Lukə 24:44 - Yálá laawoo hɛɓɛ (dc)

⁴⁴ Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Yálá laawoo hɛɓɛ

⁴⁴ Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Bible

⁴⁴ Nya ƃe è mò dîa, ǹyɛɛi, “Ŋ̀óo-ŋai ká ŋí nyii ŋá mò kâa tãi ŋá kɛ̀ la kákɔlɛi, a gɛɛ mɛnii kélee bɔ̃yɛɛ̂i e pîlaŋ mâ Mose ŋɔtɔ̂ŋ sui da Ɣâla ŋɔlóno-kɛ-ƃelai díkɔlɔi sui, bɛlɛɛ nyii ma ŋ̀ule-woo-kɔlɔi sui, fɛ̂ɛ ŋa-see é kɛ́.”

Lukə 24:44 ပူးပေါင်းရင်းမြစ်များ

Zɛnɛse 14:18

Mɛlkisedɛkə ŋɛ̨i kɛ a Salɛmə tɔɔmun, yaai kɛ a Huwalawala Kəlee Nąmu Yálá nwɔ haláá laa həli mun gɛnɛ̨, ə pa a lopɛ̨i da lɔɔ.

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Mąątɛ̨nɛ̨ 118:22

Gwɛnii bɛlɛ́ tɔɔ nuą di lənə mą, ya ɓə kɛ a bɛlɛ́ nwun ɉon gwɛni.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 52:13

Nwɔ́ tímun kaa pai tɛi tɔwɔ, gaa pai heei kɛnɛ̨ hɔlɔɓoi, da mąąwiɛ laa kɛnɛ̨.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 33:14

Yai-Laa yɛ diɛ: «Hvolóɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Izikiɛ 17:22

Nwooi Yai-Laa gu wɔ Yálái ə mo, ya ka, yɛ: «Ɲą́ą́ Yai-Laa, ɲą́ą́ gbįnii gáá pai kpitili tɛlin deei don na, ŋą́ ɉin, ɲą́ą́ gį́nilee ŋą́ pənə ŋą́ ɉin, ŋą́ nwonwo kəlee tɛlin nįnɛ̨ yali ɲą yee kɛnɛ̨ɛ̨ tɔɔ tɔn na.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lonon mo 21:8

Yai-Laa yɛ Moisə ɓa: «Kaalə mąą nįnįn bɛli a kwɛli, ə ɉɛlɛn wulu gbiɛ ɓa. Nui lɔpee gaaləi tii ta a ɲin, a nwun muhəɠə a ɲɛ̨i hee mą, a ɓalo.»

Lonon mo 35:25

Mąąnɛ̨ɛ̨ galanɉonŋąą di nu paamun gulɔ nwąną kulɔ kɛ mun ɲəi, di pənə di li la mąąkilɛ taa hu, ɓɛi ə gbɛa mąąkilɛ laa. «A lɛɛ laa, ə lɛɛ ɉu, ɉaláá laa həli mun gɛnɛ̨ɛ di ɉee, a nwulɔ mąąhəɠɛɛ, ə haa.

Maafîu 1:22

Mɛ̨nįɠaa tii kəlee ə kɛ, əgɛ, mɛ̨nį Ną́mu ə mo gwəi mɛ̨nį hukulɔ mun ma, naa ə hon.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 26:54

Kɛlaa, ŋą yili kɛ tii Yálá laawoo laa a hon bələ kɛ ləi? Yaan, Yálá laawoo yɛ: Hvo kɛ li, yili ə kɛ tii.»

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Markə 9:31

Mąąhɔlɔɓo, ə kɛi nwɔ kalan nɛai kalan, a ɉaa mɛ̨nį, da muhəɠə mɛ̨nį, yɛ kɛ diɛ: «Di kaa pai lɔi Nu Lon gilii, di baa, kɛlaa, hvóló haaɓa tɛɛ pulu, a pənə ə kɛ a vulu.»

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Lukə 22:37

Mąąhɔlɔɓo, gáá moi kaa, mɛ̨nįi ŋɛ̨i di bɛ̨ɛ̨ yɛ hvilɛn na mą́ą́, mąąnɛ̨ɛ̨ ə kɛ, yai di kɛ la diɛ: ‹Da mɛ̨nį ɲɔ̨n gɛ nuą di di tɔɔi kɛ tanɔ̨n.› Mɛ̨nįɠaai hvilɛn mą́ą́, bɔ mɛ̨nį kaa kɛi.»

