Lukə 6:27 - Yálá laawoo hɛɓɛ (dc)

²⁷ «Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ.

Yálá laawoo hɛɓɛ

²⁷ «Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ.

Bible

²⁷ “Kɛ́lɛ, káai ŋ́oo mɛnîi, ŋa m̀ôi kâa, ka kákpɔara-ƃelai wɛ́li. Ka mɛni lɛ́lɛɛ kɛ́ a diai da kákpɔ̀arâi.

Lukə 6:27 ပူးပေါင်းရင်းမြစ်များ

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Mąątɛ̨nɛ̨ 7:4

Yai-Laa, nwɔ́ Yálá, a kɛ kpɔ ŋį́ túwɔ a ɲɔ̨nwɔ̨ɔ̨, a kɛ kpɔ ŋį́ ɲə́ə́ lɔ hvulu mɛ̨nį hu,

Hanwon 24:17

Ə́ yowo a too, ə́ kwəi hvo nɛ̨ɛ̨. A gɔwɔ tuwɔ, 'hvó pili yələi a kwəinɛ̨ɛ̨.

Hanwon 25:2

Yálá nwɔ mąąwiɛ ɓaa, loo mɛ̨nį lɛɛ noo pələi. Tɔɔɓɛlaa di wɔ mąąwiɛ ɓaa, di mɛ̨nįɠaa mąąkpɛɛ.

Markə 4:24

Jesus ə mo nwɔ̨nɔ̨ diɛ, yɛ diɛ: «Mɛ̨nį yiiɠaa ka káá mɛ̨n ɉi, ka gɛ a nɛlɛɛ! Pələi ka káá mɛ̨inɛ̨ɛ̨ kɔ́ɔn ɉi la kaa dɛɛ nuą pɔ, pɛlɛ lɔ ɓɛ Yálá a gɔwɔn na, ə da laa mɛ̨i ə dɛɛ ka pɔ.

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Lukə 8:18

Ka gɛ a nɛlɛɛ, mɛ̨nįɠaai ka káá mɛ̨n ɉi mąą mɛ̨nį ɓa. Mąąhɔlɔɓo, nui hɛn da kaa ɲəi, Yálá a da pɛlɛ mą. Kɛlaa, nui hɛn da hvo ɲəi, yii woloi gili kaa mą, Yálá a tinąą gulɔ ɲəi.»

Lukə 8:8

Kɛlaa, daɠaa di too lɔi lɛlɛɛ hu, di ɓɔn, di ɓa. Gbaɠa tɛitɛi kəlee kɔ́w yɛ ɓo: nwun dɛitɛi.» Yili pulu, Jesus yɛ nwɔ̨nɔ̨ diɛ: «Nui wəli kaa mą, ə mɛ̨n.»

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 16:28

Kɛlaa, Polə ə tomą kpɔ mɛ̨i a nwoo kɛnɛ̨, yɛ mą: «Hvó kɛ ə́ kaa mɛ̨nį ta kɛ a ə́ kpɔwɔ, ku kəlee ku kaa ɓɛ.»

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.