Lukə 5:35 - Yálá laawoo hɛɓɛ (dc)

³⁵ Kɛlaa, ɓɛlɔwai di kaa pai nɛ̨ɛ̨gbɛla ɉilɛ həɠəi la mɛlaa pɔ, volóɠaa tii hu ɓə da pɛli di hin nɔ la.»

Yálá laawoo hɛɓɛ

³⁵ Kɛlaa, ɓɛlɔwai di kaa pai nɛ̨ɛ̨gbɛla ɉilɛ həɠəi la mɛlaa pɔ, volóɠaa tii hu ɓə da pɛli di hin nɔ la.»

Bible

³⁵ Ŋele-kuu-ŋai da pâi pâi, tãi da pâi nɛnî-kula-surɔŋ kulâi la díyêei. Maa-tãi ti su da pâi pílii suŋ su.”

Lukə 5:35 ပူးပေါင်းရင်းမြစ်များ

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Markə 2:20

Kɛlaa, yələ ta, nɛ̨ɛ̨gbɛla ɉilɛ a həɠə mɛlaa pɔ, nąąlɔwai ɓə di kaa pai hín nɔi la.

Lukə 17:22

Yili pulu ə mo nwɔ kalan nɛai diɛ, yɛ diɛ: «Volóɠaa ŋɛ̨i ka Nu Lon ni ka káá la ka kee ɓa, gaa pai kɛi a hvóló ta, kaa volóɠaa tii ta wɔlɔ ɓo, kɛlaa, ka hva kɛa da kaa.

Lukə 5:34

Jesus ə di woo pulu pənə yɛ diɛ: «Gaa ka wɔ kwəi ɓɛlɔwai nɛ̨ɛ̨gbɛla ɉilɛ a mɛlaa təli la nwɔ húlú lɔ kɔ̨nɔ̨n ma, nąąlɔwai ɓə da hin nɔ la? Nwɛ́i, gɛ́ diɛ: Kpaa!

Lukə 5:36

Yili pulu, Jesus ə ɉanwon ŋɛ̨i hɔɔ diɛ, yɛ diɛ: «Nu hva pɛli həɠə ɓɛla nįnɛ̨ ta teei ma hvo həɠə pɔlɔ woloi hɔlɔn na; a kɛ tii, ɉəɠə ɓɛla nįnɛ̨i tii hu a kala lɔ kpɛli-kpɛli, ə lɛɛ, di hva di kee mąąhon.

Ɉaan 12:8

Yee howolo nuą, di kaa pai kɛi ka lɔwai a yələ kəlee, kɛlaa, nwɛ́i, və́ pai kɛi ka pɔ a yələ kəlee.»

Ɉaan 13:33

Nónni, və́ kɛa pai lamui ka pɔ, ka káá pai kɛi gwɛ́li; kɛlaa, yɛ pələi ŋą́ mo la Ɉuifəɠaa diɛ gɛ́ diɛ: ‹Ɓɛi gáá lii laa ka hva pɛli lii laa›, bələ lɔ ɓə nwɔ̨nɔ̨ gáá moi la kaa.

Ɉaan 16:28

Ŋą́ həɠə Ną́n bɔ gɛ́ pa yɛnɛ̨ɛ̨, ya ka tii nwɔ̨nɔ̨ gáá həɠəi yɛnɛ̨ɛ̨ gɛ́ li Ną́n bɔ.»

Gɛlaɠaa 1:9

Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Gɛlaɠaa 14:23

Galan gbɔn tɛitɛi hu, di di yee lɛ nu taɠaa diɛ, a kalanɉonŋaa; di kɛli Yálá hvɛli, diɛ hin nɔ, di di kalihva ɓo gu Ną́mu ɓa, a Ɲálái ti di di yee hee mąą mɛ̨nį mui.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Korɛntə veelɛ 11:27

Hvįikpɛɛ da mɔ̨nɔ̨, yíi kpəlin damąą, pulu, kwaną kpala, hín nɔɔ tamąą, kwɛ́lɛ́, da tənə;