛ Moisə ɓa: «Ka káá pai lɛɛi ka nwun gulɔi nwɔ́ tɔ́n nwooɠaa da nwɔ́ tiɓoɠaa mu, ə lɛɛ ɉu mįnɛ̨ lɔwai?

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Lonon mo 14:27

«Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Maafîu 12:39

Jesus ə di woo ŋąąpənə, yɛ diɛ: «Háákələi nuą túwɔ́ pələ ɲɔ̨nwɔ̨ɔ̨ ŋɛ̨i, di hva Yálá woo hon, diɛ ŋį́ kpalo mɛ̨nį ta kɛ, diɛ di gaa. Kpalo mɛ̨nį ta lɔpee hvo laa, yii ŋą pɛli gɛi di ɲɛ̨i ɓa, akɛ Yálá kwəi mɛ̨nį hukulɔ mun Ɉonasə mąą mɛ̨nį hvəə.

Maafîu 12:45

Yili pulu, a li, ə mɛlaa ɲį́nɛ̨n mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ yee tɛɛi nwɛi ɓa, di pa nwɔ̨nɔ̨ di hvilɛn bulu. Ŋąąkpɛɛi, nui tii túwɔ́ pələ a ɲɔ̨n ə tɛɛ dɔlɔɔ ɓa. Bələ kpɔlɔɔ ɓə háákələi nuą ŋɛ̨i kaa la.»

Maafîu 16:4

Háákəlee nuą ŋɛ̨i di hva tələnmo túwɔ́ ɓo Yálá ɲɛ̨i ɓa, diɛ ŋą mɛ̨nį ta kɛ di gaa. Kɛlaa, mɛ̨nį takpɛi hva pɛli lɛi diɛ, akɛ Ɉonasə mąą mɛ̨nį hvəə.» Yili pulu, ə di lɛɛ laa ə həɠə laa.

Maafîu 17:17

Jesus ə haŋą nuą tii kɛ laa diɛ, yɛ diɛ: «Ka wɔ mɛ̨nį ɲɔ̨nwɔi, laa na laa hvo ka yəi! Akɛti, gáá pai lɛɛ ka mu kpəŋəi hąą, hvo kɛli mįnɛ̨ lɔwai? Yili pulu yɛ diɛ: Ka pa a nokolo kpɔ bɔ́.»

Maafîu 23:36

Gáá moi kaa a tɛ̨ą, nuąɠaa tii ɲąmą wulu kaa pai lɛɛi háákələi nuą nwuɔ̨.»

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Markə 10:49

Jesus ə tɔɔ, yɛ diɛ: «'Ka dəli ə pa.» Di mo ɲɛ̨ipumun tii ɓa diɛ mą: «Yáámun, ə́ huwalawala ə́ ə́ muhəɠə, gaa ə́ təli.»

Markə 9:19

Jesus ə mo nu kpului tii ɓa, yɛ diɛ: «Nu huwu ɲɔ̨nwɔ̨ɔ̨ɠaa ɓaa kaa, laa na laa hvo ka yei. Akɛti, hvo kɛli gwa lɛɛ gu kee ɓa hąą mįnɛ̨ lɔwai, ə gɛ, kaa pɛli mɛ̨nįɠaa ɲɛ̨i kɛi? Akɛti, hvo kɛli ŋą níí kpələ ka mu hąą mįnɛ̨ lɔwai? Ka pa a nokoloi tii bɔ́.»

Lukə 8:25

Jesus ə tinɛ̨n, yɛ nwɔ kalan nɛai diɛ: «Ka wɔ laa na laa kaa mį?» Kɛlaa, galan nɛa di ɲɔw kpɔ kɛnɛ̨, di kwəi ə pili diɛ; diɛ kɛ di kee ni diɛ: «Akɛti, nu huwu lə kɛɛ ɓəi, yaa yii, a haŋą hvaŋą da ya diɛ, diɛ nwoo hon?»

Lukə 9:40

Ŋą́ nɛ̨ɛ̨mąą hvə ə́ wɔ kalan nɛai diɛ, gɛ́ di ɲį́nɛ̨n tii kpɛ nón bulu; kɛlaa, di hvo pɛli mą.»

Lukə 9:42

Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Ɉaan 14:9

Jesus yɛ mą: «Filipə gwa gaa ni gwaa lɔwai tamąą kɛ gu kee ɓa, ya ɓə hvo gɔ́lɔ́n? Nui a gáá, a kɛ tii aa Ną́n gaa. Lə mɛ̨nį ɓa ə́ kaa kɛi mą́ą́: ‹ə́ Ną́n nɛ kuɔ?›

Ɉaan 20:27

Yili pulu Jesus yɛ Tomasə ɓa: «'Ə́ yeekpiɛ lɛɠɛ ɓɛ, ə́ ɲéé ɲąɠaa kaa, ə́ laa na laa kɛ.»

Gɛlaɠaa 13:18

Kwɛlan bow nąąn ɲee mu, ə di kɔ̨nɔ̨n gɛ nɔi pun ɉu.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!

Hebreu 3:19

Gu ɲɛ̨i kaa mą, di tɔ̨nɔ̨ kpɛli hvo pɛli lɔi, a di wɔɔ kili walawala laa laa pɔɔ.

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.

Hebreu 4:2

Mąąhɔlɔɓo, guɔ kpɛlimąn gwaa nwɛlɛɛ lɛlɛɛ hɔlɔɓo lɔ yɛ nuą tii, kɛlaa nwoo tii di mɛ̨n, dɔlɔ hvo kɛ mą di yəi, gbala ə tɔɔ, diɛi mɛ̨n, di hvo nɛɛlaa, laa na laa hvo ɉeei kulɔ di hu.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.