Lukə 5:21 - Yálá laawoo hɛɓɛ (dc)

²¹ Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Yálá laawoo hɛɓɛ

²¹ Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Bible

²¹ Gɛɛ ti, gɔlɔ-pɔ̃yɛ-ƃelai da Faresii-ŋai dí kɛ̀ díkili ŋá siâi, dîyɛɛi, “Gbɛ̂ɛ ƃe ŋi a tɛ-ŋɛi-woo lônoi? Gbɛ̂ɛ ƃa pɔ̂ri sɔnyɔ̂ŋ su-mɛni lɛɛ̂i fɛ̂ɛ Ɣâla ǹyaa tɔnɔ?”

Lukə 5:21 ပူးပေါင်းရင်းမြစ်များ

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Mąątɛ̨nɛ̨ 35:5

Di kɛ yɛ mɔ̨nun gala, hvaŋą yəi, a ɓɛlɔwai Yálá nwɔ malakai a hee la di hu.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Danîa 9:19

Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Levetekɔ 24:16

Ɛlɛɛ, nui a Yai-Laa laa ɓɛlɛ too woo ɓo, da baa; yɛ ə kɛ a nwɛ̨ą, yɛ ə kɛ a nɔi lon, Israɛlə nuą kəlee da ɉɔɔ, da baa mąąhɔlɔɓo, aa Yálá laa ɓɛlɛ too.

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Maafîu 26:65

Ɉaláá laa həli nuą nwun nąmui tii ə mąą həɠə hu ɓɛla, yɛ diɛ: «Aa Yálá lalan. Yili ɓa tii, ə mą kɛ kɛa gu hvo kɛla takpɛli kwɛli li, ka kəlee kaa nąą kaa, ə lɛɛ kaa nwoo ɲɔ̨n tii mɛ̨n.

Maafîu 9:3

Yaan, tɔ́n galamɔ̨ɔ̨ taɠaa di kɛ laa, di kɛi mo di kwəi pələ, diɛ kɛ mą: «Nui ŋɛ̨i aa Yálá lalan.»

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Lukə 5:17

Yələ ta, Jesus ə kɛi nuą kalan, Farisiɛ̨ɠaa da tɔ́n galamɔ̨ɔ̨ɠaa di həɠə Ɉude lɔi taa taɠaa hu, da Galile lɔi taa taɠaa, ə mą kɛ Ɉerusalɛmə; di pa di hee Jesus kwɛlɛ, Ną́mu Yálá nwɔ huwalawala ə kɛ Jesus mɛ̨i, yɛ ɲɔ̨n gɛ nuą kɔ́lɔi pono.

Lukə 5:22

Jesus ə di wɔ kiliŋąhiɛi tii kaa, ə mo diɛ yɛ diɛ: «Lə mɛ̨nį ɓa ka wɔ kiliŋąhiɛ kɛ pələ kaa tii?

Lukə 7:49

Nuą tii da Jesus ni di kɛi nąą mį́į́ kɛ kɛɛnąą tɔ̨nɔ̨, di kɛi mo di kee lɔwai, diɛ kɛ mą: «Nu lə kɛɛ ɓəi, yaai, a nɛ̨ŋɛ̨n mąąhvaalɛɛ?»

Ɉaan 10:33

Ɉuifəɠaa di nwoo pulu pənə diɛ mą: «Mɛ̨nį lɛlɛɛɠaai yaa gɛ mąą mɛ̨nį hvəə ku kaa ə́ hɔɔi la. Ku kaa ə́ hɔɔi, mąąhɔlɔɓo, yaa Yálá mąątea woo ɓo; ə lɛɛ, yai ŋɛ̨i ə́ kaa a nu, yɛ kɛ diɛ: Yálá ɓaa yɛ. Mɛ̨nį ku kaa bɔ ku ə́ hɔɔ la, yaa li.»

Lomaŋ 8:33

Nuąi Ə di həɠə ɉu, gbɛɛ ɓə a pɛli hɔn moi? Mąą nu hvo mą. Yálá ɓə di kɛ a tələnmo nuą.