Lukə 6:17 - Yálá laawoo hɛɓɛ (dc)

¹⁷ Jesus həɠɛɛ ɲee kpukpu ɓa da nwɔ kalan nɛa pow kɔ́w hveelɛ di yɛɛ nɛ̨ŋɛ̨n hu ɓɛi gala nɛa takpɛliɠaa tamąą di kɛ laa, nu kpulu kɛnɛ̨ ə kɛ laa. Daɠaa di həɠə Ɉude lɔi hu, daɠaa di həɠə Ɉerusalɛmə; ə mą kɛ daa yiiɠaai kɛ Tirə lɔi da Sidɔn lɔi koo ɓa.

Yálá laawoo hɛɓɛ

¹⁷ Jesus həɠɛɛ ɲee kpukpu ɓa da nwɔ kalan nɛa pow kɔ́w hveelɛ di yɛɛ nɛ̨ŋɛ̨n hu ɓɛi gala nɛa takpɛliɠaa tamąą di kɛ laa, nu kpulu kɛnɛ̨ ə kɛ laa. Daɠaa di həɠə Ɉude lɔi hu, daɠaa di həɠə Ɉerusalɛmə; ə mą kɛ daa yiiɠaai kɛ Tirə lɔi da Sidɔn lɔi koo ɓa.

Bible

¹⁷ Nya ƃe da dîa-ni dí pà dí tɔɔ vieŋ ŋá dîŋ su, da ŋɔpôlu-ƃela-kpulu kɛ́tɛi, bɛlɛɛ kpɔŋ kɛ́tɛ ma kula kɛ̀ Zuda-lɔii su da Zerusâlɛŋ, da nyii-ŋai kùla yuo-kpono ma Taya da Sidɔŋ. Ǹûai ŋi dí pà a gɛɛ dí ŋ̀óo mɛni, dí ƃalo díkɔlɔ-fela-ŋai su.

Lukə 6:17 ပူးပေါင်းရင်းမြစ်များ

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Maafîu 12:15

Yii kɛa Jesus ə di wɔ kiliŋąhiɛ kaa tii, ə həɠə laa yɛ li. Nu kpulu kɛnɛ̨ ə hvilɛn bulu, ə ɲɔ̨n gɛ nuą kəlee kɔ́lɔi pono.

Maafîu 14:14

Di kulaa gələn ɉu Jesus ə nu kpulu kɛnɛ̨i tii kaa di ɲɛ̨imąąwɛli ə Ɉon; ɲɔ̨n gɛ nuąi di paa a diɛ, ə gəlee kɔ́lɔi pono.

Maafîu 15:21

Yili pulu, Jesus ə li Tirə da Sidɔn di lɔwai taa ta hu.

Maafîu 5:1

Yii kɛa Jesus ə nu kpulu kɛnɛ̨i tii kaa, ə tɛ ə hee ɲee tona, nwɔ kalan nɛai di lɛɠɛ mą.

Lukə 5:15

Nąąlɔwai, Jesus mąą tin ə too kpɔ nwɔ̨nɔ̨ kɛnɛ̨, nuą diɛ pa, əgɛ, di di wəli tɔɔ nwoo ɓa; nuąi ɲɔ̨n ə kɛ diɛ, yɛ di kɔ́lɔi pono.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Lukə 6:16

Ɉakə lon Ɉudasə da Ɉudasə Iskariotə mun, yai pai kɛ Jesus tɛŋɛn gwɛlɛi.

Lukə 6:18

Nuą tii kəlee di pa, əgɛ, di Jesus woo mɛ̨n, ə lɛɛ, ə di kɔ́lɔi pono. Nuą ɲį́nɛ̨n ə kɛ di pulu, Jesus ə gbɛ di pulu.