Lukə 7:42 - Yálá laawoo hɛɓɛ (dc)

⁴² Yii kɛa di nu hveelɛi di ta hvo nwali kwələ kulɔ hɔlɔɓo, gwələ nąmu ə nɛɛ diɛ a mɛ̨inɛ̨ɛ̨. Akɛti, nu hveelɛi tii, nɛlɛ ɓə a ɉulɔnui tii wɛli la kɛ kɛnɛ̨?»

Yálá laawoo hɛɓɛ

⁴² Yii kɛa di nu hveelɛi di ta hvo nwali kwələ kulɔ hɔlɔɓo, gwələ nąmu ə nɛɛ diɛ a mɛ̨inɛ̨ɛ̨. Akɛti, nu hveelɛi tii, nɛlɛ ɓə a ɉulɔnui tii wɛli la kɛ kɛnɛ̨?»

Bible

⁴² Pɔri kɛ́ɛ ve dîɛ a gɛɛ dí deêi, e dífeerɛ díkpâi su-mɛni lɛ̀ɛ. À kɛ̀ ti, ǹúu feerɛi ŋi nênɛ ƃe pâi ŋ̀wɛ̂lii a dámaai?”

Lukə 7:42 ပူးပေါင်းရင်းမြစ်များ

Samia Veerɛi 14:13

Nɛ̨ɛ̨nu tii yɛ mą: «Lə mɛ̨nį ɓa yaai, Ə́ giliŋąhiɛ huwui tii ta kɛ, yɛ Yálá nwɔ nu huwui mąą mɛ̨nį pili ɉu? Yɛ bələi ŋɛ̨i tɔɔmun yaa kpįnįi ə mo la yiihu, tɔɔmun aa hvaa mą, yɛ gaa a hɔn maa mun. Mąąhɔlɔɓo a nui tii ə́ gbɛ, aa lənə bulu pənə mɛ̨nį ɓa.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Maafîu 18:27

Gwələ nąmu ə Ɉɛn mɛ̨nį kɛnɛ̨i tii kəlee lɛɛ ma a ɉɔɔ, yɛ mą: Li! Ə́ mąą mɛ̨nį nɛ̨ɛ̨li.

Maafîu 18:34

Di nwun nąmu líí ə holi kpɔ kɛnɛ̨. Yɛ diɛ: Ka ɉon ka doo gaho ɲą, ə lɛɛ la ɉu, ə ə nwɔ kwələi kəlee kulɔ.»

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Lukə 7:43

Simɔn ə nwoo pulu pənə yɛ mą: «Nwɔ́ kwəi, nui ŋɛ̨i di ɉɛn mɛ̨nį kɛnɛ̨ lɛɛ ma, a mɛ̨inɛ̨ɛ̨, ya ɓə.» Jesus yɛ Simɔn ɓa: «Yaa tɛ̨ą ɓo.»

Lomaŋ 3:24

Kɛlaa, Yálá nwɔ mɛ̨inɛ̨ɛ̨ hu, aa di kɛ a tələnmo nuą yaa kpinįi ɲɛ̨i ɓa Jesus Kristə háálai, yai di nwun mąąɓo ə di kulɔ nɛ̨ŋɛ̨n ɲəi.

Lomaŋ 5:6

A tɛ̨ą, ɓɛlɔwai hvaŋą hvo kɛ la gu yəi, Yálá nwɔ yələi ə ɉəɠə ɉu ɉəliɛ, Kristə ə haa mɛ̨nį ɲɔ̨n gɛ nuą mąą mɛ̨nį ɓa.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Ifisiɛŋ 4:32

'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Kolosə 3:13

Ká kpɔnmąą tɛɛ ka kee pɔ, nu ta a mɛ̨nį nwąnąą laa mɛlan ma, 'ká ká kee mąąhvaalɛɛ, yɛ bələi Kristə ə ká mąąhvaalɛɛ la.