Lukə 5:32 - Yálá laawoo hɛɓɛ (dc)

³² Jesus yɛ diɛ: «Yálá hvo kɛ dɔ́ɔ́ li nu haŋąaɠaa mąą mɛ̨nį ɓa, kɛlaa, ə dɔ́ɔ́, əgɛ, ŋą nu túwɔ́ pələ ɲɔ̨nwɔ̨ɔ̨ɠaa kwɛli di di wɔ túwɔ́ pələ ɲɔ̨nŋąa mąąhvalin.»

Yálá laawoo hɛɓɛ

³² Jesus yɛ diɛ: «Yálá hvo kɛ dɔ́ɔ́ li nu haŋąaɠaa mąą mɛ̨nį ɓa, kɛlaa, ə dɔ́ɔ́, əgɛ, ŋą nu túwɔ́ pələ ɲɔ̨nwɔ̨ɔ̨ɠaa kwɛli di di wɔ túwɔ́ pələ ɲɔ̨nŋąa mąąhvalin.»

Bible

³² Fe pa ni a gɛɛ ŋa tɔ̃yâ-ƃela toli, fɛ̂ɛ sɔnyɔ̂ŋ-ƃela lii-pene mɛni ma.”

Lukə 5:32 ပူးပေါင်းရင်းမြစ်များ

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Markə 15:10

Mąąhɔlɔɓo, Pilatə ə gɔlɔn gɛ yɛ haláá laa həli nuą nwun nąmįną di kaa Jesus tɛŋɛ̨n gwɛlɛi ma tolo ɲɔ̨nwɔ̨ɔ̨ mąą mɛ̨nį ɓa.

Markə 15:7

Hulɔnu ta ə kɛ laa, diɛ kɛ naa ɓaa Barabasə. Ə kɛ gaho ŋą da nuą yiiɠaai kɛ di lɔɔ nɔi kili. Hvóló ta, nuą tii di di kwɛitee, di nu paa.

Markə 2:17

Jesus ə di woo mɛ̨n, ə mo diɛ yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun mą. Hvo kɛli ɲɔ̨n gɛ nuą ɓə di mąąkpaan gaa hali kɛmun mą. Və́ kɛ pa li tələnmo nuą kwɛli mɛ̨nį ɓa, hvo kɛli túwɔ́ pələ nwɔn gɛ nuą.»

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 15:7

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a ɉɔn mąąhvalin, kwəinɛ̨ɛ̨ kɛnɛ̨ a kɛ Yálá-taa, nui tii mąą mɛ̨nį ɓa, ə tɛɛ telmo nuą pow mɛ̨inąąn kɔ́w mɛ̨inąąn ɓa, diɛi di hɔn mąąhvalin mɛ̨nį niihɛlɛn və diɛ.»

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Lukə 5:31

Jesus ə di woo pulu pənə yɛ diɛ: «Nui gɔlɔi ponoɔ̨, mąą kpaan və yɔwɔtɔlɔ ɓa; hvo kɛ li nui ɲɔ̨n gaa mą, ya ɓə mąą kpaan gaa mą.»

Lukə 5:33

Nuą di mo Jesus ɓa diɛ mą: «Ɉaan nwɔ kalan nɛai da hin nɔ a hvóló kəlee diɛ Yálá hvɛli, ə mą kɛ Farisiɛ̨ɠaa di wɔ kalan nɛa kpɛli mąn da gɛ lɔ tii. Kɛlaa, ə́ wɛiɠaa di wɛi da di laa mį́į́ lɔ a hvóló kəlee diɛ di kpələ.»

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.