Lukə 7:13 - Yálá laawoo hɛɓɛ (dc)

¹³ Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Yálá laawoo hɛɓɛ

¹³ Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Bible

¹³ Nya ƃe Kúnuu-namui kɛ́ɛ a nɛnîi káai, m̀alôŋ e zòŋ, ǹyɛɛ ma, “Ífe wɔlɔ.”

Lukə 7:13 ပူးပေါင်းရင်းမြစ်များ

Mąątɛ̨nɛ̨ 103:13

Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Markə 8:2

Nuą ŋɛ̨i di ŋɛ̨imąąwɛli aa ɉón. Mąąhɔlɔɓo, daa hvóló haaɓa kɛ bɔ́ di hvo nii kɔ̨nɔ̨n mį́i li.

Lukə 10:1

Yili pulu, Ną́mu Jesus ə nu pu-mɛ̨ihveelɛ-kɔw-hveelɛ takpɛli yɛɠɛ ɉu, ə di tɔɔ hveelɛ-hveelɛ, diɛ li, taaɠaai kɛ mąąnɛ̨ɛ̨ kɛ Jesus kpinįi ə həli ɉu.

Lukə 11:1

Hvóló ta, Jesus ə kɛi Yálá hvɛli kɛɛnąą ta, nwɔ kalan nɛai dɔ̨nɔ̨ yɛ mą: «Ną́mu, Yálá hvɛli pələ lɛ kuɔ yɛ pələi Ɉaan ə nwɔ kalan nɛai mąąkwɛli la.»

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Lukə 13:15

Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Lukə 17:5

Jesus nwɔ kɛlaɠaa tii di mo Ną́mu Jesus ɓa, diɛ mą: «Kuɔ laa na laa ta pɛlɛ mą.»

Lukə 17:6

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Lukə 18:6

Nąmu Jesus a kɛ diɛ: «Nwoo tii gití tee mun vuluɔ tii ə mo ka mɛ̨n?

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Lukə 22:61

Gu Ną́mu Jesus ə tínɛ̨n ə ɲɛ̨i hee Piɛrə ɓa. Mɛ̨nį tii gu Ną́mu Jesus ə mo mą, nąą kili ə too ŋą. Yai ə kɛ mą: «Háákələi, gɛɛ tɛɛ hvo tɔlɔɔ hvo hvaa, ə́ kaa pai lənəi mą́ą́ gee mɛ̨i haaɓa.»

Lukə 24:3

Di lɔ gámą hu, kɛlaa, di hvo Jesus kaa.

Lukə 24:34

Di mo nu hveelɛi tii ɓa diɛ diɛ: «Jesus aa muhəɠə kpɔ aa kulɔ haaɓɛlaa lɔwai a tɛ̨ą, Simɔn ə gaa.»

Lukə 7:12

Ɓɛlɔwai di kɛi kɛa tɛ la daai tii hu, di nu powa ta kaa laa ni, gbɛa-gbɛan ŋą diɛ li nooi. Nu powai tii, ə kɛ a kalanin ta lon ɉulɔnu kɔ́w tɔ̨nɔ̨ gbən. Nu kpulu kɛnɛ̨ɛ̨ ə kɛ nɛ̨ɛ̨nui tii pulu, diɛ li nu powai tii looi.

Lukə 7:14

Yili pulu, Jesus ə lɛɠɛ gbɛa-kpɛa ma, ə ɲee pɛlɛ mą, nuą tii nu powa ə kɛ di yəi, di kpəla di tɔɔ. Jesus ə mo nu powai tii ɓa yɛ mą: «Hulɔnon, gɛ́ ə́ ə́ muhəɠə ə́ kɛ a ə́ hvulú.»

Lukə 7:19

ə di tɔɔ Ną́mu Jesus pɔɔli, əgɛ, di mąąni kɛ, diɛ mą: «Akɛti, Nwun mąąɓomun Yálá ə naakwɛlanmo yaai ku kaa mąąkpɔn ɉi, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?»

Lukə 8:52

Nuą tii kɛ laa bɛlɛ́n, di kɛi wɔlɔ diɛ di woolaa nokoloi tii mąą mɛ̨nį ɓa. Jesus ə mo diɛ, yɛ diɛ: «Ka hvo wɔlɔ, hvo haa li, gaa yii.»

Ɉaan 11:2

(Mari nɛi Ną́mu Jesus kɔ́wɔ mąąti a wulɔ kun-nɛɛ, yɛ mąą kələ a nwun nɛɠa, Mari tii da Martə di kɛ a Lazarə ŋɛ̨i ɲɔ̨n ə kɛ mą mąąhalani.)

Ɉaan 11:3

Lazarə mąąhalani di wəlɛɛ tɔɔ Jesus pɔ diɛ mą: «Ną́mu, nui ŋɛ̨i nwɛli ə kɛ yɛ, gaa ɲɔ̨n gɛi.»

Ɉaan 20:13

Diɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi?» Ə di woo pulu pənə yɛ diɛ: «Daa Ną́mu kulɔ ɓɛ gámą hu, ɓɛi di naa laa, və́ nąą kɔ́lɔn.»

Ɉaan 20:15

Jesus yɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi? Gbɛɛ ɓə ə́ kaa gwɛlii?» Ə kɛ Mari kwəi, ɉihɛn ɲɛai tii mɛ̨i kaa mun ga tii mąąningɛ; yɛ mą: «Ną́mu akɛ yɛ́ ɓə gulɔ ɓɛ, ɓɛi ə́ naa laa nąą lɛ mą́ą́ ŋą li ŋį́ ɉəɠə.»

Ɉaan 4:1

Jesus ə gbaɠala kaa yɛ: Farisiɛ̨ɠaa daa kɛ bələ mɛ̨n, diɛ kɛ mą: Jesus kaa kalan nɛa mąąwaai yɛ tɛɛ la Ɉaan ɓa.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Korɛntə dɔlɔɔ 7:30

Nuąi wɔlɔi, di gɛ yɛ da wala kɛ wɔlɔi, yiiɠaai di kwəinɛ̨ɛ̨, di gɛ yɛ di kwəi a wala kɛ a nɛ̨ɛ̨, yiiɠaai hɛnŋąa yai, di gɛ yɛ hɛn da a wala kɛ di yəi.

Tɛsalonikə dɔlɔɔ 4:13

Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.