Lukə 9:33 - Yálá laawoo hɛɓɛ (dc)

³³ Ɓɛlɔwai nu hveelɛi tii di kɛi həɠə la Jesus kwɛlɛ, Piɛrə ə mo Jesus ɓa, yɛ mą: «Kalamɔ̨ɔ̨, a kɛ gwa lɛɛ ɓɛ, yili ŋąą nɛɛi kpɔ kɛnɛ̨. A kɛ tii, kwa həɠə pɛlɛ haaɓa tɔɔ; dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔ, dɔ̨nɔ̨ ə kɛ a Eli nwɔ.» (Nwoo tii Piɛrə ə kɛi mo, hvo kɛi ŋąą kaa gbɔwɔ yəi.)

Yálá laawoo hɛɓɛ

³³ Ɓɛlɔwai nu hveelɛi tii di kɛi həɠə la Jesus kwɛlɛ, Piɛrə ə mo Jesus ɓa, yɛ mą: «Kalamɔ̨ɔ̨, a kɛ gwa lɛɛ ɓɛ, yili ŋąą nɛɛi kpɔ kɛnɛ̨. A kɛ tii, kwa həɠə pɛlɛ haaɓa tɔɔ; dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔ, dɔ̨nɔ̨ ə kɛ a Eli nwɔ.» (Nwoo tii Piɛrə ə kɛi mo, hvo kɛi ŋąą kaa gbɔwɔ yəi.)

Bible

³³ Nya ƃe e kɛ̀ ti, díkɛɛ lîi, Pitɛ e mò Zîsɛ ma, ǹyɛɛi, “Kaamɔ̂ɔ, ǹɛ́lɛɛ̂i a gɛɛ kúkaa ƃɛ; kwaa ku ƃûu saaƃa tɔ́ɔ, dɔnɔ ímɛni ma, dɔnɔ Mose mɛni ma, dɔnɔ Ilaza mɛni ma.” Ve mɛnii kɔlɔŋ e kɛ̀ m̀ôi.

Lukə 9:33 ပူးပေါင်းရင်းမြစ်များ

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Maafîu 17:14

Ɓɛlɔwai Jesus da nwɔ kalan nɛa haaɓai tii di həli la nu kpulu ɓa, hulɔnu ta ə pa ə pu nwungbəla Jesus kɔ́wɔ mu, yɛ mą:

Maafîu 17:4

Ŋąąɓa Piɛrə ə nɛɛmą yɛ Jesus ɓa: «Ną́mu, akɛ ya hvaa mą, gu kɛ lɔ kɛa ɓɛi, ŋą kpuwulu haaɓa tɔɔ ɓɛ, dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔɔ, dɔ̨nɔ̨ ə kɛ a Eli nwɔɔ.»

Markə 10:38

Jesus ə mo diɛ, yɛ diɛ: «Yii mąąnɛ̨ɛ̨ ka vɛli, ka hvo gɔlɔn. Ka pɛli ka kpələi a gbələ kɔ́wɔi gáá pai gbə́ləi la? A wala kɛ tii nąąnɔ̨nwɔ̨ mąąwaa yii pai həli mą́ą́, ka pɛli ka yee heei mu?»

Lukə 5:5

Simɔn ə nwoo pulu pənə yɛ mą: «Kalamɔ̨ɔ̨, ku háá yii kpɔ ku ɲɛ̨i ɓa, kuɔ hɔ̨nwɔ̨lee kpɛ; kɛlaa, ku hvo hɛn nɔpee ta hɔlɔɓo. Kɛlaa, ə́ woo tii mąą mɛ̨nį ɓa, gáá diŋɛ̨n bilii.»

Lukə 9:34

Ɓɛlɔwai ə kɛi mo la tii, tulɔ kpiliɠilin gɛnɛ̨ ta ə yɛɛ, ə di mɛ̨i kpulu a nįnįn. Gaa tii galan nɛa di mo, dulɔ kpiliɠilin tii ə di mąątínɛ̨n, di ɲɔw kpɔ kɛnɛ̨.

Lukə 9:49

Ɉaan ə mo kɛa Jesus ɓa, yɛ mą: «Kalamɔ̨ɔ̨, ku nu ta kaa, yɛ ɲį́nɛ̨n gbɛ ə́ laa hu, ku kɛ bɔ, ku mo mą ə kpəla mą. Mąąhɔlɔɓo, hvo kɛ a ku ta.»

Ɉaan 14:8

Filipə yɛ Jesus ɓa: «Ną́mu, ə́ nąn nɛ kuɔ, yili a ku kwəinɛ̨ɛ̨.»

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.