Lukə 8:13 - Yálá laawoo hɛɓɛ (dc)

¹³ Daɠaa kɛ pələ yɛ ɓo yɛ, vaɲą ŋą lɔi. Yiliɠaai da Yálá laawoo mɛ̨n, di di yee hee mu a kwəinɛ̨ɛ̨. Kɛlaa, di hva nɛɛ laa, hvo ɉamu pili di lii hu, da laa lɔ nwoo tii la a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ, da həɠə laa na pələ mɛ̨i.

Yálá laawoo hɛɓɛ

¹³ Daɠaa kɛ pələ yɛ ɓo yɛ, vaɲą ŋą lɔi. Yiliɠaai da Yálá laawoo mɛ̨n, di di yee hee mu a kwəinɛ̨ɛ̨. Kɛlaa, di hva nɛɛ laa, hvo ɉamu pili di lii hu, da laa lɔ nwoo tii la a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ, da həɠə laa na pələ mɛ̨i.

Bible

¹³ Nyii-ŋai tôo gɔnii ŋái, dia ƃa ǹûai da ŋ̀óoi mɛ̀ni, dí zɔlɔ ƃo a lii-nɛ̃ɛ. Kɛ́lɛ, dísame fé dímu, da lâa la a tãi kpua, kɛ́lɛ, su-kɔɔŋ a pâ dípɔ dí too pôlu.

Lukə 8:13 ပူးပေါင်းရင်းမြစ်များ

Zôo 19:28

Ka káá kɛi mą: «Nui ŋɛ̨i, lə mɛ̨nį takpɛli ɓə kwa pɛli ku naa mą, kuɔ pɛli nwɔ mɔ̨nɔ̨i nwun gɔlɔn ɉii?»

Hanwon 12:12

Nui hvo Yálá kɔ́lɔn, a ɲɛ̨i kulɔ nwąnąlɔ nuą hɔlɔɓo hɛn bɔ. Kɛlaa, tələnmo nuą hamu a di kɔ́ a hɛn.

Hanwon 12:3

Nwąnąlɔ hva nu kɛ a tɔɔmun, Kɛlaa, hɛn lɔpee ta hva kɛ tələnmo nuą hamu ɓa.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Izikiɛ 33:32

Ə́ kaa di ɲɛ̨i mu yɛ wɛli wələi nɛ̨ɛ̨nu a doo, mu heɛ a hvɛ́li woo nɛ̨ɛ̨. Da ə́ wooɠaa mɛ̨n gbɔ, kɛlaa, nu ta hva bɔ mɛ̨nį kɛ.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Markə 6:20

Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Lukə 8:12

Nu taɠaa kɛ pələ kaa yɛ, bələ kwɛlɛ, ɓɛi ɉihɛn ɉuwu taɠaa di too laai. Nuą tii, da di yee hee Yálá laawoo mu, kɛlaa, nąnį ə pa, ə gulɔ di yəi; əgɛ, di hvo pa laa nwoo tii la, di nwun mąą hvo ɓo

Lukə 8:14

Ɉihɛn ɉuwu yii ŋɛ̨i too ɲɔw ɲąąlən ɉu, yili kaa yɛ: nuą yiiɠaai da Yálá laawoo mɛ̨n, da kulɔ tɔwɔ pələ, liihɛlɛn damąą ə too diɛ, yɛ pələi: hɛn gɔw kɛnɛ̨ hɔlɔɓo liihɛlɛn, di kpɔɔ liiɓa kɛ liihɛlɛn ə too diɛ kɛnɛ̨, ə tɛɛ mɛ̨nį kəlee ɓa. Mɛ̨nįɠaa tii kəlee a kpinįn a diɛ, di too, di ɓa yɛ ɓo a vəlee.

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 15:2

ɛlɛɛ, yai ɉaalai ɓə ka káá pai ɓaloi la, akɛ ka ká yee kanąn mą, yɛ bələi ŋį́ naa həli la kaa; ka wala yili kɛ tii, ká wɔɔ laa na laa a lɛɛ a kpɛli.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Galatə 3:4

A kati, mɛ̨nį tamąąi ti ka tɛɛ ɉu, aa lɛɛ lɔ a kpɛli? Mąą hvo nɛ̨ɛ̨li kpɔ kɛ hvo lɛɛ a kpɛli-kpɛli!

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Tɛsalonikə dɔlɔɔ 3:5

Yɛ bələi vá pɛli kɛ níikpələ la, və́ nąą mąąkpɔn, ŋą́ nu tɔɔ ə pa ə ká wɔ laa na laa mąą wɛlɛɛ həɠə, ə paa la, ŋį́ kɛli ɲɔw, gɛ́ kɛ, ɲąąhɛn kɛmun hvo pa ká ɲąąhɛn, mɔ̨nɔ̨i ku mįi, hvo pa lɛɛ a kpɛli.

Timote dɔlɔɔ 1:19

a laa na laa da kili lɛlɛɛ. Nu tamąą daa di yee kulɔ mu, diɛn, di wɔɔ laa na laa aa lɛɛ yái.

Hebreu 10:39

Gu nwɛi, gu hvo yɛ nuąi daa pənə, daa di pulu tɔɔ, di nwun pili mɛ̨nį ɓa, kɛlaa, gu kaa a laa na nuą, gu nįį nwun mąąɓo mɛ̨nį ɓa.

Zĩi 2:26

Yaan bələ kpɔlɔɔ ɓə gaa la, kɔlɔi nɔ̨ɔ̨ hvə ɉu, ɉaai; laa na laai bɔ túwɔ́ hvo mą, yaa kpɛlimąn, ɉaai.

Piɛrə veelɛ 2:20

Akɛ nuąi ŋɛ̨i daa kulɔ yɛnɛ̨ɛ̨ nwɔ túwɔ́ pələ ɲɔ̨n ɉu, gu Ną́mu da gu Nwun mąąɓomun Jesus Kristə kɔ́lɔn ŋąą pɔ, da pənə da di kpɔɔ lɛɛ laa, di lɔ dúwɔ́ pələ ɲɔ̨n ti hu, ə hee di mɛ̨i nwɔ̨nɔ̨ a nįnɛ̨, di kɛ pələ a ɲɔ̨n ə tɛɛ dɔlɔɔ ɓa.

Piɛrə veelɛ 2:22

Ɉanwon ŋɛ̨i da kɛ mą: «Yilɛ a ɓaɠi, ə tinɛ̨n ə maɠi kɔ́mɔ.» Ə lɛɛ, yii ŋɛ̨i nwɔ̨nɔ̨ da kɛ mą: «Ə mɛ ɓoi waa, a tinɛ̨n ə too palaya hu.» Mɛ̨nįi ti həli diɛ, a nɛ yɛ ɉanwon veelɛi ti kaa tɛ̨ą.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.