Lukə 9:19 - Yálá laawoo hɛɓɛ (dc)

¹⁹ Di nwoo ŋąąpənə diɛ mą: «Nu taɠaa da kɛ kɛi diɛ: ‹Ɉaan-Batistə ɓaa a yɛ́.› Daɠaa diɛ kɛ nwɔ̨nɔ̨ diɛ: ‹Eli ɓaa a yɛ́.› Daɠaa diɛ kɛ nwɔ̨nɔ̨ diɛ: ‹Ə́ kaa a Yálá kwəi mɛ̨nį hukulɔ nuą wɔlɔ kɛ da, yii aa muhəɠə aa kulɔ haaɓɛlaa lɔwai.›»

Yálá laawoo hɛɓɛ

¹⁹ Di nwoo ŋąąpənə diɛ mą: «Nu taɠaa da kɛ kɛi diɛ: ‹Ɉaan-Batistə ɓaa a yɛ́.› Daɠaa diɛ kɛ nwɔ̨nɔ̨ diɛ: ‹Eli ɓaa a yɛ́.› Daɠaa diɛ kɛ nwɔ̨nɔ̨ diɛ: ‹Ə́ kaa a Yálá kwəi mɛ̨nį hukulɔ nuą wɔlɔ kɛ da, yii aa muhəɠə aa kulɔ haaɓɛlaa lɔwai.›»

Bible

¹⁹ Dí mò ma, dîyɛɛi, “Batâi-kɛ-nuui Zɔ̂ŋ; kɛ́lɛ, da-ni dí mò, Ilaza; gbeli-ŋai dí mò a gɛɛ ŋwɔlɔ-wɔlɔ-Ɣalai ŋɔlóno-kɛ-ƃelai dɔnɔ a mu siɣe saa yêei.”

Lukə 9:19 ပူးပေါင်းရင်းမြစ်များ

Maafîu 14:2

Ə mo nwɔ tínuą diɛ yɛ diɛ: «Ɉaan-Batistə ka tii, a muhəɠə a kulɔ haaɓɛlaa lɔwai. Mɛ̨nį gɛi, yɛ gbalo mɛ̨nį tamąą tii kɛ la yaa li.»

Maafîu 3:1

Nąąlɔwai ɓə Ɉaan-Batistə ə kɛi kalan gɛ la Ɉude lɔi pun ɉu.

Markə 6:14

Nąąlɔwai, tɔɔmun Herodə ə Jesus mąą mɛ̨nį bələ mɛ̨n, mąąhɔlɔɓo, mąą tin ə too kɛɛnąą kəlee. Nu taɠaa di kɛli kɛ diɛ: «Ɉaan-Batistə ka tii aa nwun aa kulɔ haa yəi, mɛ̨nį gɛi kpalo mɛ̨nį kɛɛ nwɔ huwalawala kaa la ɲei yaa li.»

Markə 6:15

Daɠaa diɛ kɛ diɛ: «Eli ka tii. A wala kɛ tii, Yálá kwəi mɛ̨nį hukulɔ mun da lɔ li, yii gɛ pələ kaa lɔ yɛ tɔlɔɔ nwɛi ta.»

Lukə 9:18

Yələ ta, Jesus yaa tɔ̨nɔ̨ ə kɛi Yálá hvɛli, nwɔ kalan nɛa di laŋąn ma. Ə di mąąni kɛ, yɛ diɛ: «Nuą da kɛ kɛi lə mą́ą́ mɛ̨nį hu?»

Lukə 9:20

Jesus ə di mąąni kɛ, yɛ diɛ: «Kaan, ka kɛ kɛi diɛ gáá aa gbɛɛ?» Piɛrə ə nwoo pulu pənə yɛ mą: «Ə́ kaa a Nwun mąąɓomun Yálá ə naakwɛlanmo.»

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Ɉaan 7:40

Nu kpului tii kɛi Jesus woo mɛ̨n, daɠaa di kɛi kɛ diɛ: «Nui ŋɛ̨i kaa kpɔ a Yálá kwəi mɛ̨nį hukulɔ mun neelee.»

Ɉaan 9:17

Di pənə nwɔ̨nɔ̨ diɛ ɲɛ̨ipumun ma: «Ɛlɛɛ yáán, ə́ kaa kɛi lə, nui ə́ ɲɛ̨i hvoloon, mąą mɛ̨nį hu?» Yɛ diɛ: «Yálá kwəi mɛ̨nį hukulɔ mun ni.»