Lukə 6:12 - Yálá laawoo hɛɓɛ (dc)

¹² Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Yálá laawoo hɛɓɛ

¹² Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Bible

¹² Nya ƃe e kɛ̀ ti, ŋele-ŋai ti su e lì ǹyéei ma a gɛɛ e Ɣâla fɛli. È gɛ̀ naa a kpini-kuu tɔnɔ Ɣâla fɛlîi.

Lukə 6:12 ပူးပေါင်းရင်းမြစ်များ

Mąątɛ̨nɛ̨ 22:2

Nwɔ́ Yálá! Nwɔ́ Yálá! Lə ɓə kɛ yai, ə́ ə́ kili kulɔ ɉú? Gɛ́ tómą lɔ kpɛli kpɛli, málo mɛ̨nį mąą kwɛaa lɔ mą́ą́.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Maafîu 5:1

Yii kɛa Jesus ə nu kpulu kɛnɛ̨i tii kaa, ə tɛ ə hee ɲee tona, nwɔ kalan nɛai di lɛɠɛ mą.

Maafîu 6:6

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Markə 1:35

Mąą yələ laaɓoɔ, yələ ɓoi kpinį mu, Jesus ə kulɔ bɛlɛ́n ə li daa pulu pələ yɛ Yálá hvɛli dɔ̨nɔ̨ kɛɛnąą.

Markə 3:13

Jesus ə tɛ ɲee ɓa, nuą yiiɠaa ə kɛ di pɔ, ə di təli, di lɛɠɛ mą.

Markə 6:46

Yii kɛa Jesus ə nuą tii tɔɔ pələi, ə tɛ yee kpukpu ta tonna yɛ Yálá hvɛli yaa tɔ̨nɔ̨.

Lukə 5:16

Yili pulu, Jesus ə li dɔ̨nɔ̨ kɛɛnąą yɛ Yálá hvɛli.

Lukə 6:11

Nuą tii kɛ laa, gəlee líí ə holi kpɔ kɛnɛ̨, diɛ di kee ni mąąni kɛ diɛ kɛ mą: «Lə ɓə gwa pɛli gu gɛ a Jesus ŋɛ̨i?»

Lukə 6:17

Jesus həɠɛɛ ɲee kpukpu ɓa da nwɔ kalan nɛa pow kɔ́w hveelɛ di yɛɛ nɛ̨ŋɛ̨n hu ɓɛi gala nɛa takpɛliɠaa tamąą di kɛ laa, nu kpulu kɛnɛ̨ ə kɛ laa. Daɠaa di həɠə Ɉude lɔi hu, daɠaa di həɠə Ɉerusalɛmə; ə mą kɛ daa yiiɠaai kɛ Tirə lɔi da Sidɔn lɔi koo ɓa.

Lukə 9:18

Yələ ta, Jesus yaa tɔ̨nɔ̨ ə kɛi Yálá hvɛli, nwɔ kalan nɛa di laŋąn ma. Ə di mąąni kɛ, yɛ diɛ: «Nuą da kɛ kɛi lə mą́ą́ mɛ̨nį hu?»

Lukə 9:28

Mɛ̨nįi tii ɓoɔ, lɔwɔ tɔ̨nɔ̨ ə kulɔ ɉu, Jesus ə Piɛrə, Ɉaan da Ɉakə di həɠə da diɛni də li yee ta ɓa Yálá hvɛli mɛ̨nį ɓa.

Lukə 9:29

Ɓɛlɔwai Jesus ə kɛi Yálá hvɛli la, ɲɛ̨ilaai mąą ə hvalin, nwɔ həɠəi gwələ ɲɛ̨i ə kulɔ kpɔ pə-pə.

Ɉaan 6:3

Jesus ə tɛ yee kpukpu ta ɓa ə hee laa, da nwɔ kalan nɛai.

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.