Lukə 6:23 - Yálá laawoo hɛɓɛ (dc)

²³ Ɓɛlɔwai mɛ̨nįɠaa tii da həli la kaa, ka pili yələi a kwəinɛ̨ɛ̨, mąąhɔlɔɓo, hvɛla kulɔ kɛnɛ̨ kaa ka mąąkpɔn ɉi yələkɔlɔn ɉu. Pələ kpɔlɔ ɓə di kalaɓɔlɔni di kɛi Yálá kwəi mɛ̨nį hukulɔ nuą laa nɔ̨nwɔ̨ ɓo la.

Yálá laawoo hɛɓɛ

²³ Ɓɛlɔwai mɛ̨nįɠaa tii da həli la kaa, ka pili yələi a kwəinɛ̨ɛ̨, mąąhɔlɔɓo, hvɛla kulɔ kɛnɛ̨ kaa ka mąąkpɔn ɉi yələkɔlɔn ɉu. Pələ kpɔlɔ ɓə di kalaɓɔlɔni di kɛi Yálá kwəi mɛ̨nį hukulɔ nuą laa nɔ̨nwɔ̨ ɓo la.

Bible

²³ Kálii é nɛ̃ɛ a maa-ɣelei ti, ka píli ɣelêi a lii-nɛ̃ɛ, kpɛ́ni fêi, ka gáa, káfela-fei kɛ̂tɛi Ɣâla-taa, kpɛ́ni fêi, bere nɔ ƃe dínuu-pɔlɔ-ŋai dí wɔ́lɔ gɛ̀ la a Ɣâla ŋɔlóno-kɛ-ƃelai.

Lukə 6:23 ပူးပေါင်းရင်းမြစ်များ

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Tɔɔɓɛlaa dɔlɔɔ 19:2

Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa dɔlɔɔ 22:27

Yɛ diɛ, tɔɔmun nwoo ka, yɛ: ka ɉulɔnui ŋɛ̨i too gaho ŋą; ka hvo kɔ̨nɔ̨n nɛlɛɛ tɛɛ bɔ, ɛlɛɛ hvo kpələ ya hɔlɔɓo kɛnɛ̨, ə lɛɛ la ɉu ŋą́ li ŋą́ yeetɛɛmąą kɛ, ŋą́ pa liilaa hu.»

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Tɔɔɓɛlaa veelɛ 6:31

Yili pulu, tɔɔmun ə gwɛla, yɛ mą: «Háákələi, Safatə lon Elise nwunganin a lɛɛ ŋą, Yálá hvo yɛnɛ̨ɛ̨ nɛ̨ɛ̨ mą́ą́!»

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Azaya 35:6

Nąąlɔwai nui tooi gɔwɔ mɛ̨i, gaa pai pilii yələi yɛ lómą, muúgbɛ laaləi yɛ tómą a kwəinɛ̨ɛ̨, tɛɛyáɠaa diɛ laa lɔi pun ɉu kpalaa hu, yálee hvaŋą kpɛa-kpɛaɠaa diɛ laa ɓɛi kɛ nąą kpalaa a bɔlɔ.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Lukə 1:41

Ɓɛlɔwai Elisabɛtə ə Mari nwɔ woo pili mąą woo mɛ̨n na, non ə tumo gwəi. Yálá ə Elisabɛtə kili ɲą pono,

Lukə 1:44

Mari, ə́ kaa gaai, ɓɛlɔwai ŋą ə́ wɔ woo pili mąą woo mɛ̨n na, nón ə tumo gwə́i a kwəinɛ̨ɛ̨.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Gɛlaɠaa 14:10

Polə ə mo mą a nwoo kɛnɛ̨ yɛ mą: «'Haŋą ə́ tɔɔ ə́ kɔ́wɔ mɛ̨i!» Ɉulɔnui ti ə muhəɠə, ə teen ə hvilɛn, yɛ hiɛ.

Gɛlaɠaa 3:8

ə pili yələi ə hvilɛn, yɛ hiɛ da gɛlaɠaa di lɔ Yálá hee pɛlɛ́ mu, yɛ pili yələi, yɛ Yálá laa tɛ, yɛ ɉɛɠɛɛɓo.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:26

«Nui ɲee a tɛɛ mɛ̨nįɠaa tii kəlee ɓa, yai a ɲee kąnąn nwɔ́ kólóɠaai diɛ, ə lɛɛ ɉu ɲąąkpɛɛ yələi, ŋą́ hvaŋą tɛɛ pɔ hįi lɔi kəlee mɛ̨i,

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.