Lukə 23:43 - Yálá laawoo hɛɓɛ (dc)

⁴³ Jesus ə nwoo pulu pənə yɛ mą: «Gáá moi yɛ́ a tɛ̨ą, háákələi, ə́ kaa pai kɛi bɔ́ Yálá-taa tɔɔlaa hu.»

Yálá laawoo hɛɓɛ

⁴³ Jesus ə nwoo pulu pənə yɛ mą: «Gáá moi yɛ́ a tɛ̨ą, háákələi, ə́ kaa pai kɛi bɔ́ Yálá-taa tɔɔlaa hu.»

Bible

⁴³ E mò ma, ǹyɛɛi, “Tɔ̃yâ ma, ŋá m̀ó yâ, sâa kwa ya kwa pâi kɛ̂i Paredai.”

Lukə 23:43 ပူးပေါင်းရင်းမြစ်များ

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Lukə 23:42

Nui tii ə tinɛ̨n ə mo Jesus ɓa, yɛ mą: «Ɓɛlɔwai ə́ kaa pai pənəi ə́ paa la yɛ́ ɓo a tɔɔmun, ə́ kili lɛɛ ɉú nąąlɔwai.»

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Korɛntə veelɛ 5:8

A tɛ̨ą, ku hvaŋąlɔɔi lɔ a yələ kəlee, ɛlɛɛ, ku kaa kɛa bɔ ku kulɔ gɔlɔi ŋɛ̨i hu, gwəli ku hee gu Ną́mu kwɛlɛ.

Filipə 1:23

Gáá mɛ̨nį hveelɛ lɔwai: gáá bɔ ŋį́ li Kristə pɔ, ɛlɛɛ, yili kpɔ ɓə nwɛli kaa mą́ą́.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»