Lukə 24:46

Ə mo diɛ, yɛ diɛ: «Yii bɛ̨ɛ̨ ya ka: Nwun mąąɓomun Yálá ə naakwɛlanmo, hvo kɛli ə mɔ̨nɔ̨ mį́į́, ə haa, voló ɉaaɓa yələ ə kulɔ haaɓɛlaa lɔwai.

Lukə 9:22

Ə mo nwɔ̨nɔ̨ diɛ yɛ diɛ: «Hvo kɛli, Nu Lon ə pa mɔ̨nɔ̨ mį́į́ kpɔ kɛnɛ̨, nu pɔlɔɠaa, ɉala laa həli nuą kpɛa-kpɛaɠaa da tɔ́n galamɔ̨ɔ̨ɠaa di kaa pai lənəi ma, nuą di baa. Voló haaɓa yələ, a muhəɠə ə kulɔ haa ɓɛlaa lɔwai.»

Lukə 9:44

«Mɛ̨nį ŋɛ̨i gáá moi kaa, nąą kili ə lɛɛ ka ŋą kpɔ kpaan. Di kaa pai Nu Lon tɛŋɛn gwɛlɛi nuą diɛ.»

Ɉaan 3:14

Pələi tii Moisə ə kaalə pɛli la a ɓala kwɛli, ə ɉɛlɛn wulu ɓa ɲɛa lɔi hui, hvo kɛ li lɔ di Nu Lon gɛ tii.

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Ɉaan 5:46

Akɛ kɛ ka laa Moisə la, ka li lɔ laa ɲą́ą́ gbɛ́li na. Mąąhɔlɔɓo, mą́ą́ mɛ̨nį ɓə ə bɛ̨ɛ̨.

Gɛlaɠaa 13:33

Aa bɔ mɛ̨nį kɛ kuɔi a di lonnii kuɔ da hvo lɛɛ li pulu, a Jesus nwun ə mo haa nuą lɔwai, yɛ bələi bɛ̨ɛ̨i la Yálá mąątɛ̨nɛ̨ wələ hɛɓɛ́ veelɛnąą hu, yɛ mą: «‹Nón maa yɛ́, ɲą́ą́ kpɔ ɓə ə́ kaa háákələi.›

Gɛlaɠaa 13:40

Ka gɛ kani a nɛlɛɛ, ə gɛ, mɛ̨nįi ŋɛ̨i Yálá kwəi mɛ̨nį hukulɔ nuą di mo, hvo pa nei həli kaa, yai di kɛ mą:

Gɛlaɠaa 2:27

Mąąhɔlɔɓo, hvó pai nɛ́ɛ́i haaɓɛlaa lɔwai, hvó pai ə́ wɔ mąąhəɠə mun nɛɛi laa yɛ luwun kámą hu.

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Gɛlaɠaa 7:37

Moisəi ti ɓə kɛ Israɛlə nu huwu ɓa: ‹Yálá kaa pai gwəi mɛ̨nį hukulɔ mun da həɠəi ka nąn nonnii lɔwai, yɛ ɲą́ą́.›

Hebreu 10:1

Dɔn va pɛli mą, mɛ̨nį lɛlɛɛɠaai gaa pai, mąą mɛ̨nį ɲɛ̨i kulɔi kpɔ a neelee, gaa lɔ kɛ a nįnįn ɉu lɛ hɛn; yii dɔn ə kɛli ɉuhvɛli, ya ɓaa, ɉaláá huwu tanɔ̨n tii kaa gulɔ lɔ a kwɛlan gəlee, a gɛ pələ huwu tanɔ̨n. Yili ɓə gɛ, hva pɛli mą kɛ, nuąi da bɔ yíiɓo, di mąą mɛ̨nį ɲɛ̨i kulɔi a nɛlɛɛ, hvo naa kulɔ.

Hebreu 3:5

Moisə ə tələnmolaa kɛ Yálá yəi bɛlɛ́n, yɛ tímun, ə gɛ, mɛ̨nįi kɛi pa ɓoi, ə kɛ a mąą kɛla.

Hebreu 7:1

Mɛlkisedɛkə ti ɓə kɛ a, Salɛmə tɔɔmun, a Hɛn Gəlee Mɛ̨imun Yálá ŋą haláá laa həli mun gɛnɛ̨mun, yaa tii ɓə li Abrahamə laakwiɛn ɉii, ɓɛlɔwai yili ə həɠə la gɔ mɛ̨i, yai ə bɛlɛ dɔɔɓɛlaa diɛ; ə lúwɔ́ kɛ laa Abrahamə ɓa.

Hebreu 9:8

Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.