Lukə 24:47 - Yálá laawoo hɛɓɛ (dc)

⁴⁷ Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Yálá laawoo hɛɓɛ

⁴⁷ Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Bible

⁴⁷ Ǹyaŋ à kɛ̀ ti, ǹáa su lii-pene da sɔnyɔ̂ŋ su-mɛni-lɛɛ a pâi ƃôi sii-ŋa kélee ma, gɔ́ɔ e pîlaŋ Zerusâlɛŋ.

Lukə 24:47 ပူးပေါင်းရင်းမြစ်များ

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 67:7

Lɔi aa hihɛnŋaa ɲąąnɛ̨ɛ̨, daa ɓa, Yálá, a ku wɔ Yálái aa lúwɔ́ too kuɔ.

Mąątɛ̨nɛ̨ 86:9

Nu huwuɠaai kpɔ ə́ di pɛli, di kəlee di kaa pai pai, diɛ kwɛli hvilɛn yɛ́, nwɔ́ mɛ̨nį Nąmu, diɛ ə́ laa mąąwiɛ.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 49:22

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: gáá pai ɲee lɛi hįį takpɛliɠaa diɛ, gáá pai huu pilii nuą diɛ, di kaa pai pənəi diɛ ə́ lon ɉinąą hee di yee kɔ̨nwɔ̨n ɉu, diɛ pa a diɛ, diɛ ə́ lon nɛ̨ąą hee di kalan ŋą.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 5:4

Lə kpɔ ɓə ŋą́ pɛli gɛi mą, ə tɛɛ yili ɓa? Ŋą́ kɛi viɲə ɓá lɛlɛɛɠaa mąąkpɔn, Lə ɓə kɛ yai ə ɓá a ɲɔ̨nwɔ̨ɔ̨?

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Osia 2:23

Yai-Laa woo ka, yɛ diɛ: Nąąlɔwai, mɛ̨nįi yələkɔlɔn ɲɛ̨i kaa dɔwɔ, ŋą́ dɛɛ bɔ; yaa kpɛli, mɛ̨nįi lɔi ɲɛ̨i kaa dɔwɔ, yɛ dɛɛ bɔ.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Zɔ̂ŋ Maa-ŋuŋ 2:12

Nónii pɛlɛɛɠaa, gáá ɉɛɓɛ́ ŋɛ̨i tɛɛ káá, ká wɔɔ nɛ̨ŋɛ̨nŋaa mąąhvaa aa lɛɛ Jesus laa mąą mɛ̨nį ɓa.