Lukə 8:25 - Yálá laawoo hɛɓɛ (dc)

²⁵ Jesus ə tinɛ̨n, yɛ nwɔ kalan nɛai diɛ: «Ka wɔ laa na laa kaa mį?» Kɛlaa, galan nɛa di ɲɔw kpɔ kɛnɛ̨, di kwəi ə pili diɛ; diɛ kɛ di kee ni diɛ: «Akɛti, nu huwu lə kɛɛ ɓəi, yaa yii, a haŋą hvaŋą da ya diɛ, diɛ nwoo hon?»

Yálá laawoo hɛɓɛ

²⁵ Jesus ə tinɛ̨n, yɛ nwɔ kalan nɛai diɛ: «Ka wɔ laa na laa kaa mį?» Kɛlaa, galan nɛa di ɲɔw kpɔ kɛnɛ̨, di kwəi ə pili diɛ; diɛ kɛ di kee ni diɛ: «Akɛti, nu huwu lə kɛɛ ɓəi, yaa yii, a haŋą hvaŋą da ya diɛ, diɛ nwoo hon?»

Bible

²⁵ Nya ƃe e mò dîa, ǹyɛɛi, “Kálaa-lai káa mi?” Dí kɛ̀ yaôi. Dípɛlɛ e pù, díkɛ mo díkîe-ni ma, dîyɛɛi, “Gɛ̀ ní, gbɛ̂ɛ ƃe ŋi? Kpɛ́ni fêi, a lôno vãai pɔ da ǹyái dí ŋ̀óo mɛ̀nii.”

Lukə 8:25 ပူးပေါင်းရင်းမြစ်များ

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Hanwon 8:29

ɓɛlɔwai ə kɛi gboloyá ɲɛn dɔɔ la, yii mąą hvo nɛ̨ɛ̨li hvo lan mɛ̨i, gɛɛ lɔi kpon ɉeei,

Maafîu 14:31

Ŋąąɓa Jesus ə Ɉon a ɲee yɛ mą: «Éé kə Piɛrə! Ə́ wɔ laa na laa tiikpəɛ ɓee. Lə mɛ̨nį ɓa ɲį́nɛ̨n-ɲį́nɛ̨n ə too ə́ hu?»

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Maafîu 6:30

Éé kə! Kaai ka wɔ laa na laa hvo kɛnɛ̨ li! Gáá moi kaa, akɛ, Yálá a lɔwɛi wuluɠaa mąąyili tii, diɛi di hva lamu yɛnɛ̨ɛ̨, diɛ di kələn, kaa mun ka hviɛlaɓoɔ, hva ka mąąyili həɠə kɛ ə tɛɛ nwuluɠaai tii diɛ?

Maafîu 8:10

Yii kɛa Jesus ə nwoo tii mɛ̨n, yili ə nii hon gbɔ kpąą. Nuą ŋɛ̨i kɛ bulu, ə mo diɛ, yɛ diɛ: «Gáá tɛ̨ą ɓoi kaa, və́ ni naa na laa huwui ŋɛ̨i ta kaa li Israɛlə lonnii lɔwai.

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Markə 4:35

Voló tɔ̨nɔ̨i tii mąą yələ wilii, Jesus ə mo nwɔ kalan nɛai diɛ, yɛ diɛ: «Ka gwəli ɲá pulu pələ.»

Lukə 12:28

Akɛ, lɔwɛi tumɔɠaai di kaa a nwɔ̨n gɔ̨nɔ̨n, Yálá a di mąąyili kpɔ tii, ka gɔlɔn kaa diɛ: a pɛli ə ka mąąyili ə tɛɛ diɛ. Ée kə́! Ka wɔ kilitɔɔmąą tiikpəi tai.

Lukə 8:24

Galan nɛa di lɛɠɛ Jesus ɓa, di nwun, diɛ mą: «Kalamɔ̨ɔ̨, kalamɔ̨ɔ̨! Gu nwun na pili hiɛ ka! Ku nwun mąąɓo!» Jesus ə ɲɛ̨ilaa ɓo, ə haŋą vaŋąi tii ɓa, da ɲá, yɛ di: «Ka ka kɔ́lɔ haa kaa!» Vaŋą da ɲá di di kɔ́lɔ haa diɛ, kɛɛ mąą ə haa kpɔ tin.

Lukə 8:26

Jesus da nwɔ kalan nɛai di ɲá teen, Geraseni lɔi hu, Galile lɔi tənən ma.

Ɉaan 11:40

Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»