Lukə 6:21 - Yálá laawoo hɛɓɛ (dc)

²¹ «Nwun na nɛ̨ɛ̨ nuą ɓaa a kaa ŋɛ̨i pulu kaa kaa yiihu, mąąhɔlɔɓo, ka káá pai kɔ̨nɔ̨n gɛnɛ̨ hɔlɔɓoi. «Nwun na nɛ̨ɛ̨ nuą ɓaa a kaa yiiɠaai ka káá wɔlɔi yiihu, mąąhɔlɔɓo, ka káá pai yɛ́lɛ́i.

Yálá laawoo hɛɓɛ

²¹ «Nwun na nɛ̨ɛ̨ nuą ɓaa a kaa ŋɛ̨i pulu kaa kaa yiihu, mąąhɔlɔɓo, ka káá pai kɔ̨nɔ̨n gɛnɛ̨ hɔlɔɓoi. «Nwun na nɛ̨ɛ̨ nuą ɓaa a kaa yiiɠaai ka káá wɔlɔi yiihu, mąąhɔlɔɓo, ka káá pai yɛ́lɛ́i.

Bible

²¹ Lûwa káa kâa, káai puru a kákɛ̂i loníi mai, kpɛ́ni fêi, ka pâi pelâi. Lûwa káa kâa, káai wɔ́lɔ̂i loníi mai, kpɛ́ni fêi, ka pâi ɣɛ́lɛ̂i.

Lukə 6:21 ပူးပေါင်းရင်းမြစ်များ

Zɛnɛse 17:17

Abrahamə ə pɛlɛ nɔi ɓa, ə yɛlɛ a kwəinɛ̨ɛ̨, mąąhɔlɔɓo, ə mo gwəi pələ yɛ mą: «Lon ɉulɔnu a pɛli ə hɔlɔɓo ɲə́i yiihu, gáá kwɛlan aa lɛɠɛ kɛa nwundɔ̨nɔ̨ kwɛlɛ, nɛ̨́ą nwɛi yɛ ɓo pow mɛ̨inąąn? Akɛtii, kwa pɛli ni lon ɉɔlɔɓoi?»

Zɛnɛse 21:6

Nąąlɔwai, Sara ə mo, yɛ diɛ: «Yálá aa kwəinɛ̨ɛ̨ yɛlɛ too ná. Nuąi lɔpee pai Isaakə mąą mɛ̨nį bələ mɛ̨n ɉii, di kaa pai yɛ́lɛ́i nwɔ́ yɛ́lɛ́ pɔ.»

Mąątɛ̨nɛ̨ 107:9

Mąąhɔlɔɓo, ə yá tɔɔ kpələ wɛli həɠə mun na, ə pulumun gɔ́ a kɔ̨nɔ̨n kpɔ kɛnɛ̨.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 143:6

Gáá ɲə́ə́ hąŋąi ə́ pɔ pələ, ɲą́ą́ ka ɲɛ̨i ə́ lííla, yɛ lɔi ɉu aa kpala a yá wɛli.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Mąątɛ̨nɛ̨ 65:4

Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Azaya 30:19

A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Lukə 1:53

Nuąi kɛ pulu toɔ diɛ, aa di yee laahvɛɛ a mɛ̨inɛ̨ɛ̨ kɛnɛ̨. Aa hɛn gɔw nąmįną kɛ a yeehvowolo nuą.

Lukə 6:20

Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Lukə 6:25

«Kpalo ɓɛlaai kaa, kaa yii ka mąąkpaan gbɛɛ hɛn gəlee kaa ka yəi yiihu; mąąhɔlɔɓo, pulu kaa pai tinąą tooi kaa! «Kpalo ɓɛlaa kaa, kaa yii ka káá yɛ́lɛ́i yiihu, mąąhɔlɔɓo, ka káá tinąą pai mąąwɛli hee ɓoi.

Ɉaan 11:35

Jesus ə wɔlɔ.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 6:35

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Korɛntə dɔlɔɔ 4:11

Yii laa hu, pulu kaa kuɔ, kpələ wɛli yɛ ku kɛ, tənə toɔ kuɔ, diɛ ku mɔ̨nɔ̨ɓo, ku kaa lɔ ku nwun ma kuɔ li;

Korɛntə veelɛ 11:27

Hvįikpɛɛ da mɔ̨nɔ̨, yíi kpəlin damąą, pulu, kwaną kpala, hín nɔɔ tamąą, kwɛ́lɛ́, da tənə;

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

M̀ɛni-lɛɛi 7:16

Pulu hva kɛa di kɛ, kpələ wɛli hva kɛa di hon, hvóló da nwəleen di hva kɛa di kələn.