Lukə 24:11 - Yálá laawoo hɛɓɛ (dc)

¹¹ Kɛlaa, Jesus nwɔ kɛlaɠaa tii di kɛi nɛ̨ą tii woo kaa yɛ ɓowo woo, di hvo kpɛli laa di woo la.

Yálá laawoo hɛɓɛ

¹¹ Kɛlaa, Jesus nwɔ kɛlaɠaa tii di kɛi nɛ̨ą tii woo kaa yɛ ɓowo woo, di hvo kpɛli laa di woo la.

Bible

¹¹ kɛ́lɛ, ŋ̀óo-ŋai ŋi dí kɛ̀ nɔ dîa a ƃoo-woo-ŋa. Nya ƃe dífe dísiɣe ni a tɔ̃yâ. [

Lukə 24:11 ပူးပေါင်းရင်းမြစ်များ

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Zôo 9:16

Ə mą kɛ kɛ ŋą́ą́ dəli, yɛ nwóó pulu pənə, vá pɛli kɛ gbaɠala kaai, gɛ́ kɛ a nwəli tɔɔ nwóó ɓa.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Markə 16:11

Kɛlaa, ɓɛlɔwai di mɛ̨n na diɛ Jesus kaa a vulú, ə lɛɛ Mari yɛ kɛ diɛ, ə gaa a ɲɛ̨ikɔw, di hvo laa na.

Markə 16:13

Di pənə di pa di ɉukulɔ di ɓɛlaa diɛ, di hvo nwɔ̨nɔ̨ laa di la.

Markə 16:14

Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Lukə 24:41

Di hvo kɛi pɛli laai na, mąąhɔlɔɓo, di kwəinɛ̨ɛ̨i kɛ kɛnɛ̨, ə lɛɛ, di kwəi piliɛ ni kɛ diɛ. Jesus ə di mąąni kɛ yɛ diɛ: «Laa mį́į́ hɛn da kaa ɓɛ ka yəi?»

Gɛlaɠaa 12:9

Piɛrə ə kulɔ ə hvilɛn bulu. Gili hvo kɛ ɉu, yɛ kɛ mɛ̨nįɠaa ti kɛi tɛɛ a Malaka kɛ mɛ̨nį, neelee li kɛ, ə kɛ gwəi yɛ kɛ hįi pələ li.